hindumane.blogspot.com

ನೆನಪುಗಳು

2012-01-22T20:22:00.001+05:30

ಕಾಡತಾವ ನೆನಪುಗಳು ಗೆಳತಿ,
ಮರೆಯಲಾರೆ
ಮರೆತು ಬದುಕಲಾರೆ
ಮನಸಿನ ದುಗುಡ
ಹೇಳಲಾರೆ
ಹೇಳದಿರಲಾರೆ
ಯಾರಿರುವಿರಿ ಆಲೈಸಲು?
ಆಲೈಸಿ ಸಂತೈಸಲು????

ಒಂದು ಅಶ್ರು ತರ್ಪಣ

2011-12-25T18:04:00.000+05:30

ದಿನ ನಿತ್ಯ ನಾವು ಹಲವು ಘಟನೆಗಳಿಗೆ ಸಾಕ್ಷಿಯಾಗುತ್ತೇವೆ. ಕಳೆದ ವಾರ ಮುಂಜಾನೆ ನನ್ನ ಗೆಳತಿ ಹಾಗೂ ಸೋದರಿ ಫೋನ್ ಮಾಡಿ ತನ್ನ ತಾಯಿಗೆ ತುಂಬಾ ಆರೋಗ್ಯ ಸರಿ ಇಲ್ಲಾ ಎಂದು ಅಳುತ್ತಾ ಹೇಳಿದಳು.
ಆಗ ನಾನು ನನ್ನ ಕೆಲಸದ ಸ್ಥಳ ತಲುಪಿದ್ದೆ ಹಾಗೂ ಅದೇ ದಿನ ಹುಬ್ಭಳ್ಳಿ ಆಸ್ಪತ್ರೆಗೆ ಹೋಗಿ ಬರುವಷ್ಷು ಸಮಯಾವಕಾಶ ಇಲ್ಲದೇ ಮರು ದಿನ ಹೋಗಲು ನಿರ್ಧರಿಸಿದೆ.
ಮುಂಜಾನೆ ಪತ್ನೀ ಸಮೇತ ಹೊರಟೆ.. ಮೊದಲ ಬಸ್ ಜಸ್ಟ್ ಮಿಸ್‌... ಎರಡನೆ ಬಸ್ ಹಿಡಿದು ಶಿರಸಿ ಸೇರಿ ಅಲ್ಲಿಂದ ಮತ್ತೆ ಬೇರೆ ಬಸ್ ಹಿಡಿದರೆ ,ಅದು ಹುಬ್ಬಳ್ಳಿ ತಲುಪಲು ತೆಗೆದುಕೊಂಡ ಸಮಯ ಬರೋಬ್ಬರಿ ಮೂರು ತಾಸು.. ಅಲ್ಲಿ ಹೋಗಿ ಆಸ್ಪತ್ರೆ ಹೋಗಿ ನೋಡಿದರೆ ನನ್ನ ಗೆಳತಿಯ ತಾಯಿ ಮರಣ ಹೊಂದಿ ಮನೆಗೆ ಕರೆದೊಯ್ದರೆಂದು ತಿಳಿದು, ಮರಳಿ ಶಿರಸಿ ತಲುಪಿ, ಅವರ ಮನೆ( ನಾನು ಹೋಗುತ್‌ಇರುವುದು ಮೊದಲ ಸಲ) ಹುಡುಕಿ ಅಲ್ಲಿ ತಲುಪುವಾಗ ಸಂಜೆ ೬ ರರ ಸಮೀಪ.ಇಲ್ಲ ವಿಧಿಯಾಟ ನೋಡಿ ಸಂಸ್ಕಾರ ಮುಗಿದಿತ್ತು.
ತಂಗಿ ಸ್ಥಳಕ್ಕೆ ಹೋಗದೇ ದು:ಖಾತೀರೇಕದಿಂದ ಬಿಕ್ಕಳಿಸುತ್ತಿದ್ದಳು.... ನನಗೂ ವ್ಯಥೆಯಿಂದ ಮಾತು ಬರಲಿಲ್ಲ. ಮೌನ ಶ್ರದ್ಧಾಂಜಲಿ ಅರ್ಪಿಸಿ ಮರಳಿದೆ. ಆಕೆ ಕೇಳುತ್ತಿದ್ದ ಒಂದೇ ಮಾತು, ಅಮ್ಮ ಬೇಕೂ...............
ನನ್ನ ಮೌನವೇ ಅದಕ್ಕೆ ಉತ್ತರವಾಗಿತ್ತು.ಇನ್ನೂ ವಿಪರ್ಯಾಸವೆಂದರೆ ನಮ್ಮಿಬ್ಬರ ಮೊದಲ ಭೇಟಿ ಅದು......
ತಾಯಿಗಿರುವ ಶಕ್ತಿ, ಅವಳ ಮಮತೆ ಮತ್ತೆ ಪಡೆಯಲು ಸಾಧ್ಯವಿಲ್ಲಾ, ಅದನ್ನು ಕಳೆಕೊಂಡವರಿಗೆ ನಾವು ಹೇಳುವ ಸಾಂತ್ವನದ ಮಾತುಗಳು ಬರೀ ಶಬ್ಧಗಳಾಗುತ್ತವೆ. ಆದರೂ ನನ್ನ ಹೃದಯಾಳದಿಂದ ಆ ತಾಯಿಗೆ ನನ್ನ ನುಡಿ ನಮನಗಳು....

ಮರೆಯಾಗುತ್ತಿರುವ ಗಮಕ ಕಲೆ...

2011-09-04T19:29:00.000+05:30

ಕಾವ್ಯವು ಕವಿಗಳಿಂದ ನಿರ್ಮಾಣವಾದದ್ದು.ಕನ್ನಡ ಕಾವ್ಯಗಳಲ್ಲಿ ಜನಪ್ರಿಯವಾದುದು, ಕುಮಾರವ್ಯಾಸ ಭಾರತ, ಜೈಮಿನಿ ಭಾರತ, ತುರಂಗ ಭಾರತ ಹರಿಶ್ಚಂದ್ರ ಕಾವ್ಯ, ತೊರವೆ ರಾಮಾಯಣ ಮುಂತಾದವು.
" ನಾನೃಷಿ: ಕುರುತೇ ಕಾವ್ಯಂ" ಅಂದರೆ ಉತ್ತಮ ಕೃತಿ ಬರೆಯಲು ಕವಿ ತಪಸ್ವಿಯೇ ಆಗಬೇಕು. ಕವಿ ತನ್ನ ಪ್ರಪಂಚದಲ್ಲಿ ಉತ್ಕೃಷ್ಟ ಭಾಷೆಯಲ್ಲಿ, ಮಧುರ ಸನ್ನಿವೇಶಗಳಲ್ಲಿ ರಸಾಸ್ವಾದನೆಗೆ ಎಡೆಗೊಟ್ಟು ಬಾಹ್ಯ ಪ್ರಪಂಚವನ್ನು ಮರೆಯುವಂತೆ ಮಾಡುವನು. ಇದು ಆಧ್ಯಾತ್ಮ , ಬ್ರಹ್ಮಜ್ಙಾನದ ಸೋಪಾನಗಳು
ಕಾವ್ಯವನ್ನು ರಾಗಬದ್ದವಾಗಿ , ಸಾಹಿತ್ಯ ಶುದ್ದವಾಗಿ ಇಂಪಾಗಿ ಹಾಡುವುದೇ ಗಮಕ ಕಲೆ. ಸಾಹಿತ್ಯದಲ್ಲಿರುವ ಅಮೂಲ್ಯವಾದ ಕಾವ್ಯ ರತ್ನಗಳನ್ನು ಹೊರಗೆಳೆದು ಅವುಗಳ ಲಾವಣ್ಯವನ್ನು ತೋರಿಸಿ ಕೊಡುವುದೇ ಗಮಕಿಗಳ ಕರ್ತವ್ಯ.
ಗಮಕ ಕಲೆಯ ಅರಿವೇ ಇಲ್ಲದವರು ಹಲವರು. ಈ ಕಲೆಯನ್ನು ತಿಳಿದ ಗಮಕಿಗಳಿಗೆ ಸಮಾಜದಲ್ಲಿ ಈಗ ಪ್ರೋತ್ಸಾಹ ಕಂಡು ಬರದೇ ಇರುವುದು ವಿಷಾಧದ ಸಂಗತಿ.
ಕವಿವರ್ಯರಾದ ಪಂಪ, ರನ್ನ , ಹರಹರ, ರಾಘವಾಂಕ, ಕುಮಾರವ್ಯಾಸ ಲಕ್ಷ್ಮೀಶ ಮುಂತಾದ ಪ್ರತಿಭಾವಂತ ಕವಿಗಳು ನಮಗೆ
ಅತ್ಯಮೂಲ್ಯವಾದ ಆಸ್ತಿಯನ್ನು ದಯಪಾಲಿಸಿದ್ದಾರೆ.
ಭಾಷೆಯ ಲಾವಣ್ಯವನ್ನರಿತು ಅದನ್ನು ವಿಚಕ್ಷಣೆಯಿಂದ ಉಪಯೋಗಿಸುವುದಕ್ಕೂ, ನಮ್ಮ ಸಂಸ್ಕೃತಿಯ ಸಾರವನ್ನರಿತು, ಬದುಕನ್ನು ತಿದ್ದಿ ಮೇಲ್ಮಟ್ಟಕ್ಕೊಯ್ಯವುದಕ್ಕು ಈ ಕಾವ್ಯಗಳು ಬೇಕು.

ನಮ್ಮ ಜನತೆಯಲ್ಲಿ ಗಮಕ ಕಲೆಯು ಸಂಸ್ಕೃತಿ ವಾಹಿನಿ ಅಂತರ ಗಂಗೆಯಾಗಿ ಸತತವು ಹರಿಯುತ್ತಿರಲಿ ಎಂದು ಆಶಿಸೋಣ..

ಭೂಮಿಯ ಮೇಲೊಂದು ಸುತ್ತು......

2011-08-31T20:48:00.001+05:30

ಇದು ಚಿತ್ರದುಗ್ದಿಂದ ಚಳ್ಳಕರೆ ಹೋಗುವಾಗ ಸಿಗುವ ಬೃಹತ್ ಏಕಶಿಲಾ ಬಂಡೆ. ಆದರೆ ಇದಕ್ಕೆ ಈಗಾಗಲೆ ಸಿಡಿಮದ್ದು ಇಟ್ಟು ಒಡೆಯುತ್ತಿದ್ದಾರೆ....

ಇದು ಆಂದ್ರದ ಗುತ್ತಿ(ಗೂಟಿ) ಯಿಂದ ಹೈದರಾಬಾದ್ ಹೋಗುವ ಹೆದ್ದಾರಿ ೭ ರಲ್ಲಿ ಬೆಳೆಸಿದ ಹೂಗಿಡಗಳ ಸುಂದರ ದೃಶ್ಯ.

ಇದು ಸಹ ಅದೇ ಹೆದ್ದಾರಿ ಬದಿಯ ಒಂದು ನೋಟ....

ಭಾವನೆಗಳ ಹೊಳೆಯಲ್ಲಿ....

2011-06-26T17:55:00.000+05:30

ನಾವು ಮನುಷ್ಯರು ಭಾವ ಜೀವಿಗಳು?!

ಹೌದಾ?! ಕೆಲವೊಮ್ಮೆ ನನಗಂತೂ ಸಂಶಯ ಬರುತ್ತದೆ..

ಇರಲಿ ಬಿಡಿ. ಈ ಮಳೆಗಾಲಕ್ಕೂ ಭಾವನೆಗಳ ಹೊಳೆಗೂ ಏನಾದರೂ ಸಂಬಂಧ ಇದೆಯೇ? ಗೊತ್ತಿಲಪ್ಪ...

ಆದರೀಗ ಇದೆಲ್ಲ ನನಗೆ ನೆನಪಾಗಲು ಹಲವು ಕಾರಣಗಳಿವೆ...

ನಮಗೆ ದಿನನಿತ್ಯದ ಬದುಕಲ್ಲಿ ಹಲವರು -ಹಲವು ಕಾರಣಗಳಿಂದ ಪರಿಚಿತರಾಗುತ್ತಾರೆ. ಅದರಲ್ಲಿ ಬಹಳಷ್ಟು ಜನರನ್ನು

ಅಂದಂದೇ ಮರೆಯುತ್ತೇವೆ. ಹಾಗೂ ಕೆಲವರಷ್ಟೇ ನಮ್ಮ ಬಾಳ ಕೊನೆಯವರೆಗೂ ನಮ್ಮೊಂದಿಗೆ ಹೆಜ್ಜೆ ಹಾಕುತ್ತಾರೆ....

ಅಥವಾ ಹಾಗೆಂದು ನಾವು ನಂಬುತ್ತೇವೆ....

ಹಾಗೆ ನಾವು ನಂಬಿದವರು ನಮ್ಮಿಂದ ದೂರಾಗುವುದನ್ನು ನಾವು ಕಲ್ಪಿಸಿಕೊಳ್ಳಲೂ ಸಹ ಇಚ್ಛಿಸುವುದಿಲ್ಲಾ....!

ಬದುಕು ತುಂಬಾ ಅನಿಶ್ಛಿತ. ಯಾಕೆಂದರೆ ನಮ್ಮ ನಾಳೆಗಳ ಬಗ್ಗೆ ನಮಗೇನೂ ತಿಳಿಯದು.ಇರುವಾಗಾಲಾದರೂ ನಮ್ಮ ಸಂಬಂಧಿಗಳೂ, ಮಿತ್ರರೂ ನಮ್ಮೊಂದಿಗಿರಲೆಂಬುದು ನಮ್ಮ ಅಂದರೆ ಮನುಷ್ಯರ ಆಸೆ ಅಲ್ಲವೇ??

ಅಡಿಕೆ ತೋಟದಲ್ಲಿ ಉಪಬೆಳೆಯಾಗಿ ಜಾಯಿಕಾಯಿ

2011-04-23T20:29:00.004+05:30

ನಾವು ಹವ್ಯಕರು ಹೆಚ್ಚಾಗಿ ಅಡಿಕೆ ಕೃಷಿಯನ್ನೇ ನಂಬಿ ಜೀವನ ನಡೆಸುವವರು. ಅಡಿಕೆ ಬೆಲೆಯಲ್ಲಿನ ಏರಿಳಿತ, ಕೃಷಿ ಕಾರ್ಮಿಕರ ತೀವ್ರ ಕೊರತೆ ಮತ್ತು ಮಕ್ಕಳ ಪ್ರತಿಭಾ ಪಲಾಯನ , ಇವೆಲ್ಲವನ್ನೂ ಎದುರಿಸಿ ಹಳ್ಳಿಗಳಲ್ಲಿ ಬದುಕುವುದು ದುಸ್ತರವಾಗಿದೆ.
ಇಂದು ಹಳ್ಳಿಗಳಲ್ಲಿ ಉಳಿದಿರುವ ಕೆಲವೇ ಯುವಕರು, ಹಲವು ಮಧ್ಯವಯಸ್ಕರು ಇವೆಲ್ಲವನ್ನೂ ಮೀರಿ ಏರುವ ಬೇಲೆಯಲ್ಲಿ ಜೀವನ ಸಾಗಿಸುವದು ಕಷ್ಟ-ಸಾಧ್ಯವಾಗಿದೆ.
ಹಲವು ಉಪ ಬೆಳೆಗಳನ್ನು ನಾವು ಅಡಿಕೆಯೊಂದಿಗೆ ಬೆಳೆಯಬಹುದಾದರೂ ಅವೆಲ್ಲಕ್ಕೂ ಒಂದಲ್ಲಾ -ಒಂದು ಅನಾನುಕೂಲಗಳಿವೆ. ಉಪಬೆಳೆಯಲ್ಲಿ ಒಂದಾದ ಜಾಯಿಕಾಯಿಯನ್ನೇ ನಾನು ಬೆಳಯಲು ಹಾಗೂ ಬೇರೆಯವರಿಗೆ ಬೆಳೆಯಲು ಪ್ರೋತ್ಸಾಹಿಸಲು ಹಲವು ಕಾರಣಗಳಿವೆ.

ನಮ್ಮ ತೋಟದ ನೆರಳಿನಲ್ಲಿ ಇದು ಉತ್ತಮವಾಗಿ ಬೆಳೆದು ೬-೮ ವರ್ಷಗಳ್ಲಿ ಫಲ ಕೊಡಬಲ್ಲದು. ಹೆಚ್ಚಿನ ಆರ್ಥಿಕ ಹೊರೆಯಾಗುವುದಿಲ್ಲಾ.
ಇದರ ಕೊಯ್ಲು ಹಾಗೂ ಸಂಸ್ಕರಣೆ ತುಂಬಾ ಸುಲಭ, ಯಾವುದೇ ಕಾರ್ಮಿಕರ ಅವಶ್ಯಕತೆ ಬೀಳುವುದಿಲ್ಲಾ.
೧ ಎಕರೆ ತೋಟಗಲ್ಲಿ ೧೦೦-೧೨೦ ಗಿಡಗಳನ್ನು ಹಚ್ಚಬಹುದು. ೧೦ನೇ ವರ್ಷಕ್ಕೆ ಸುಮಾರು ೫-೬ ಕೆಜಿ ಜಾಯಿಕಾಯಿ ಮತ್ತು ಸುಮಾರು .೫ ಕೆಜಿ ಜಾಪತ್ರೆ ನಿರೀಕ್ಷಿಸಬಹುದು.
ಇವತ್ತಿನ ಮಾರುಕಟ್ಟೆ ದರ ಜಾಯಿಕಾಯಿಗೆ ೩೫೦-೪೦೦ ಹಾಗೂ ಪತ್ರೆ ೧೬೦೦-೧೮೦೦ ಇದೆ.
ಅಂದರೆ ಒಂದು ಮರದಿಂದ ಕನಿಷ್ಟ ಸುಮಾರು ೨೦೦೦-೨೫೦೦ದಿಂದ ೫೦೦೦ ರೂಪಾಯಿವರೆಗೆ ಆದಾಯ ಇರುತ್ತದೆ.
ಇದಕ್ಕೆ ಯಾವುದೇ ಪ್ರತ್ಯೇಕ ಕೃಷಿಯ ಅವಶ್ಯಕತೆ ಇರುವುದಿಲ್ಲಾ.

ಇದು ಸಂಬಾರ ಪದಾರ್ಥವಾಗಿದ್ದು, ಉತ್ತಮ ಬೇಡಿಕೆಯ ವಸ್ತುವಾಗಿರುತ್ತದೆ. ಹಾಗೂ ಇದರ ಕಾಯಿಯ ಹೊರ ಕವಚ ಉಪ್ಪಿನಕಾಯಿ ಹಾಕಲು ಉಪಯೋಗಿಸುತ್ತಾರೆ. ಹಾಗೂ ನನ್ನ ಗೆಳೆಯರೊಬ್ಬರು ತಿಳಿಸಿದಂತೆ ಓಡನ್ನು ಒಣಗಿಸಿ ಪುಡಿಮಾಡಿ ವಾಟೆ ಹುಳಿಯ ಬದಲು ಅಡಿಗೆಗೆ ಉಪಯೋಗಿಸಬಹುದಂತೆ.
ನಮ್ಮ ದೈನಂದಿನ ಅಡಿಗೆಯಲ್ಲಿ ಹಲವು ರೀತಿಯಲ್ಲ ಜಾಯಿಕಾಯಿಯನ್ನು ಬಳಸಬಹುದು. ಎಲ್ಲಾರೀತಿಯ ಸಿಹಿ ತಿನಿಸುಗಳಲ್ಲಿ ಬಳಸಬಹುದು.
ಇದರ ಸಿಪ್ಪೆಯ ತಂಬುಳಿ ತುಂಬಾ ರುಚಿಕರ. ಮಕ್ಕಳು ನಿದ್ರೆ ಮಾಡದಿದ್ದರೆ ಜಾಯಿಕಾಯಿಯನ್ನು ಅಲ್ಪ ಪ್ರಮಾಣದಲ್ಲಿ ಹಾಲಿನಲ್ಲಿ ತೇದು ನೆಕ್ಕಿಸುವ ಪರಿಪಾಠ ಇದೆ.

ನಾಗಲಿಂಗ ಪುಷ್ಪ...

2011-04-19T20:47:00.000+05:30

ಮೇಲಿನ ಫೋಟೋದಲ್ಲಿರುವುದು ಅಪರೂಪದ ನಾಗಲಿಂಗ ಪುಷ್ಪ. ಶಿವನಿಗೆ ಪ್ರಿಯವಾದ ಹೂ. ಹೂವಿನ ರಚನೆಯೇ ಅದ್ಭುತವಾಗಿದೆ. ಹೂವಿನ ಶಲಾಕಾಗ್ರವನ್ನು ಹಾವನ ಹೆಡೆಯಂತಹ ರಚನೆ ಆವರಿಸಿದೆ. ಶಲಾಕೆ ಲಿಂಗವನ್ನೂ, ಅದರ ಮೇಲಿನ ಕವಚ ಹಾವಿನ ಹೆಡೆಯ ಆಕಾರದಲ್ಲಿರುವದರಿಂದ ನಾಗಲಿಂಗ ಪುಷ್ಪ ಎಂಬ ಹೆಸರು ಬಂದಿರ ಬೇಕು.

ಪಾತ್ರ - ಅಪಾತ್ರಗಳ ನಡುವೆಅಲೆದಾಟ.........

2011-04-13T20:18:00.001+05:30

ನಮ್ಮ ದಿನನಿತ್ಯದ ಬದುಕಿನಲ್ಲಿ ನಾವು ಹಲವರಿಗೆ ಋಣಿಗಳಾಗಿರುತ್ತೇವೆ ಹಾಗೂ ಹಲವರಿಗೆ ಏನೇನೋ ರೀತಿಯ ಸಹಾಯ ಮಾಡುತ್ತೇವೆ. ಇದು ದೈನಂದಿನ ಬದುಕು.
ನಾವು ಸಹಾಯ/ ದಾನ/ ಧರ್ಮ / ಸ್ನೇಹ/ಗೆಳೆತನ / ಪ್ರೀತಿ ಹೀಗೆ ಹಲವು ರೀತಿಯಲ್ಲಿ ಜನರೋಂದಿಗೆ ಒಡನಾಡುತ್ತೇವೆ.
ನನಗೆ ಬಂದ ಅನುಮಾನವೆಂದರೆ ಈ ಎಲ್ಲ ರೀತಿಯ ವ್ಯವಹಾರಗಳನ್ನು ? ನಾವು ಪಾತ್ರರೊಂದಿಗೆ ಮಾಡುತ್ತೇವೇಯೇ?
ನಿಜವಾಗಲೂ ಇಲ್ಲ...! ನಾನು ತುಂಬಾ ಲೆಖ್ಖಾಚಾರದ ವ್ಯಕ್ತಿ..! ನೀವು ಕಾಲ್ ಮಾಡಿದ್ರೆ ಖಂಡಿತಾ ತಿರುಗಿ ಕಾಲ್ ಮಾಡ್ತೇನೆ, ನೀವು ನಮ್ಮ ಮನೆಗೆ ಬಂದ್ರೆ ನಿಮ್ಮ ಮನೆಗೆ ಮುದ್ದಾಂ ಭೇಟಿ ಕೊಡ್ತೇನೆ ನೀವು ಕೊಟ್ಟ ಹಣ ಮರೆಯದೇ ತಿರುಗಿ ವಾಪಾಸ್ ಮಾಡ್ತೇನೆ...! ನಿಮ್ಮ ಗೆಳೆತನ/ ಸ್ನೇಹ/ ಪ್ರೀತಿಗೆ ಯಾವತ್ತೂ ವಂಚನೆ ಮಾಡೊಲ್ಲಾ .ನಂಬಿಕೆಗೆ ಅರ್ಹ ಹೀಗೆ ನಾನು ನನ್ನ ಬಗ್ಗೆ ಹೇಳೋದಿಲ್ಲಪ್ಪ..! ನನ್ನ ಗೆಳೆಯರು ಹೇಳ್ತಾರೆ ಬೇಕಾದ್ರೆ ಕೇಳಿ ನೋಡಿ...!

ನಾನು ಹೇಳಲು ಹೊರಟಿರೋದು ಇಷ್ಟೇ... ನಾವು ಯಾರೊಂದಿಗಾದರೂ ಗೆಳೆತನವೋ , ಪ್ರೀತಿನೋ, ಹಣ ಸಹಾಯವೋ ಮಾಡುವಾಗ ಎಚ್ಚರದಿಂದಿರಬೇಕು. ಅವರು ಅದಕ್ಕೆ ಪಾತ್ರರೇ? ಯೋಗ್ಯರೇ ? ಎಂಬ ಬಗ್ಗೆ ಹಲವು ಬಾರಿ ಯೋಚಿಸಿ ತೀರ್ಮಾನಿಸ ಬೇಕು. ಇಲ್ಲವಾದರೆ ಹಗಲು ಕಂಡ ಬಾವಿಗೆ ಇರುಳು ಬೀಳುವವನಂತಾಗುತ್ತದೆ.

ಒಳ್ಳೆಯವಳು...ಒಳ್ಳೆಯವನು... ಒಳ್ಳೆಯವರು......!

2011-03-30T20:54:00.001+05:30

ನಿನ್ನೆ ಮನೆಯಲ್ಲಿ ಬೇಸರ ಎನಿಸಿದಾಗ ನನ್ನ ತಂಗಿಯ ನೆನಪು ಬಂದು ಫೋನ್ ಮಾಡಿದೆ. ಅಚಾನಕ್ ಆಗಿ ಫೋನ್ ಮಾಡಲು ಒಂದು ಕಾರಣವೂ ಇತ್ತು...!

ಬರುವ ಸೋಮವಾರ ಯುಗಾದಿಯಲ್ಲವೇ? ನಮ್ಮಲ್ಲಿ ಎಲ್ಲಾ ಹಬ್ಬಗಳಿಗೂ ಸೋದರಿಯನ್ನು ಮನೆಗೆ ಕರೆಯುವುದು ಸಂಪ್ರದಾಯ ಹಾಗೂ ಅದು ನಮಗೆ ಪ್ರೀತಿಯ ಕೆಲಸ ಕೂಡ.

ಹಾಗೆ ನಾನು ಹಬ್ಬಕ್ಕೆ ಕರೆದಾಗ ಅವಳು ಈ ಬಾರಿ ನಾನು ಬರುವುದಿಲ್ಲಾ, ನನ್ನ ಪರವಾಗಿ ದೇವರಲ್ಲಿ ನೀನೆ ಬೇಡಿಕೋ ಎಂದಳು.ಅಷ್ಟಕ್ಕೆ ನಿಲ್ಲಿಸದೇ ನನಗಾಗಿ ಏನೂ ಕೇಳುವೆ ಎಂದಳು...! ನಾನೂ ತಕ್ಷಣವೇ ನನ್ನ ತಂಗಿಗೆ ಒಳ್ಳೆ ಬುದ್ದಿಕೊಡು ಎಂದು ಬೇಡುವೆ, ನನಗಾಗಿ ನಾನು ಸಾಧಾರಣವಾಗಿ ಏನೂ ಕೇಳುವುದಿಲ್ಲಾ ಎಂದೆ....!

ನನಗೆ ಒಳ್ಳೆ ಬುದ್ದಿಕೇಳುವುದಾದರೆ ನಾನು ಈಗ ಕೆಟ್ಟವಳೇ? ಹಾಗಿದ್ದರೆ ನೀನು ನನ್ನೋಂದಿಗೆ ಮಾತಾಡುವುದಾದರೂ ಏಕೆ?

ಇದು ಆಕೆಯ ಪ್ರಶ್ನೆ...

ಹಾಗೂ ಮಾತು ಮುಂದುವರೆದು ಒಳ್ಳೆಯವರು ಎಂದರೆ ಏನು? ಹಾಗೂ ಯಾರು? ಅದರ ಪೂರ್ವೋತ್ತರ ಏನೂ ಎಂಬಲ್ಲಿಗೆ ಬಂದು ನಮ್ಮ ಮಾತು ನಿಂತಿದೆ.

ನಾವು ನಮ್ಮ ಸುತ್ತಲೂ ನೋಡುವಂತೆ ಒಳ್ಳೆಯವರೆಂದರೆ ನಮಗೆ ಒಳಿತನ್ನು ಮಾಡುವವರು...! ನಮ್ಮೋಂದಿಗೆ ನಮ್ಮಂತೆ ನಡೆವವರು...! ಎಲ್ಲರ ಹಿತ ಬಯಸುವವರು....! ಧರ್ಮರಾಯನಂತಹವರು....!

ಈಗ ನೋಡಿ ನಮಗೆ ಒಳ್ಲೆಯವರಾಗಿ ಕಾಣವವರು ನಿಮಗೂ ಹಾಗೆ ಕಾಣಿಸಬೇಕೆಂದೇನೂ ಇಲ್ಲ.. ಅಲ್ಲವೇ?!

ಸಾರ್ವತ್ರಿಕವಾಗಿ ಹೇಳುವುದಾದರೆ ಒಳ್ಳೆಯವರನ್ನು ಹೀಗೆ ಹೇಳಬಹುದು.

೧) ಯಾರಲ್ಲೂ ಸಾಲ ಕೇಳದೆ, ತೆಗೆದುಕೊಂಡರೂ ಸಕಾಲಕ್ಕೆ ವಾಪಾಸ್ ಕೊಡುವವ

೨) ಬೇರೆಯವರ ತಂಟೆಗೆ ಬಾರದೆ ತನ್ನಷ್ಷಕ್ಕೆ ತಾನು ಬ್ಲಾಗ್ ಕುಟ್ಟುವವ...!

೩) ಸಾಧ್ಯವಾದರೆ ಸಹಾಯ ಮಾಡಿ ಇಲ್ಲವಾದರೆ ಸಹಾನುಭೂತಿ ವ್ಯಕ್ತಪಡಿಸುವವ..

೪)ದುಡಿದು ತಿನ್ನುವವ..

೫)..............................

^).....

ಹೀಗೆ ಇನ್ನೂ ಹಲವಾರು ಒಳ್ಳೆಯವರನ್ನು ನಾವು ನೋಡಬಹುದಾದರೂ ಅದನ್ನು ಹೀಗೇ ಎಂದು ಡಿಫೈನ್ ಮಾಡೋದು ಕಷ್ಟ ಅಲ್ಲವೇ???

ನನ್ನ ಪರಿಭಾಷೆಯಲ್ಲಿ ಹೇಳುವುದಾದರೆ ನಮ್ಮೊಂದಿಗೆ ನಮ್ಮೆಲ್ಲ ಕೆಟ್ಟತನ ಸಹಿಸಿಯೂ ನಮ್ಮ ಗೆಳೆಯರಾಗಿರುವವರೇ ನಮಗೆ ಒಳ್ಳೆಯವರು....! ಈ ಬರಹ ನನ್ನ ತಂಗಿ ಹೇಗೆ ಸ್ವೀಕರಿಸುವಳೋ ನಾ ಕಾಣೆ... ನೀವೆಲ್ಲ ನನ್ನೋಂದಿಗಿರುವಿರಲ್ಲಾ?!

ನಾನು ಕಂಡ ಆಂದ್ರಪ್ರದೇಶ........

2011-03-14T20:59:00.000+05:30

ನಾನು ಕಾರ್ಯ ನಿಮಿತ್ತ ಆಂದ್ರಪ್ರದೇಶದ ಸಣ್ಣ ಊರೊಂದಕ್ಕೆ ಇದೇ ತಿಂಗಳಲ್ಲಿ ಎರಡು ಬಾರಿ ಹೋಗಬೇಕಾಯಿತು.

ನಮ್ಮ ಚಿತ್ರದುರ್ಗ ದಾಟಿದ ನಂತರ ನಾವು ಮರಗಳನ್ನು ನೋಡಲು ಸಾಧ್ಯವೇ ಇಲ್ಲ. ಇದು ವಿಚಿತ್ರವಾದರೂ ಸತ್ಯ...!

ಬಳ್ಳಾರಿಯ ನಂತರ ನಾವು ಕಾಣುವುದು ಬರೀ ಬೋಳುಗುಡ್ಡಗಳು ಹಾಗು ಬಂಡೆಗಳಿಂದ ಕೂಡಿದ ಪ್ರದೇಶ.

ಆದರೆ ಬಳ್ಳಾರಿಯ ಆಸು-ಪಾಸು ಹೊಸಪೇಟೆಯ ಡ್ಯಾಂನಿಂದಾಗಿ ಅಲ್ಲಲ್ಲಿ ಹಸಿರು ಅಂದರೆ ಭತ್ತದ ಗದ್ದೆಗಳನ್ನು ನಾವು ಕಾಣಬಹುದಾಗಿದೆ,

ಆದರೆ ಬಹುತೇಕ ಪ್ರದೇಶಗಳು ಬರೀ ಬಯಲು ಹಾಗೂಬಂಡೆಗಳಿಂದ ಕೂಡಿದ ಪ್ರದೇಶ. ಆದರೆ ಇಲ್ಲಿನ ಎತ್ತು ಹಾಗೂ ದನಕರುಗಳು ಮೈ-ತುಂಬಿ ಕಣ್ಮನ ಸೆಳೆಯುವಂತಿವೆ. ಇಲ್ಲಿ ಮೇವೆಂದರೆ ಬಹುತೇಕ ಜೋಳದ ದಂಟು ಮಾತ್ರ.

ನನ್ನನ್ನು ಬಹುತೇಕ ಕಾಡಿದ ಸಂಗತಿ ಎಂದರೆ ಇಲ್ಲಿ ಹೆದ್ದಾರಿಗಳಲ್ಲಿ ಎತ್ತ-ದನ ಹಾಗೂ ಎಮ್ಮೆಗಳನ್ನು ಅಮಾನುಷವಾಗಿ ಕಿಕ್ಕಿರಿದು ತುಂಬಿ ಕಸಾಯಿಖಾನೆಗಳಿಗೆ ಒಯ್ಯುವ ದೃಶ್ಯ ಮನ-ಮಿಡಿಯುತ್ತದೆ. ನಾನಿ ಆ ಫೋಟೋಗಳನ್ನು ತೆಗೆಯಲು ಇಷ್ಟಪಡಲಿಲ್ಲ...

ನಾವೇನು ತಿಪ್ಪರಲಾಗ ಹಾಕಿದರೂ ಈ ಬ್ರಷ್ಟ ರಾಜಕಾರಣಿಗಳು ಗೋಹತ್ಯಾ ನಿಷೇಧ ತರುವುದಿಲ್ಲ.. ಈ ಹಿಂಸೆ ತಪ್ಪುವುದಿಲ್ಲ.........

ನಮ್ಮ ಊರಿಗೆ ರೈಲು ಬಂದ ಆ ಕ್ಷಣ.....

2011-02-06T18:43:00.000+05:30

ಕಳೆದ ವಾರ ಸಾಗರಕ್ಕೆ ಬ್ರಾಡ್ ಗೇಜ್ ಪರಿವರ್ತನೆಯ ಕೊನೆಯ ಹಂತದಲ್ಲಿ ಪರೀಕ್ಷಾರ್ಥವಾಗಿ ರೈಲ್ ಎಂಜಿನ್ನು ಬಂದ ಸಂತಸದ ಕ್ಷಣಗಳು.
ಸಾಗರ ಮಾರ್ಗ ಬ್ರಾಡ್ ಗೇಜ್ ಪರಿವರ್ತನೆಗಾಗಿ ಕೆಲವಾರು ವರ್ಷಗಳಿಂದ ರೈಲು ಸಂಚಾರ ನಿಲ್ಲಿಸಿದ್ದು, ಮೊನ್ನೆ ಪರೀಕ್ಷಾರ್ಥ ರೈಲು ಬಿಟ್ಟಿದ್ದರು( ನಿಜವಾಗಿಯೂ ಹಳಿ ಮೇಲೆ ಸ್ವಾಮಿ...!) ಮಾರ್ಚ್ ಕೊನೆಯವಾರದೊಳಗಾಗಿ ಪೂರ್ಣ ಕೆಲಸ ಮುಗಿದು ದಿನವೂ ರೈಲು ಬೆಂದಕಾಳೂರು ಹಾಗೂ ಮೈಸೂರಿಗೆ ಹೋಗುವುದಾಗಿ ತಿಳಿದುಬಂದಿದೆ.

ಮಾಗಿಯ ಮಾವಿನ ಸೊಬಗು.....

2011-02-01T21:41:00.000+05:30

ಈ ವರ್ಷ ದ ಚಳಿಗೆ ನಡುಗದವರೇ ಇಲ್ಲಾ...! ಅದನ್ನು ಹೇಳಬೇಕಾದರೂ ಹಲ್ಲು ಕಟ-ಕಟ...!
ಆದರೂ ಅದರೊಂದಿಗೆ ಸಂತಸ ತರುವ ಸಂಗತಿಯೆಂದರೆ, ಬಹಳ ವರ್ಷದಿಂದ ಮುನಿಸಿಕೊಂಡಿದ್ದ ಮಾವು ಈ ವರ್ಷ ಹುಲುಸಾಗಿ ಬೆಳೆ ಬರುವ ಸೂಚನೆ ನೀಡಿದೆ.

ಇಲ್ಲಿ ನೋಡಿದರೂ ಮಾವಿನ ಮರಗಳು ಹೂ ತುಂಬಿ ನಿಂತು ಮನ ಸೆಳೆಯುತ್ತಿವೆ, ಬರುವ ಬೆಳೆ ಹಣ್ಣು ಹಾಗೂ ಉಪ್ಪನಕಾಯಿ ಮಿಡಿ ಭರಪೂರ ಸಿಗುವ ಸೂಚನೆ ಇದೆ.

ನಮ್ಮ ಮೆಚ್ಚಿನ ಸಾಕು ಪ್ರಾಣಿ- ನಾಯಿ...

2011-02-01T19:59:00.000+05:30

ಸಾಮಾನ್ಯವಾಗಿ ನಾವುಗಳೆಲ್ಲ ನಾಯಿಯನ್ನು ಸಾಕಲು ಇಷ್ಟಪಡುತ್ತೇವೆ.

ಹಾಗೂ ನಾಯಿ ಸಾಕುವವರೆಲ್ಲ ಒಂದಲ್ಲಾ ಒಂದು ಸಾರಿಯಾದರೂ ನಾಯಿಯಿಂದ ಕಚ್ಚಿಸಿಕೊಂಡಿರುತ್ತೇವೆ...!

ಆದರೂ ನಾಯಿ ಸಾಕುವ ಹುಚ್ಚು ಹುಚ್ಚು ನಾಯಿ ಕಚ್ಚಿದರೂ ಬಿಡುವುದಿಲ್ಲ.....!

ಒಮ್ಮೆ ನನ್ನ ಗೆಳೆಯ ತಾನು ಊರರಲ್ಲಿ ಇರುವುದಿಲ್ಲ ಕೆಲವು ದಿನಗಳವರೆಗೆ ತನ್ನ ಬ್ರೌನಿ (ಸೇಂಟ್ ಬರ್ನಾರ್ಡ ತಳಿ)ನೋಡಿಕೋ ಎಂದು ಬಿಟ್ಟು ಹೋದ. ನಾನು ಅದರ ಆಕಾರ ನೋಡಿ ಭಯ ಪಟ್ಟೆ. ಆದರೆ ಅದು ತುಂಬಾ ಸುಲಭವಾಗಿ ನಮ್ಮ ಮನೆಯವರೊಂದಿಗೆ ಹೊಂದಿಕೊಂಡು ಹಲವಾರು ದಿನ ನಮ್ಮ ಅತಿಥಿಯಾಗಿತ್ತು.

ನಮ್ಮ ಮನೆಯಲ್ಲಿ ಸಾಮಾನ್ಯವಾಗಿ ಸಣ್ಣತಳಿಯಾದ ಸ್ಪಿಟ್ಜನ್ನು ಸಾಕುತ್ತೇವೆ. ಅದರ ಆಯುಷ್ಯ ಸಾಮಾನ್ಯವಾಗಿ ೯-೧೦ ವರ್ಷ. ಮೇಲಿನದು ನಾನು ತಂದ ಪಿಂಕಿ(ನಮ್ಮ ನಾಯಿಯ ಹೆಸರು) ಮರಿಯಾಗಿದ್ದಾಗಿನ ಫೋಟೋ.

ರೈಲ್ವೇ ಕಾಮಗಾರಿಯ ಪಕ್ಷಿನೋಟ....!

2010-12-07T21:19:00.000+05:30

ನಾವೆಲ್ಲಾ ಒಮ್ಮೆಯಾದರೂ ರೈಲಲ್ಲಿ ಪ್ರಯಾಣ ಮಾಡಿರುತ್ತೇವೆ. ಆದರೆ ಒಂದು ರೈಲು ಮಾರ್ಗ ರಚಿಸಿ, ಅದರಲ್ಲಿ ನಾವು ಪ್ರಯಾಣ ಮಾಡುವವರೆಗಿನ ಕೆಲಸ-ಕಾರ್ಯದ ನೋಟ, ನೋವು ನಮ್ಮ ಅನುಭವಕ್ಕೆ ಬಂದಿರುವುದಿಲ್ಲ.

ಪ್ರತಿಯೊಂದು ಕೆಲಸಕ್ಕೂ ಹಲವರ ಶ್ರಮ ಅತೀ ಅವಶ್ಯಕ. ಹಾಗೂ ಅವರೆಲ್ಲ ತೆರೆ-ಮರೆ ಕಾಯಿಯಂತೆ ಇರುತ್ತಾರೆ.

ಮೊದಲು ಹಳಿಯಿಂದ ಹಳಿಗೆ ಜೋಡಣೆ ಫಿಶ್-ಪ್ಲೇಟ್ ಸಾಧನದ ಮೂಲಕ ಆಗುತ್ತಲಿತ್ತು. ಆದರೆ ಈಗ ಎರಡು ಹಳಿಗಳ ನಡುವಿನ ಅಂತರವನ್ನು ವೆಲ್ಡಿಂಗ್ ಮಾಡಿ ಜೋಡಿಸುತ್ತಾರೆ.
ಬಹುಶ: ಎಲ್ಲ ಕಡೆ ವಿದ್ಯುತ್ ಸಂಪರ್ಕ ಸಿಗದೇ ಇರುವ ಕಾರಣವಿರಬಹುದು, ಈಗ ಹೊಸರೀತಿಯಿಂದ ಹಳಿಗಳ ಜೋಡಣೆ ಮಾಡುತ್ತಾರೆ. ಅದರ ವಿವಿಧ ಚಿತ್ರಗಳನ್ನು ನೀವು ಗಮನಿಸಬಹುದು.
ಗೋಡಿಸಬೇಕಾದ ಹಳಿಗಳನ್ನು ಕ್ಲಾಂಪ್ನಿಂದ ಬಂಧಿಸಿ, ಅದಕ್ಕೆ ಒಂದು ಮಣ್ಣಿನ ಮೌಲ್ಟ್ ಜೋಡಿಸಿ ಅದರ ಮೇಲೆ ಕ್ಯಾಸ್ಟ್ ಐರನ್ ಕುಂಡದ ತರ ಇರುವ ಉಪಕರಣವನ್ನು ಜೋಡಿಸಿ, ಅದರಲ್ಲಿ ವೆಲ್ಡಿಂಗ್ ಪೌಡರ್‍ ಹಾಕೆ ಬೆಂಕಿ ಹಾಕಿದರೆ ಹಳಿಗಳ ಜೋಡಣೆ ಮುಗಿದಂತೆ.
ಆದರೆ ಈ ಎಲ್ಲಾ ಕೆಲಸ ನಡೆವಾಗ ಬೆಂಕಿಯ ಸುಂದರ ದೃಶ್ಯಗಳು ಕಾಣ ಸಿಗುತ್ತದೆ.
ನಿಂತ ಮೂವರು ಗೆಳೆಯರು ರೈಲ್ವೇ ಕೆಲಸದ ಉಸ್ತುವಾರಿಯಲ್ಲಿದ್ದಾರೆ....!

ಒಂದು ಪುರಾತನ ಭವನದ ಸುತ್ತ

2010-12-02T20:27:00.000+05:30

ಶೃಂಗೇರಿಯಿಂದ ಸುಮಾರು ೮ ಕಿಲೋಮೀಟರ್‍ ದೂರದಲ್ಲಿರುವ ಕೂತಗೋಡು ಶ್ರೀ ಸೀತಾರಾಮ ರವರ ಮನೆಗೆ
ಕಳೆದವಾರ ಹೋಗಿದ್ದೆ.

ನನಗೆ ಕಾಫಿ ಗಿಡಗಳನ್ನು ಪ್ರುನಿಂಗ್ ಮಾಡುವ ಕಾಲ-ರೀತಿ ತಿಳಿಯ ಬೇಕಿತ್ತು. ಶ್ರೀ ಸೀತಾರಾಮ್ ಮೂಲತ: ಕಾಫಿ ಬೆಳೆಗಾರರಲ್ಲ.
ಅವರ ಸುಮಾರು ೪೫ ಎಕರೆ ಅಡಿಕೆ ತೋಟ ಹಳದಿ ರೋಗದಿಂದ ವಿನಾಶದಂಚಿಗೆ ಬಂದು ನಿಂತಿದೆ. ಹಾಗಾಗಿ ಅವರ ಪ್ರದೇಶದಲ್ಲಿನ ಹವಾಮಾನಕ್ಕೆ ಹೊಂದಿಕೊಳ್ಳುವ ಕಾಫಿ ಬೆಳೆಯನ್ನು ತಮ್ಮ ಜಮೀನಿನಲ್ಲಿ ಬೆಳೆದು ಅದರಲ್ಲಿ ಯಶಸ್ವಿಯೂ ಆಗಿದ್ದಾರೆ.
ನಾನು ಹೋದಾಗ ಗಮನಿಸಿದ್ದು ಅವರ ಭವ್ಯ-ವಿಶಾಲ ಹಾಗೂ ಅರಮನೆಯನ್ನು ನೆನಪಿಸುವ ಅವರ ಮನೆಯನ್ನು...!
ಒಂದು ಕಾಲದಲ್ಲಿ ಐವತ್ತು -ಅರವತ್ತು ಮಂದಿ ವಾಸಿಸುತ್ತಿದ್ದ ಮನೆಯಲ್ಲಿ ಇರುವವರು ಕೇವಲ ಇಬ್ಬರು...! ಇದು ಸತ್ಯ.
ಮಕ್ಕಳು ವಿದ್ಯಾಭ್ಯಾಸಕ್ಕಾಗಿ ಪರ ಊರಲ್ಲರುವ ಕಾರಣ ದಂಪತಿಗಳಿಬ್ಬರೆ ಈ ಬೃಹತ್ತ ಮನೆಯಲ್ಲಿರುವಂತಾಗಿದೆ.

ಸಂಪೂರ್ಣ ಮರದಿಂದ ನಿರ್ಮಿತವಾಗಿರುವ ಈ ಮನೆ ಶತಮಾನವನ್ನು ಪೂರೈಸಿದೆ ಹಾಗೂ ಉತ್ತಮ ನಿರ್ವಹಣೆಯಿಂದ ಕಾಲನ ಹೊಡೆತಕ್ಕೆ ಸಿಗದೆ ಗಟ್ಟಿಯಾಗಿ ನಿಂತಿದೆ.

ಈ ಜಾಗತೀಕರಣದ ಬಿರುಗಾಳಿಯಲ್ಲೂ ಇಂತಹ ಮನೆಯನ್ನು ನಿರ್ವಹಿಸಿ , ತೋಟ ಉಳಿಸಿಕೊಂಡು ಹೋಗುತ್ತಿರುವ
ಶ್ರೀ ಸೀತಾರಾಮ್ ಅಭಿನಂದನಾರ್ಹರು.

ನವಿಲಿನ ಬೆಡಗು, ಬಿನ್ನಾಣಗಳು

2010-11-12T20:22:00.000+05:30

ಮಳೆಗಾಲದ ತುಂತುರು ಮಳೆಯ ನಡುವೆ ಮಾಗೋಡು ಫಾಲ್ಸ್

2010-10-29T20:58:00.002+05:30

ಕಳೆದ ವಾರಾಂತ್ಯ ಮಾಗೋಡು ಜಲಪಾತಕ್ಕೆ ಹೊರಟಾಗ ಸ್ವಲ್ಪ ಬಿಸಿಲೇ ಇತ್ತು.
ಆದರೆ ಜಲಪಾತಕ್ಕೆ ಸಮೇಪ ಹೋದ ಹಾಗೆ ದಟ್ಟ ಅರಣ್ಯದಲ್ಲಿ ತುಂತುರು ಮಳೆ ಪ್ರಾರಂಭವಾಯಿತು. ಮಳೆಯ ಜೊತೆ-ಜೊತೆಯಲ್ಲಿ ಮಂಜು ಕವಿಯಿತು.
ಆದರೂ ಮಳೆಯ ಕೃಪೆಯಿಂದ ಸಾಧಾರಣವಾದ ನೋಟ ದೊರೆಯಿತು.
ನಾವು ಅಲ್ಲಿ ತಲುಪುವಾಗಲೇ ಸಂಜೆ ೪ ಗಂಟೆಯಾಗಿತ್ತು. ಮಧ್ಯಾಹ್ಣ ೧೧-೨ ಜಲಪಾತ ವೀಕ್ಷಣೆಗೆ ಒಳ್ಳೆಯ ಹೊತ್ತು.
ಮಾಗೋಡು ಯಲ್ಲಾಪುರದಿಂದ ಸುಮಾರು ೨೦ ಕಿ.ಮೀ ದೂರದಲ್ಲಿದೆ. ಅಲ್ಲಿಂದ ಜೇನುಕಲ್ಲು ಗುಡ್ಡ ಬರೀ ೫ ಕಿ.ಮೀ. ಹಾಗಾಗಿ ಮಾಗೋಡಿಗೆ ಹೋದಾಗ ಅಲ್ಲಿಗೂ ಭೇಟಿ ಕೊಡುವುದು ಸೂಕ್ತ.
ಮಕ್ಕಳನ್ನು ಕರೆದುಕೊಂಡು ಹೋದರೆ ಸ್ವಲ್ಪ ಎಚ್ಚರ ಅಗತ್ಯ. ಜಲಪಾತದ ಅಂಚಿಗೆ ಸೂಕ್ತ ಕಟಕಟೆಯ ವ್ಯವಸ್ಥೆ ಇಲ್ಲಾ.
ಪ್ರಪಾತ ತುಂಬಾ ಆಳ - ರುದ್ರ ಮನೋಹರವಾಗಿದೆ.

ಬ್ಲಾಗಿಗರ ಕಾಲೆಳೆಯಲು ಹವಣಿಸುವ ಖ್ಯಾ(ಕ್ಯಾ)ತ ಸಾಯಿತಿಗಳು,,,,,,

2010-10-29T20:22:00.001+05:30

ಬ್ಲಾಗ್ ಗೆಳಯರೆ ನಾವು ಇಲ್ಲಿ ನಮ್ಮ ಪಾಡಿಗೆ ತೋಚಿದ್ದು -ಗೀಚಿ ಒಬ್ಬರ ಹೆಗಲು ಒಬ್ಬರು ತಟ್ಟುತ್ತಾ, ನಮ್ಮ ಪಾಡಿಗೆ ಹೊಸ - ಹೊಸ ಗೆಳೆಯರೊಂದಿಗೆ ಆನಂದವಾಗಿರುವಾಗ ಹೊಟ್ಟೆ ಉರಿ ಹೆಚ್ಚಾದ ಕ್ಯಾತ(?) ಸಾಯಿತಿಗಳಾದ ಡಾ|| ಕೆ.ವೈ ನಾರಾಯಣಸ್ವಾಮಿ ಯೆಂಬುವರು, ನವೆಂಬರ್‍ ಮಯೂರ ಮಾಸ ಪತ್ರಿಕೆಯಲ್ಲಿ ಬರೆದ ' ಭಾಷೆಯ ಬಳಕೆಯಲ್ಲಿ ಬಹುಮುಖ ಪಲ್ಲಟ" ಎಂಬ ಲೇಖನದಲ್ಲಿ ನಮ್ಮಂತಹ ಅಜ್ಞಾನಿ (?!) ಬ್ಲಾಗಿಗಗರು ಕನ್ನಡ ಭಾಷೆಯನ್ನು ಕೊಲ್ಲುವುದಕ್ಕಾಗಿಯೆ ಇರುವಂತೆ ಚಿತ್ರಿಸಿದ್ದಾರೆ,

ನಾನು ನೋಡಿದಂತೆ ಕನ್ನಡ ಬ್ಲಾಗಿಗರೆಲ್ಲಾ ಉತ್ತಮ ಭಾಷಾ ಜ್ಞಾನ ಹೊಂದಿದ್ದು, ಭಾಷೆಯ ಮೇಲೆ ಸಾಕಷ್ಟು ಹಿಡಿತ, ಪ್ರಭುತ್ವ ಹೊಂದಿದ್ದಾರೆ. ಹಾಗೂ ಬೇರೆಯವರ ಮೇಲೆ ಯಾವ ರೀತಿಯ ಟೀಕೆ, ಟಿಪ್ಪಣಿ ಮಾಡದೇ ಉತ್ತಮ ಬರಹಗಳು ಮೂಡಿ ಬರುವಂತಹ ವಾತಾವರಣ ಇಲ್ಲಿದೆ.
ನಾವುಗಳು ಇಲ್ಲಿ ಕನ್ನಢ ಬೆಳೆಸುತ್ತಿದ್ದೇವೆಯೇ ಹೊರತು ಕ್ಯಾತ ನಾಮರಂತೆ ಬೇರೆಯವರ ತಟ್ಟೆಯ ನೊಣ ನೋಡಿ ನಗುತ್ತಿಲ್ಲ.
ಇಂತಹ ಆಷಾಡಭೂತಿಗಳನ್ನು ನಾವೆಲ್ಲ ಒಗ್ಗಟ್ಟಾಗಿ ವಿರೋಧಿಸಬೇಕು.

ಯಾರ ಹಂಗೂ ಎನಗಿಲ್ಲ...!

2010-10-24T12:58:00.000+05:30

ನೆಡಲಿಲ್ಲ.. ನೀರೆರೆಯಲಿಲ್ಲ

ಸಲಹಲಿಲ್ಲ.....

ನನ್ನಷ್ಟಕ್ಕೆ ನಾನೆ

ಹುಟ್ಟಿ ಬೆಳೆದೆ

ಸಸಿಯಾಗಿ

ಗಿಡವಾಗಿ...

ಹೂ ಬಿಟ್ಟು ...

ತಿರುಗಿ ಮಣ್ಣಲ್ಲಿ ಮಣ್ಣಾಗುವೆ.. ಯಾರ ಹಂಗೂ ಎನಗಿಲ್ಲ...

ಯಾಕೆಂದರೆ ನಾನೊಂದು ಕಾಡು ಹೂ......!!!!!

ಜೇನುಕಲ್ಲು ಗುಡ್ಡ....ಒಂದು ನೋಟ.

2010-10-21T20:29:00.000+05:30

ಮೊನ್ನೆ ಶಿರಸಿಗೆ ಹೋಗುವ ಕೆಲಸ ಬಂದಿತು. ಬರೀ ಶಿರಸಿಗೆ ಹೋದರೆ ಸಾಕೇ ? ಹಾಗಾಗಿ ಯಲ್ಲಾಪುರ ಸಮೀಪದ ಜೇನುಕಲ್ಲು ಗುಡ್ಡ ನೋಡಲು ಹೋದೆವು.
ಇದು ಶಿರಸಿಯಿಂದ ಸುಮಾರು ೫೦ ಕಿ.ಮೀ ದೂರದಲ್ಲಿದೆ. ಕಿರಿದಾದ ಕಾಡು ದಾರಿ ಆದರೆ, ಡಾಂಬರ್‍ ಇನ್ನೂ ಇದೆ.
ನಾವು ಹೋದಾಗ ಅಷ್ಟೇ ಮಳೆ ಬಂದು ನಿಂತಿತ್ತು. ಸ್ವಲ್ಪ ಮೋಡದ ವಾತಾವರಣ ಹಾಗೂ ಮಂಜು ಕಣ್ಣು
ಮುಚ್ಚಾಲೆಯಾಡುತ್ತಿತ್ತು.
ಇನ್ನೂ ಅಷ್ಟಾಗಿ ಪ್ರವಾಸಿಗರ ದಾಳಿಗೆ ತುತ್ತಾಗದ ಪ್ರದೇಶ. ಹಾಗಾಗಿ ಸ್ವಲ್ಪ ಸ್ವಚ್ಛವಾಗಿದೆ.
ದಯವಿಟ್ಟು ಪ್ಲಾಸ್ಡಿಕ್ ಒಯ್ಯ ಬೇಡಿ, ಒಯ್ದರೂ ಮರಳಿ ತನ್ನಿ. ಇದು ಪ್ರವಾಸಿಗರಲ್ಲಿ ನನ್ನ ವಿನಂತಿ. ಸ್ಥಳಿಯರ ಪ್ರಕಾರ ನವೆಂಬರ್‍ ಜೇನುಕಲ್ಲು ಗುಡ್ಡಕ್ಕೆ ಭೇಟಿ ನೀಡಲು ಉತ್ತಮ ಸಮಯ.

ಮೊಟ್ಟೆ ಸಂಪಿಗೆ

2010-10-14T20:33:00.003+05:30

ಇದು ಮೊಟ್ಟೆ ಸಂಪಿಗೆ ಎಂದು ಸ್ಥಳೀಯವಾಗಿ ಕರೆಯಲ್ಪಡುವ ಒಂದು ಸುಂದರ ಹೂ.... ಇದರಲ್ಲಿ ಸುಮಾರು ೩ ಬಣ್ಣದ ಹೂ ನೋಡಬಹುದು. ತಿಳಿ ಗುಲಾಬಿ, ತಿಳಿ ಹಳದಿ ಹಾಗೂ ಬಿಳಿ. ಇದರಿಂದ ಗಿಡ ಬೆಳಸುವುದು ಸ್ವಲ್ಪ ಕಷ್ಟ.
ಗೂಟಿ ಕಟ್ಟುವುದರಿಂದ ಮಾತ್ರ ನಾವು ಹೊಸ ಗಿಡ ಮಾಡಬಹುದು. ಇದು ಹಗಲು ಹೊತ್ತು ಪೂರ್ಣ ಅರಳುವುದಿಲ್ಲ,.
ರಾತ್ರಿ ಅರಳಿದ ಹೂ ನೋಡಬಹುದು. ಇನ್ನೂ ಬೇರೆ ರೀತಿಯ ಹೂ ಸಿಕ್ಕರೆ ಇಲ್ಲಿ ಪ್ರಕಟಿಸುವೆ

ಇದರ ಸಸ್ಯ ಶಾಸ್ತ್ರೀಯ ಹೆಸರು ಮಾಗ್ನೋಲಿಯ ಲಿಲ್ಲಿಫೆರಾ.

ಹೀಗೊಂದು ಚಿಕ್ಕ ಜಲಪಾತ

2010-10-14T20:27:00.000+05:30

ನಮ್ಮೂರ ಹತ್ತಿರ , ಮಳೆಗಾಲದಲ್ಲಿ ಮಾತ್ರ ಕಾಣ ಸಿಗುವ ಚಿಕ್ಕ ಜಲಪಾತ.

ಮಳೆಗಾಲದ , ಮಲೆನಾಡಿನ ಅಪರೂಪದ ತರಕಾರಿ " ಮಡಹಾಗಲು "

2010-09-26T12:07:00.000+05:30

ಮಡಹಾಗಲು ತುಂಬಾ ಅಪರೂಪವಾಗಿ ದೊರೆಯುವ ಸ್ವಾದಿಷ್ಟವಾದ ಸ್ವಾಭಾವಿಕ ತರಕಾರಿ. ಮಳೆಗಾಲ ಆರಂಭವಾದ ಮೇಲೆ ತನ್ನಷ್ಟಕ್ಕೆ ತಾನೇ ಬಳ್ಳಿ ಬೆಳೆದು ಕಾಯಿ ಬಿಡುವುದು ಪ್ರಕೃತಿ ಕೊಟ್ಟ ವರ. ಅದರ ಗಡ್ಡೆ ನಾಟಿ ಮಾಡುವುದರಿಂದ ಹಾಗೂ ಬೀಜದಿಂದ ವಂಶಾಭಿವೃದ್ಧಿ ಮಾಡಬಹುದು.
ಇದು ತುಂಬಾ ವಿರಳವಾಗಿ ಕುರುಚಲು ಕಾಡುಗಳಲ್ಲಿ ಕಂಡು ಬರುತ್ತದೆ. ಹಾಗಾಗಿ ತುಂಬಾ ಬೆಲೆ. ಅಂದರೆ ಸುಮಾರು ರೂ ೮೦-೧೦೦ ಕ್ಕೆ ಪೇಟೆಯಲ್ಲಿ ಬಿಕರಿಯಾಗುತ್ತದೆ.
ತರಕಾರಿಯಾಗಿ ತುಂಬಾ ರುಚಿಕರ, ಇದರಿಂದ ಹುಡಿ ಹಾಕಿದ ಪಲ್ಯ, ಸಾಸಿವೆ, ಹುಳಿ (ಸಾಂಬಾರ್‍) ಹಾಗೂ ಪೋಡಿ ಮಾಡಿ ಸವಿಯಬಹುದು.
ಮತ್ತೊಂದು ಫೋಟೋ ನಮ್ಮ ಮನೆಯಲ್ಲಿ ಜನಿಸಿದ ಕರುವಿನದು . ಬರೀ ಹದಿನೈದು ದಿನದ ಕರು ಅದು..!

ಉಂಚಳ್ಳಿ ಫಾಲ್ಸ್.... ಮಳೆಗಾಲದ ನೋಟ....

2010-09-19T19:53:00.001+05:30

ಚೌತಿ ಹಬ್ಬದ ದಿನ... ಊರಲ್ಲೊಂದು ಸುತ್ತು....

2010-09-12T18:54:00.001+05:30

ವಿಘ್ನ ನಿವಾರಕ ವಿಘ್ನೇಶನಿಗೆ ನಮ:

2010-09-05T18:25:00.001+05:30

ನಮ್ಮೆಲ್ಲರ ಮೆಚ್ಚಿನ ಗಣಪ. ನಮ್ಮ ಬಪ್ಪ ಕೇವಲ ಒಂದು ವಾರದಲ್ಲಿ ಬರುತ್ತಿದ್ದಾನೆ, ಎಲ್ಲರಿಗೂ ಗಣಪತಿ ಶುಭವನ್ನು ತರಲಿ ಎಂದು ಹಾರೈಸುತ್ತಿದ್ದೇನೆ .ಜೊತೆಗೆ ಜಗತ್ತಿಗೆ ಶಾಂತಿಯನ್ನು ಸಾರಿದ ಗೌತಮನ ಒಂದು ಮಣ್ಣಿನ ಶಿಲ್ಪ.

ಬಾವಲಿಗಳ ಲೋಕ

2010-09-02T20:26:00.000+05:30

ನಾನು ಚಿಟ್ಟೆ ಗಾತ್ರದ ಬಾವಲಿಗಳನ್ನು ಹಾಗೂ ಹೆಚ್ಚೆಂದರೆ ಗುಬ್ಬಿಗಳ ಗಾತ್ರದ ಬಾವಲಿಗಳನ್ನು ನೋಡಿದ್ದೆ.

ಮೊನ್ನೆ ದಾವಣಗರೆ ಪಿ ಜೆ ಬಡಾವಣೆಯಲ್ಲಿರುವ ವಿಶ್ವೇಶ್ವರಯ್ಯ ಉದ್ಯಾನವನದಲ್ಲಿ ಹಗಲು ಹೊತ್ತು ತಲೆಕೆಳಗಾಗಿ ನೇತಾಡುತ್ತಿರುವ ಸಾವಿರಾರು ಕೋಳಿ ಗಾತ್ರದ ಬಾವಲಿಗಳನ್ನು ನೋಡಿದೆ. ಅವು ಪಾರ್ಕಿನ ಮರಗಳಲ್ಲಿ ಮಾತ್ರ ಶಿಸ್ತುಬದ್ದವಾಗಿ ನೇತಾಡುತ್ತಿದ್ದವು..! ಅಪ್ಪಿ-ತಪ್ಪಿಯೂ ರಸ್ತೆ ಸಾಲು ಮರಗಳಲ್ಲಿ ಕಂಡುಬರಲಿಲ್ಲ.

ಅಸಮಾನ ಆಸ್ತಿ ಹಂಚಿಕೆ........ ಒಂದು ವಿಶ್ಲೇಷಣೆ

2010-08-29T17:08:00.000+05:30

ಹಳ್ಳಿಗಳು ಬರಿದಾಗುತ್ತಿವೆ... ಜನರಿಲ್ಲದೇ....!

ಆದರೇನಂತೆ ಎನ್ನುವಿರಾ?! ಜನ ಹಳ್ಳಿಗಳಲ್ಲಿ ವಾಸಿಸಲು ಇಷ್ಟಪಡುತ್ತಿಲ್ಲ. ಅದಕ್ಕೆ ಹಲವಾರು ಕಾರಣಗಳಿವೆ. ಅದನ್ನು ಮುಂದೆ ನೋಡೊಣ.
ಹಳ್ಳಿಗಳನ್ನು ಬಿಟ್ಟು ಉದ್ಯೋಗ ಅರಸಿ ಪಟ್ಟಣ ಸೇರಿದರು.. ಸರಿ. ಮನೆಯಲ್ಲಿ ಒಬ್ಬ ಅಪ್ಪ ನೆಟ್ಟ ಆಲದ ಮರ ಅಂತ ಜಮೀನಿಗೆ ಶರಣು ಹೋದ.. ಅದೂ ಸರಿ... ಅಂತೂ - ಇಂತೂ ಜೀವನ ಸಾಗಿಸುತ್ತಿದ್ದಾನೆ.
ಪೇಟೆಗೆ ಹೋದ ಹಳ್ಳ್ಲಿ ಹೈದ ಕೆಲಸಕ್ಕೆ ಸೇರಿದ, ಮದುವೆಯಾದ, ಮನೆ ಮಾಡಿದ ಎಲ್ಲಾ ಆಯ್ತು ಎನ್ನುವಷ್ಟರಲ್ಲಿ ಊರಲ್ಲಿರುವ ಜಮೀನು ನೆನಪಾಯ್ತು ಅವನಿಗೆ..! ಅದರಲ್ಲಿರುವ ತನ್ನ ಪಿತ್ರಾರ್ಜಿತ ಹಕ್ಕುಗಳ ನೆನಪಾಯ್ತು.....

ಪೇಟೆ ಕೆಲಸ, ಮನೆ ಮಾಡುವಾಗ, ಸೈಟ್ ಕೊಳ್ಳುವಾಗ ಮದುವೆಯಾಗುವಾಗ ಊರಿಂದ ಪಡೆದ ಸಹಾಯ -ಸಹಕಾರ ಮಮತೆ ಎಲ್ಲಾ ಮರೆತು ಹೋಯ್ತು...

ಬರೀ ಲೆಖ್ಖಾಚಾರವೇ ಮುಖ್ಯವಾಯ್ತು. ಹಳ್ಳಿ ಬದುಕು ಎಷ್ಟ-ಕಷ್ಟ ಇದೆ.. ನೆನಪಾಗಲಿಲ್ಲ. ಇರುವ ೧೦-೨೦ ಗುಂಟೆ ಜಮೀನು ಕೂಡ ಪಾಲಾಗುತ್ತದೆ. ಅದರ ಆದಾಯ ಪಾಲಾಗುತ್ತದೆ. ಮನೆ ಕೂಡ. ಹಳ್ಳಿಯಲ್ಲಿರುವವ ಇರುವದರಲ್ಲಿ ಅರ್ಧ ಕೊಟ್ಟು ಬರಿ ಗೈ ಬಂಟನಾಗುತ್ತಾನೆ...

ಇದು ವ್ಯವಾಹಾರಿಕ ಪ್ರಪಂಚ. ಆದರೆ ಹೀಗೆಲ್ಲಾ ಆಗುವಾಗ ಸ್ವಲ್ಪ ವಿಚಾರ ಮಾಡಬೇಕು ಅಲ್ಲವೇ? ಭೂಮಿಯನ್ನು ಚೂರು-ಚೂರು ಮಾಡುವದಕ್ಕಿಂತ- ಸಂಬಂಧಗಳನ್ನು ಚೂರು ಮಾಡುವ ಮೊದಲು ಯೋಚಿಸುವದು ಒಳ್ಳಯದಲ್ಲವೇ

ಅವರವರ ಭಾವಕ್ಕೆ............

2010-08-14T20:27:00.000+05:30

ಗೆಳೆತನ ಈ ಬದುಕಿನ ಅವಿನಾವ-ಅವಿಭಾಜ್ಯ ಅಂಗವಾಗಿದೆ..

ಬಾಲ್ಯ- ಹರಯ- ಮುಪ್ಪು , ಹೀಗೆ ಗೆಳೆತನ ತನ್ನ ಓಘವನ್ನು ತಾನೇ ಕಂಡುಕೊಳ್ಳುತ್ತದೆ. ಅದಕ್ಕೆ ತನ್ನದೇ ಆದ ರೀತಿ - ನೀತಿ ಎಲ್ಲಾ ಇದೆ.ಆದರೂ ಆಗಾಗ ತನ್ನ ಪಾತ್ರ ಬದಲಿಸುವ ನದಿಯಂತೆ ಭಾಸವಾಗುತ್ತದೆ. ನಮ್ಮ ಬಾಲ್ಯದಿಂದ ಶುರುವಾಗುವ ಗೆಳೆತನವೆಂಬ ಜೀವನದಿ, ನಮ್ಮ ವಿದ್ಯಾಭ್ಯಾಸ ಹಾಗೂ ವೃತ್ತಿ ಜೀವನ ಮತ್ತು ಈಗ ಇಂಟರ್ನೆಟ್ ಯುಗದಲ್ಲಿ ಇ ಗೆಳೆತನ ಶುರುವಾಗಿದೆ. ಕಾಲದ ಪ್ರವಾಹದಲ್ಲಿ ನಮ್ಮ ಅಹಂನಿಂದ ಅಥವಾ ಅವರ ಅಹಂನಿಂದ ಆಥವಾ ತೀರಾ ಕ್ಷುಲ್ಲಕ ವಿಷಯಗಳಿಗಾಗಿ, ಆತುರದ ಮಾತು, ನಡವಳಿಕೆಗಲ ಕಾರಣದಿಂದ ನಮ್ಮ ಗೆಳೆತನ ಹಳಿ ತಪ್ಪಿದ ರೈಲಂತಾಗಬಹುದು...! ಕಹಿ ಘಟನೆಗಳನ್ನು ಮರೆಯುವುದು/ಕ್ಷಮಿಸುವುದು ಗೆಳೆತನದ ಬಳ್ಳಿ ಮತ್ತೆ ಚಿಗುರುವಂತೆ ಮಾಡಬಹುದು.ನಮ್ಮ ಯಾಂತ್ರಿಕ ಬದುಕಿನಲ್ಲಿ ಗೇಳೆತನ ಬಹು ಅವಶ್ಯಕ...ಹಾಗೂ ಪರಸ್ಪರ ಸಹಕಾರ-ಸಹಾಯಕೂಡ.. ಆದರೆ ಅದರಲ್ಲಿ ನಮ್ಮಸ್ವಾರ್ಥ ಇರಬಾರದಷ್ಟೆ...! ನಾವು ಬರೀ ನಮಗಾಗಿ ಅಲ್ಲದೇ ಬೇರೆಯವರಿಗಾಗಿಯು ಬದುಕಬೇಕಾಗುತ್ತದೆ... ಮತ್ತು ಅದೇ ಜೀವನಾ...!ಕೆಲ ಬಾರಿ ಗೆಳೆಯ/ಗೆಳತಿಯರ ಮುನಿಸು ಯಾಕೆಂದು ಅರ್ಥ ಮಾಡಿಕೊಳ್ಳಲು ಸಾಧ್ಯವಾಗೂವುದೇ ಇಲ್ಲ.. ನಾವು ವ್ಯವಸ್ಥೆಯ ಬಲಿಪಶುಗಳಾಗಿ ಬಿಡುತ್ತೇವಷ್ಟೆ. ಗೆಳೆತನಕ್ಕೆ ಒಂದು ಉದಾಹರಣೆ ಕೊಡಬಯಸುತ್ತೇನೆ. ನಮ್ಮ ಚಕ್ಕಪ್ಪ ಆತನ ವಿದ್ಯಾಭ್ಯಾಸ ಮೈಸೂರಲ್ಲಿ ಮುಗಿಸಿದರು. ಆಗ ಅವರ ಸಹಪಾಟಿಗಳಾದ ಇಬ್ಬರು ಇಂದು ಕೂಡ ನಮ್ಮ ಕುಟುಂಬ ಸ್ನೇಹಿತರಾಗಿದ್ದಾರೆ ಮಾತ್ರವಲ್ಲ ನಮ್ಮ ಮಧ್ಯೆ ಜೀವನದ ಎಲ್ಲಾ ಕಹಿ -ಸಿಹಿಸಂದರ್ಭಗಳಲ್ಲಿ ಬಂದು ಹೋಗುವ ಪರಿಪಾಟ ಸರಿ ಸುಮಾರು ೪೫ ವರ್ಷಗಳಿಗೂ ಹೆಷ್ಷು ಕಾಲದಿಂದ ಉಳಿದು ಬಂದಿದೆ.

ಇಷ್ಷೆಲ್ಲಾ ಹೇಳಿದ ಮೇಲೂ ನನ್ನ ತಂಗಿಯ ಮಾತು ನೆನಪಾಗುತ್ತದೆ..! ಎಲ್ಲಾ " ಅವರವರ ಭಾವಕ್ಕೆ " ಬಿಟ್ಟ ವಿಚಾರ.. ನೀವೆನಂತೀರಿ???? ( ಚಿತ್ರ ಕೃಪೆ: ಅಂತರರ್ಜಾಲ)

ಹೀಗೊಂದು ಫೋಟೋ.... ಏನೆಂದು ಹೇಳಬಲ್ಲಿರಾ?

2010-08-12T20:16:00.000+05:30

ಮಲೆನಾಡಿನಲ್ಲಿ ಮರೆಯಾಗುತ್ತಿರುವ ಕರಿಕಂಬಳಿ...!

2010-08-08T16:13:00.002+05:30

ಮಲೆನಾಡು ಉಳಿದ ಪ್ರದೇಶಗಳಂತೆ ತನ್ನ ಪ್ರಾದೇಶಿಕತೆಯನ್ನು ಕಳೆದುಕೊಂಡು ಆಧುನಿಕ ಬದುಕಿನತ್ತ ದಾಪುಗಾಲನ್ನಿಡುತ್ತಿದೆ.

ನಾವು ಚಿಕ್ಕವರಿದ್ದಾಗ ಮಳೆಗಾಲದಲ್ಲಿ ತೋಟದ ಕೆಲಸಕ್ಕೆ ಹಾಗೂ ಗದ್ದೆಯ ಕೆಲಸಗಳಿಗೆ ಕರಿ ಕಂಬಳಿಯ ಗೊರಬು ಮಾಡಿ ಸೂಡುವುದು ಸಾಗರದಂತ ಪಟ್ಟಣಗಳಲ್ಲಿಂದ ಕಂಬಳಿ ವ್ಯಾಪಾರಿಗಳು ಹಳ್ಳಿಗಳಲ್ಲಿ ಸುತ್ತಿ ಕಂಬಳಿ ವ್ಯಾಪಾರ ಮಾಡುತ್ತಿದ್ದರು.

ಮೇ ತಿಂಗಳಿಂದ ಜುಲೈವರೆಗೆ ಕಂಬಳಿ ವ್ಯಾಪಾರ ಬಿರುಸಾಗಿ ಕಂಬಳಿ ಬಹೂಪಯೋಗಿಯಾಗಿತ್ತು..! ನೆಂಟರು ಬಂದರೆ ಅತಿಥಿ ಸತ್ಕಾರಕ್ಕೆ, ಚಳಿಯಾದರೆ ಹೊದೆಯಲು, ಮಳೆಗಾಲದಲ್ಲಿ ಮಳೆಯಿಂದ ರಕ್ಷಣೆ ಪಡೆಯಲು , ಹೀಗೆ.

ಹಾಗೂ ಮಳೆಗಾಲದಲ್ಲಿ ಕಂಬಳಿ ಒಣಗಿಸಲು ಪ್ರತ್ಯೇಕ ಜಾಗ ಮಾಡಿ ಅದನ್ನು ಹೊಡಚಲು ಎಂದು ಕರೆಯುತ್ತಿದ್ದರು. ಅಲ್ಲಿ ಕಂಬಳಿಯನ್ನು ಗಳುವಿನ ಮೇಲೆ ಒಣ ಹಾಕಿ , ಮರು ದಿನ ಮಳೆ ಎದುರಿಸಲು ತಯಾರಾಗುತ್ತಿದ್ದರು. ಆ ಹೊಡಚಲು ಮಕ್ಕಳು ಕಾಯಿಸಲು ಮತ್ತು ಎತ್ತುಗಳಿಗೆ ಹುರುಳಿ ಬೇಯಿಸಲು ಬಳಸುತ್ತಿದ್ದರು.

ಈಗ ಕಂಬಳಿಯ ಜಾಗವನ್ನು ಬಹುತೇಕವಾಗಿ ಪ್ಲಾಸ್ಟಿಕ್ ಹಾಳೆಗಳು ಆಕ್ರಮಿಸಿಕೊಂಡಿವೆ. ಇದೂ ಒಂದು ಜಾಗತೀಕರಣದ

ವ್ಯಂಗ್ಯ....~!

ಸೋನೆ ಮಳೆ..........................

2010-08-04T19:33:00.000+05:30

ಮಳೆಯೆಂದರೆ ನನಗೆ ಇಷ್ಟ...........

ಅದರಲ್ಲೂ ಸೋನೆ ಮಳೆಯೆಲ್ಲಿ ನೆನೆಯುವುದೆಂದರೆ ತುಂಬಾ ಇಷ್ಟ.....!

ಸಿಗಲಿಲ್ಲ ನನ್ನ ಗೆಳತಿಯಿಂದ ಸೋನೆ ಮಳೆ ಥರ ಪ್ರೀತಿ...

ಕಾಯುತ್ತಿರುವೆ ಇಳೆಯಂತೆ ಆ ಸೋನೆ ಮಳೆ ರೀತಿಯ ಪ್ರೀತಿಗಾಗಿ....!

ಪ್ರೀತಿಯೆಂಬುದು ಬೆಚ್ಚನೆಯ ಭಾವ....

ಆದರೂ ನಾವು ಸೋನೆ ಮಳೆಯಂಥ ಪ್ರೀತಿಯನ್ನು ಬಯಸುತ್ತೇವೆ.......!!!!!

ಹಲಸು ಮಲೆನಾಡಿಗರ ಮೆಚ್ಚಿನ ತರಕಾರಿ, ಹಣ್ಣು......

2010-08-02T19:56:00.001+05:30

ನಾವು ಮಲೆನಾಡಿಗರು, ನಮಗೆಲ್ಲ ಹಲಸಿನ ಹಣ್ಣು ಚಿರಪರಿಚಿತ.
ಪ್ರತಿ ಮನೆಯ ತೋಟದಲ್ಲೂ ಒಂದಾದರೂ ಹಲಸಿನ ಮರ ಇದ್ದೇ ಇರುತ್ತದೆ.
ಹಲಸು ನಮ್ಮ ಜೀವನದ ಅವಭಾಜ್ಯ ಅಂಗವಾಗಿದೆ.ಎಲ್ಲಾ ಶುಭಾ-ಶುಭ ಕಾರ್ಯಕ್ರಮಕ್ಕೆ ಹಲಸಿನ ಅಗತ್ಯವಿದೆ.
ಇಷ್ಟೆಲ್ಲಾ ಉಪಯೋಗಿಯಾದರೂ ನಮ್ಮಲ್ಲಿ ಹಲಸಿನದ್ದೇ ತೋಟ ಮಾಡಿದವರ ಬಗ್ಗೆ ಕೇಳಿಲ್ಲ.

ಆದರೆ, ಪಕ್ಕದ ತಮಿಳುನಾಡಿನ ಪನ್ರುತ್ತಿ ಎಂಬ ಊರು ಹಲಸಿನಿಂದಾಗೆ ಬದುಕುತ್ತಿದೆ. ನಾನು ಏನು ಹೇಳಬೇಕೆಂದುಕೊಂಡಿರವೆನೋ ಅದನ್ನೆಲ್ಲ ಈ ಫೋಟೋಗಳೆ ಹೇಳಬಲ್ಲವು ಅಲ್ಲವೇ?

ಆ ಊರಿನ ಜನ ಹಲಸು ಬೆಳೆಯುವದರಲ್ಲಿ ಹಾಗೂ ಅದನ್ನು ಮಾರುಕಟ್ಟೆಗೆ ಕಳುಹಿಸುವುದನ್ನೇ ಮುಖ್ಯ ಉದ್ಯೋಗವಾಗಿಸಿಕೊಂಡಿದ್ದಾರೆ
ನಮ್ಮಲ್ಲಿ ಇನ್ನೂ ಬರೀ ಹಲಸಿನ ಮೇಳಗಳನ್ನು ನೆಡೆಸಿ ಮರುದಿನವೇ ಮರೆತು ಬಿಡುವ ಸ್ವಭಾವ ಇನ್ನೂ ಇದೆ.

ಹಲಸಿನ ಕೆಲವು ಉಪಯೋಗಗಳನ್ನು ನೋಡೋಣ.
೧)ಚಿಕ್ಕ ಕಾಯಿಯನ್ನು ತರಕಾರಿಯಾಗಿ ಬಳಸಬಹುದು..
೨)ಬೆಳೆದ ಕಾಯಿಯಿಂದ ರುಚಿಕರ ಹಪ್ಪಳ ಹಾಗೂ ಚಿಪ್ಸ್ ತಯಾರಿಕೆ.
೩) ಹಣ್ಣನ್ನು ಹಾಗೇ ಉಪಯೋಗಿಸ ಬಹುದು.
೪)ಹಲಸಿನ ಹಣ್ಣಿನ ಮುಳಕ, ಕಡುಬು, ಪಾಯಸ ತಯಾರಿಕೆ ಹಾಗೂ ರುಚಿಕರ ಜ್ಯಾಮ್ ಮಾಡಬಹುದು.
೫) ಬೆಳೆದ ಹಲಸಿನ ಕಾಯಿಯ ತೊಳೆಗಳನ್ನು ಉಪ್ಪು ನೀರಿನಲ್ಲಿ ಸಂರಕ್ಷಿಸಿ ಹಲವು ತಿಂಗಳ ಕಾಲ ಸಾಂಬಾರು ಮಾಡಲು ಬಳಸಬಹುದು.
೬) ಬಲಿತ ಮರ ಉತ್ತಮ ಪೀಠೋಪಕರಣ ಹಾಗೂ ಮನೆಯ ವಾಸ್ತು ಬಾಗಿಲಿಗೆ ಉಪಯೋಗಿಸುವರು.
ಇದನ್ನು ಬಹುಶ: ಕಲ್ಪವೃಕ್ಷಕ್ಕೆ ಹೋಲಿಸಬಹುದೇನೋ..
ನಾವು ಹಲಸಿನ ಮರಗಳನ್ನು ಹೆಚ್ಚು-ಹೆಚ್ಚು ಬೆಳೆಸಿ ಬಲಸುವುದರಿಂದ ಆರ್ಥಿಕವಾಗಿಯೂ ಮತ್ತು ಪರಿಸರ ಪೂರಕ ವಾತಾವರಣವನ್ನೂ ಉಂಟುಮಾಡಬಹುದು.

ಕಾಡುವ ಬಾಲ್ಯದ ನೆನಪುಗಳು......

2010-07-11T12:11:00.000+05:30

ಪ್ರಾಥಮಿಕ ಶಾಲೆಗೆ ಹೋಗುತ್ತಿದ್ದ ದಿನಗಳವು. ನಮ್ಮೂರಿನಿಂದ ನಮ್ಮ ಅತ್ತೆ ಮನೆ ಅಂದರೆ, ತಂದೆಯವರ ಅಕ್ಕನ ಮನೆ ಸುಮಾರು ೫ ಕಿಲೋಮೀಟರ್‍ ದೂರ ಇತ್ತು.
ನಾನು ಪ್ರತಿ ಶನಿವಾರ ಅರ್ಧ ದಿನದ ಶಾಲೆ ಮುಗಿಸಿ ಅವರ ಮನೆಗೆ ಧಾವಿಸುತ್ತಿದ್ದೆ..! . ಅಲ್ಲಿ ನನ್ನ ಭಾವಂದಿರು ನನಗಾಗಿ ಕಾಯುತ್ತಿದ್ದರು. ಅವರು ನನಗಿಂತ ದೊಡ್ಡವರಾದರೂ ನಾವೆಲ್ಲ ಮಕ್ಕಳು ಸೇರಿ ಹಲವು ಚೇಷ್ಟೆಗಳಲ್ಲಿ ತೊಡಗುತ್ತಿದ್ದೆವು.
ಅದರಲ್ಲಿ ಮನೆ ಕಟ್ಟಿ ಅಡಿಗೆ ಮಾಡುವುದು, ಪಕ್ಕದಲ್ಲಿ ಹರಿಯುತ್ತಿದ್ದ ಹೊಳೆಯಲ್ಲಿ ಬಾಳೆ ಮರ ಉಪಯೋಗಿಸಿ ಈಜುವ ನಾಟಕವಾಡುವುದು ಸೇರಿತ್ತು.

ಅದರಲ್ಲಿ ಇನ್ನೂ ಹಸಿರಾಗಿರುವ ನೆನಪೆಂದರೆ, ಒಮ್ಮೆ ನಮ್ಮ ಅಣ್ನ ಹಾಗೂ ಭಾವನೊಬ್ಬ ಗದ್ದೆ ಕೊಯ್ಲಾದಮೇಲೆ ಎಮ್ಮೆ ಮೇಯಲು ಬಿಟ್ಟಾಗ ಅವರಿಬ್ಬರೇ ಸೇರಿ ಒಂದು ಎಮ್ಮೆಯ ಮೇಲೆ ಸವಾರಿ ಹೊರಟರು.. ಅದು ನನಗೆ ಕೋಪ ತರಿಸಿತು..!
ನಾನು ಅಸಹಾಯಕತೆಯಿಂದ ನಾನು ಬರುವೆನೆಂದರೂ ಅವರು ಅದನ್ನು ಲಕ್ಷಿಸದೇ ಹೋದಾಗ ಎಮ್ಮೆಗೆ ಒಂದು ಕೋಲಿನಿಂದ ಹೊಡೆದದ್ದೊಂದೆ ಗೊತ್ತು...! ಎಮ್ಮೆ ಗಾಭರಿಯಿಂದ ಓಡುವ ಪರಿಗೆ ಇವರಿಬ್ಬರೂ ಅದರಿಂದ ಉರುಳಿ ಬಿದ್ದರು...!
ಹಾಗೂ ನನ್ನನ್ನು ಅಟ್ಟಿಸಿಕೊಂಡು ಬಂದರು..!
ಆ ಕಾಲದ ನೆನಪುಗಳು, ಆ ಮಳೆಗಾಲ, ಅದರಲ್ಲೇ ಶಾಲೆಗೆ ಹೋಗುವ ಮಜ, ಜಾರಿ ಬೀಳುವುದು, ಚಿನ್ನಿದಾಂಡು, ಗೋಲಿ ಆಟ..ಬಗೆ ಬಗೆಯ ಕಾಡು ಹಣ್ಣುಗಳು , ಅವನ್ನು ತಂದುಕೊಡುವ ಗೆಳೆಯರು..... ಇಂದು ಬರೀ ನೆನಪುಗಳು ಮಾತ್ರ.......

ಮರೆಯಲಾರೆ ನಿನ್ನ ಅನುಗಾಲವೂ..............

2010-07-09T20:13:00.001+05:30

ಹೆತ್ತ ತಾಯಿಯನ್ನು ಮರೆತಿಲ್ಲ
   ಮೊದಲ ತುತ್ತು ಉಣಿಸಿದ ಅಜ್ಜಿಯನ್ನು ಮರೆತಿಲ್ಲ

ಜನ್ಮಕೊಟ್ಟ ತಂದೆಯನ್ನು ಮರೆತಿಲ್ಲ
   ಎತ್ತಿ ಆಡಿಸಿದ ಅಜ್ಜನನ್ನು ಮರೆತಿಲ್ಲ

ನಿತ್ಯ ಉಣ್ಣುವ ಅನ್ನ ಕೊಡುವ ಭೂಮಿ ತಾಯನ್ನು ಮರೆತಿಲ್ಲ
   ಆಕ್ಷರ ಕಲಿಸಿದ ಗುರುವನ್ನು ಮರೆತಿಲ್ಲ

ಸ್ನೇಹ ಉಣಿಸಿದ ಬಾಲ್ಯ ಗೆಳೆಯರನ್ನು ಮರೆತಿಲ್ಲ
   ಇಲ್ಲ ನಾನು ಯಾರನ್ನೂ ಮರೆತಿಲ್ಲಾ.............

   ಹಾಗಿರುವಾಗ.
ವಾತ್ಸಲ್ಯದ ಸೋದರಿಯಾದ ನಿನ್ನನ್ನು ಹೇಗೆ ಮರೆಯಲಿ?????

ಹಾಗೇ ನೀನೂ ಮರೆಯಲಾರೆ ನನ್ನ................! ! ! ! !

" ಕವಲು " ಭೈರಪ್ಪನವರ ಪುಸ್ತಕದ ಬಗ್ಗೆ ಓದುಗನ ಅನಿಸಿಕೆಗಳು........

2010-07-01T20:10:00.001+05:30

ಮೊನ್ನೆ ೨೮ಕ್ಕ್ಕೆ ಭೈರಪ್ಪನವರ ಹೊಸ ಕಾದಂಬರಿ "ಕವಲು" ಪ್ರಕಟವಾಯ್ತು. ನಾನೊಬ್ಬ ಅವರ ಅಭಿಮಾನಿ ಓದುಗ.

ಅವರ ಎಲ್ಲಾ ಕಾದಂಬರಿಗಳೂ ಹೆಣ್ಣು-ಗಂಡಿನ ಸಾಂಸಾರಿಕ ಜೀವನ ಮತ್ತು ಸಾಮಾಜಿಕ ಪರಿಸರದ ಸುತ್ತ ಹೆಣೆದವು.

ಈ ಬಾರಿ ಅವರು ಆರಿಸಿಕೊಂಡಿರುವ ವಿಷಯ, ಮದುವೆ ಬಂಧ ಇಲ್ಲದೇ ಸಂಸಾರ ಸಾಗಿಸುವುದು ಮತ್ತು ವಿವಾಹ ಬಾಹಿರ ಸಂಕೀರ್ಣ ಸಂಬಂಧಗಳು.

ಅವುಗಳನ್ನು ವಿಮರ್ಶೆ ಮಾಡುವಷ್ಟು ಪ್ರೌಢ ಓದುಗ ನಾನಲ್ಲ. ಆದರೆ ನಾನು ಗಮನಿಸಿದ ಹಾಗೆ ಭೈರಪ್ಪನವರು ಸ್ವಲ್ಲ ಹೆಚ್ಚೆ ಅನಿಸುವ ರೀತಿಯಲ್ಲಿ ನಿರ್ಲಜ್ಜ ಕಾಮವನ್ನು ವೈಭವೀಕರಿಸಿದ್ದಾರೆ.

ಬೇರೆ ದೇಶಗಳಲ್ಲಿ ಆರೀತಿಯ ಸಂಬಂಧಗಳು ಸರ್ವೇಸಾಧಾರಣವಾಗಿರಬಹುದಾದರು ಭಾರತೀಯರಾದ ನಾವು ಅದನ್ನು
ಜೀರ್ಣಿಸಿಕೊಳ್ಲವುದು ಕಷ್ಟಸಾಧ್ಯ.

ಲಿವಿಂಗ್-ಟುಗೆದರ್‍ ಅಂದರೆ ವಿವಾಹ ಬಂಧವಿಲ್ಲದೇಸಂಸಾರ ಸಾಗಿಸುವುದೆಂದರೆ, ಅಂಕೆಯಿಲ್ಲದ ಲಂಗು-ಲಗಾಮಿಲ್ಲದ ಸ್ವೇಚ್ಛಾಚಾರದ ಬದುಕು. ಯಾರು ಏನೂ ಮಾಡಿದರೂ ಮತ್ತೊಬ್ಬರು ಪ್ರಶ್ನೆ ಮಾಡುವಹಕ್ಕಿಲ್ಲದ ಬದುಕು.

ಎಲ್ಲಕ್ಕೂ ಮಹಿಳಾ ಸ್ವಾತಂತ್ಯ್ರದ ಮುಖವಾಡ ಹಾಕಿದರೆ ಮಗು ಹೆರಲು ಯಂತ್ರಗಳ ಆವಿಷ್ಕಾರ ಮಾಡಬೇಕಾಗಬಹುದು..!
ಹೆಣ್ಣಿಗೂ ಬಂದಿರುವ ಆರ್ಥಿಕ ಸ್ವತಂತ್ಯ್ರದಿಂದಾಗಿ ವಿವಾಹ ವಿಚ್ಛೇದನೆಗಳ ಸಂಖ್ಯೆ ಮಹಾನಗರಗಳಲ್ಲಿ ಹೆಚ್ಚುತಿದೆ.

ಕೊನೆಯಲ್ಲಿ ಬರುವ ಪುಟಾಣಿ ಎಂಬ ಮಗು ತನ್ನ ಅಣ್ಣನಿಗೆ , ನನಗೊಂದು ಉತ್ತಮ ಸಂಸ್ಕಾರವುಳ್ಲ ಸಜ್ಜನ ಗಂಡು ನೋಡು ಎಂದು ಪತ್ರ ಬರೆಯುವುದು ಇನ್ನೂ ಉಳಿದಿರಬಹುದಾದ ಸಂಸ್ಕ್ರತಿಯ ಪ್ರತೀಕ ಎಂದು ನಾನು ಭಾವಿಸುವೆ....

ಒಟ್ಟಾರೆ ಮನುಷ್ಯ ಸಂಬಂಧಗಳು ಹಾಗೂ ಸಾಮಾಜಿಕ ಬದುಕಿನ ಅನಾವರಣ ಈ ಕಾದಂಬರಿಯಲ್ಲಾಗಿದೆ.

ಕವಲುದಾರಿಯಲ್ಲಿ ಮಲೆನಾಡಿನ ಹವ್ಯಕರು............

2010-06-26T20:44:00.000+05:30

ಹವ್ಯಕರು ವಾಸಿಸುವ ಯಾವುದೇ ಹಳ್ಳಿಗಳಿಗೆ ಹೋದರೂ ನಾವು ಇಂದು ಕಾಣುವುದು ಬಹಳ ಮನೆಗಳಲ್ಲಿ ವೃದ್ಧ ಅಥವಾ ನಲವತ್ತೈದು -ಐವತ್ತರ ಅಂಚಿನಲ್ಲಿರುವ ಜನರನ್ನು.

ಯಾಕೆ ಹೀಗಾಗಿದೆ ಎಂಬ ಪ್ರಶ್ನೆ ಎಲ್ಲರಲ್ಲೂ ಮೂಡಿದೆಯಾ?! ನನಗನ್ನಿಸುವ ಮಟ್ಟಿಗೆ ಇಲ್ಲ..! ನಾವು ಹವ್ಯಕರು ತುಂಬಾ ನಿಧಾನಿಗಳು. ಯಾಕೆಂದರೆ ನಾವು ಬದುಕಿದ್ದೇ ಹಾಗೆ. ನಮ್ಮ ಜೀವನ ಶೈಲಿಯೇ ಆ ರೀತಿ ಇತ್ತು.

೧೯೭೫ ಕ್ಕಿಂತ ಹಿಂದೆ ನೋಡಿದಾಗ ಮಲೆನಾಡಿನ ಬಹುತೇಕ ಶ್ರೀಮಂತ ಕುಟುಂಬಗಳಿಗೆ ಗೇಣಿ ಭತ್ತ ಬರುತಿತ್ತು, ಅಡಿಕೆ, ಉಪ್ಪು-ಹುಳಿಗಾದರೆ ಭತ್ತ ಊಟಕ್ಕೆ ಸಾಕಾಗುತ್ತಿತ್ತು. ಬಹಳ ಆಸೆ ಪಡದೇ ಇರುವುದರಲ್ಲಿ ಜೀವನ ಸಾಗಿಸುತ್ತಿದ್ದರು.

ಯಾವಾಗ ಭೂ-ಸುಧಾರಣಾ ಕಾನೂನಿನಿಂದ ಜಮೀನುಗಳು ಬೇರೆಯವರ ಪಾಲಾದವೋ ಆಗ ನಮ್ಮ ಹವ್ಯಕರು ಎಚ್ಚೆತ್ತುಕೊಂಡು ಮಕ್ಕಳ ವಿದ್ಯಾಭ್ಯಾಸ, ಇತರೇ ವ್ಯಾಪಾರ ವಹಿವಾಟುಗಳಿಗಾಗಿ ಊರಿಂದೂರಿಗೆಹೋಗುವ ಹಾಗೆ ಆಯ್ತು.

೯೦ ರ ದಶಕದ ಐಟಿ ಜೋಶ್ ಹವ್ಯಕರ ಪಾಲಿಗೆ ವರದಾನವಾಯ್ತು. ನಮ್ಮ ಯುವ ಪೀಳಿಗೆಯು ಪ್ರಪಂಚಾದ್ಯಂತ ಚದುರಿ ಹೋದರು. ಇದರಿಂದ ಆರ್ಥಿಕವಾಗಿ ತುಂಬಾ ಪ್ರಯೋಜನವಾಯ್ತು ಅದೇ ಸಂದರ್ಭದಲ್ಲಿ ಹಳ್ಳಿಗಳ ಒಂಟಿಮನೆಗಳಲ್ಲಿ ತಂದೆ-ತಾಯಿಯರು ಅನಾಥರಂತೆ ಬದುಕುವ ಪರಿಸ್ಥತಿ ಉದ್ಭವವಾಯ್ತು.
ಹವ್ಯಕರು ಮೂಲತ: ಬುದ್ದಿವಂತರೇ, ನೀವು ಗಮನಿಸಿ ಉತ್ತಮ ನೀರಾವರಿ ಸೌಲಭ್ಯ ಇರುವ, ಬೆಟ್ಟದ ಆಸರೇ ಇರುವ ತೋಟಗಳು ನಮ್ಮ ಕೈಯಲ್ಲಿವೆ. ಆದರೇ ಕೆಲಸದ ನಿಮಿತ್ತ ಪಟ್ಟಣಗಳಿಗೆ ವಲಸೇ ಹೋಗುವುದು ಹೆಚ್ಚಿದ ಮೇಲೆ ಹಾಗೂ
ಹಳ್ಳಿಗಳಲ್ಲಿ ಕೆಲಸಗಾರರ ಕೊರತೆಯಿಂದಾಗಿ ನಮ್ಮ ತೋಟಗಳನ್ನು ಉಳಿಸಿಕೊಳ್ಳವುದು ಕಷ್ಟಕರವಾಗಿದೆ.
ನಾವು ನಡೆದು ಬಂದ ದಾರಿಯನ್ನು ತಿರುಗಿ ನೋಡುವ ಕಾಲ ಬಂದಿದೆ ಎಂದು ನನ್ನ ಭಾವನೆ.

ನಮ್ಮ ಪರಂಪರೆ ಹಳ್ಳಿಯಲ್ಲಿದೆ. ನಮ್ಮ ಬೇರು ಹಳ್ಳಿಯಲ್ಲಿದೆ. ನಾವು ದುಡಿಯಲು ಪಟ್ಟಣಗಳಿಗೆ ಹೋಗೋಣ. ಆದರೆ ಮರಳಿ ಹಳ್ಳಿಗೆ ಬರುವ ಉದ್ದೇಶ ನಮ್ಮಲ್ಲಿರ ಬೇಕು.

ನಿತ್ಯ ಕಾಡುತ್ತಿರುವ ಕಾರ್ಮಿಕ ಸಮಸ್ಯೆ ಎಂಬ ಭೂತ.................

2010-06-23T20:15:00.001+05:30

ನಾನು ಸ್ವಲ್ಪ ಸ್ವಾಭಿಮಾನಿಯಾದ್ದರಿಂದ ಓದು ಮುಗಿಸಿದ ನಂತರ ಸ್ವಂತ ಉದ್ಯಮ ಪ್ರಾರಂಭಿಸುವ ಉಮೇದಿನಲ್ಲಿ ೧೯೯೮ರಲ್ಲಿ ವಾಟರ್‍ ಸರ್ವೀಸ್ ಮಾಡುವ ಉದ್ಯಮ ತೆರೆದೆ.

ಸ್ವಲ್ಪ ಸಮಯ ಅದು ಚೆನ್ನಾಗಿಯೇ ನೆಡೆಯಿತು. ಕೆಲಸಗಾರ ಬರದಿದ್ದಲ್ಲಿ ನಾನೇ ಗಾಡಿಗಳನ್ನು ತೊಳೆಯಲೂ ಹಿಂಜರಿಯುತ್ತಿರಲಿಲ್ಲ.
ಕ್ರಮೇಣ ೩ ಜನ ಕೆಲಸಗಾರರು , ನಾನು ಮತ್ತು ಅಣ್ಣ ಹಾಗೂ ಹೀಗೂ ನೆಡೆಯುತ್ತಿತ್ತು.
ಅದರ ಜೊತೆಗೆ ಕಡಪಾ, ಗ್ರಾನೈಟ್, ಟೈಲ್ಸ, ಎಣ್ಣೆ ತೆಗೆಯುವ ಗಾಣ, ವೆನಿಲ್ಲಾ ಸಂಘ ಮತ್ತು ಖರೀದಿ ಮಧ್ಯೆ ಪಾರಂಪರಿಕವಾಗಿ ಬಂದ ತೋಟ.......! ತಂತಿಯ ಮೇಲಿನ ನಡಿಗೆಯಲ್ಲಿ ಸರಿದೂಗಿಸಿಕೊಂಡು ಬಂದೆ.

ಆದರೆ ಸುಮಾರು ಒಂದು ವರ್ಷದಿಂದೀಚೆಗೆ ಏನಾಗಿದಯೋ ಗೊತ್ತಿಲ್ಲ ಕೆಲಸಗಾರರು ಚಕ್ಕರ್‍ ಹೊಡೆಯಲು ಶುರು ಮಾಡಿದರು.
ಇತ್ತ ತೋಟದ ಕೆಲಸಕ್ಕೂ ಜನರಿಲ್ಲ, ಪೇಟೆಯಲ್ಲೂ ಕೆಲಸಕ್ಕೆ ಜನರಿಲ್ಲ...!

ಉದ್ಯೋಗ ಖಾತ್ರಿ ಎಂಬ ಸರಕಾರಿ ಪ್ರಹಸನ ಇದಕ್ಕೆ ಒಂದು ಕಾರಣ ಎಂದು ನನ್ನ ಅನಿಸಿಕೆ ಮತ್ತು ದುಡಿಯುವ ವರ್ಗದ ಜನರಲ್ಲಿ ಒಂದು ರೀತಿಯ ಸೋಮಾರಿತನ ಶುರುವಾಗಿದೆ. ಹಳ್ಳಿಗಳಲ್ಲಿ ಬೆಳಿಗ್ಗೆ ೭-೮ ಕ್ಕೆ ಶುರುವಾಗುತ್ತಿದ್ದ ತೋಟದ ಕೆಲಸ ಇಂದು ೧೦-೧೦-೩೦ ಕ್ಕೆ ಬಂದು ನಿಂತಿದೆ. ಒಟ್ಟು ದಿನದ ಕೆಲಸದ ವೇಳೆ ಬರೀ ೪ ಗಂಟೆಗಳು....!

ಸಣ್ಣ ಕೈಗಾರಿಕೆಗಳು ಅವಸಾನದ ಅಂಚಿಗೆ ಬಂದು ನಿಂತಿವೆ. ದಿನೇ ದಿನೇ ಜನಸಂಖ್ಯೆ ಏರುತ್ತಿದ್ದರೂ ಕೆಲಸಕ್ಕೆ ಜನರ ಅಭಾವವಾಗುತ್ತಿರುವುದು ವಿಪರ್ಯಾಸವೇ ಸರಿ.

ಎಲ್ಲರಿಗೂ ದಿಢೀರ್‍ ಹಣ ಮಾಡುವ ಹುಚ್ಚು ತಗುಲಿದೆ. ಅದಕ್ಕೆ ಸಮನಾಗಿ ಎಲ್ಲರೂ ಬೆಂಗಳೂರಿನತ್ತ ಧಾವಿಸುತ್ತಿದ್ದಾರೆ.
ಮೊನ್ನೆ ಪರಿಚಿತರೊಬ್ಬರು ಹೇಳುತ್ತಿದ್ದರು, ಯಾರನ್ನು ಕೇಳಿದರು ಬೆಂಗಳೂರಲ್ಲಿರುವೆ, ಸಂಬಳ ೫೦ ಸಾವಿರ ಹೇಳುತ್ತಾರೆ ಎಂದು..!
ಎಲ್ಲರಿಗೂ ಉತ್ತಮ ಬದುಕು ಬೇಕು, ಕೂಲಿಕಾರ ಹಾಗೆ ದುಡಿಯುತ್ತಲೇ ಸಾಯಬೇಕೆಂದು ನಾನು ಹೇಳಲು ಹೊರಟಿಲ್ಲ ಆದರೆ ಪರಿಶ್ರಮ ಪಡದೇ ಪ್ರತಿಫಲ ಸಿಗಲು ಖಂಡಿತಾ ಸಾಧ್ಯವಿಲ್ಲ.........

ಸರಕಾರಗಳ ಸಣ್ಣ ತಪ್ಪು ನಿರ್ಧಾರಗಳಿಂದ ಸಮಾಜದ ವ್ಯವಸ್ಥೆಗಳ ಬುಡಮೇಲಾಗಬಲ್ಲಂತಹ ಪರಿಣಾಮಗಳಾಗುತ್ತವೆ.

ಮಕ್ಕಳಿಗೆ ಶಾಲೆ, ಅಪ್ಪ, ಅಮ್ಮನಿಗೆ ಹೋಂ ವರ್ಕ್.....!

2010-06-18T19:49:00.001+05:30

ಜೂನ್ ತಿಂಗಳು ಬಂತೆಂದರೆ ಅಪ್ಪ, ಅಮ್ಮ ಬೆಚ್ಚಿ ಬೀಳುವಂತಾಗಿದೆ. ಈಗ ಹಿಂದಿನಂತೆ ಯಾವೂದೋ ಅನಾಮಧೇಯ ಶಾಲೆಗೋ, ಊರಲ್ಲಿರುವ ಸರಕಾರಿ ಶಾಲೆಗೋ( ನಾವೆಲ್ಲ ಓದಿಕೂಚು ಭಟ್ಟರಾಗಿದ್ದು ಅಲ್ಲೇ..! ) ಸೇರಿಸಲು ಯಾರೂ ಒಪ್ಪೋಲ್ಲ..

ಇನ್ನು, ನಮಗೆಲ್ಲ ಮಕ್ಕಳನ್ನು ಚೆನ್ನಾಗಿ ಓದಿಸಿ ಈ ಸ್ಪರ್ಧಾತ್ಮಕ ಪ್ರಪಂಚದಲ್ಲಿ ಬದುಕಲು ಅನುವು ಮಾಡಿಕೊಡುವ ಗುರುತರ ಜವಾಬ್ದಾರಿ ಇರುವುದರಿಂದ ನಾವುಗಳು ಆಂಗ್ಲ ಮಾಧ್ಯಮ ಶಾಲೆಯ ವ್ಯಾಮೋಹಕ್ಕ್ಕೆಒಳಗಾಗಿದ್ದೇವೆ.

ಮಕ್ಕಳಿಗೆ ಹೊರಲಾರದ ಹೋಂ ವರ್ಕ್, ಅಪ್ಪಂದಿರಿಗೆ ಭರಿಸಲಾಗದ ಫೀಸ್, ಡೋನೇಶನ್, ಪುಸ್ತಕ ಕೊಳ್ಳುವ ಹೊರೆ..

ಅಮ್ಮನಿಗೆ ಟ್ಯೂಷನ್ ಹೊರೆ ...! ಇದು ಇಂದಿನ ಶಾಲಾ ದಿನಚರಿ...!

ಪ್ರಕೃತಿ ನಿರ್ಮಿಸಿದ ಕಮಾನು.....

2010-06-15T20:08:00.000+05:30

ಇಳೆಗೆ ಬಿದ್ದ ಮೊದಲ ಮಳೆ..............

2010-04-24T20:50:00.000+05:30

ಕಾರಿರುಳು ಮುಸುಕಿರುವಾಗ

ಬೇಸಿಗೆಯ ಬಿಸಿ ಬೇಗೆಯ

ನಿಟ್ಟುಸಿರಲಿ ಜಗ ಮಲಗಿರುವಾಗ

ಆ ನೀರವ ಮೌನವ ಸೀಳಿ

ಸಿಡಿಲೆರಗಿತ್ತು ಗುಡುಗಿನ

ಹಿಮ್ಮೇಳದಲ್ಲಿ.....

ಆಗ ಬಿತ್ತು ಈ ಬೇಸಿಗೆಯ

ಮೊದಲ ಮಳೆ ಇಳೆಗೆ...

ತಂದಿತು ತಂಪನು ಮೈಮನಕೆ, ಪ್ರಕೃತಿಗೆ.......!

ಸಾಲು ಮರಗಳ ದುರಂತ ಸಾವು.. ... .... ..... ....... . . .

2010-04-23T21:13:00.001+05:30

ಕೆಲವು ವರ್ಷಗಳ ಹಿಂದೆ ನಾವು ಪ್ರಯಾಣಿಸುವಾಗ, ಅಂದರೆ ವಾಹನದಲ್ಲಾಗಲಿ, ನಡೆದುಕೊಂಡಾಗಲಿ, ರಸ್ತೆಯ ಅಕ್ಕ-ಪಕ್ಕದಲ್ಲಿ ಬೃಹದಾಕಾರವಾಗಿ ಬೆಳೆದು ನಿಂತ ಸಾಲು ಮರಗಳು ನಮಗೆ ನೆರಳನ್ನು ಕೊಡುತ್ತಿದ್ದವು ಹಾಗೂ ನಾವು ನೆಡೆದು ಹೋಗುವಾಗ ಒಮ್ಮೆಯಾದರೂ ಮರ ನೆಟ್ಟವರನ್ನು ಸ್ಮರಿಸಿಯೇ ಇರುತ್ತಿದ್ದೆವು.

ಆದರೆ ಇಂದು ನೋಡಿ, ಪ್ರತಿ ಊರಿನಲ್ಲೂ ಅಭಿವೃದ್ಧಿಯ ನೆವದಲ್ಲಿ ಇರುವ ಸಾಲು ಮರಗಳನ್ನು ಕತ್ತರಿಸಿ ಕಾಂಕ್ರೀಟ್ ಕಾಡನ್ನು ಬಳೆಸಲಾಗುತ್ತಿದೆ.

ಪಕ್ಕದಲ್ಲಿರುವ ಫೋಟೋಗಳು ಸಾಗರದ ಜೋಗ ರಸ್ತೆಯಲ್ಲಿರುವ ರೈನ್ ಟ್ರೀ , ಮಳೆ ಮರಗಳ ಚಿತ್ರ. ಅದನ್ನು ಗಮನಿಸಿದರೆ ಗೊತ್ತಾಗುತ್ತದೆ ಅವು ಎಷ್ಟು ಹಳೆಯ ಹಾಗೂ ವಿಶಾಲ ವೃಕ್ಷಗಳೆಂದು....

ನಾನು ಫೋಟೋ ತೆಗೆದ ಸಮಯ ಸುಮಾರು ೧೨ ರ ಬಿರು ಬಿಸಿಲಿನ ಹೊತ್ತು, ನೋಡಿ ಮರಗಳ ಕೆಳಗೆ ಎಂಥಾ ನೆರಳಿದೆ...

ಯಾವ ಕಾಲದಲ್ಲೋ ಯಾವ ಪುಣ್ಯಾತ್ಮನೋ ಸಾಲು ಮರಗಳನ್ನು ನಿಸ್ವಾರ್ಥವಾಗಿ ಬೆಳೆಸಿ ಅಳಿದು ಹೋದ.. ಆದರೆ ನಮ್ಮ ಅಭಿವೃದ್ಧಿಯ ಹುಚ್ಚಿಗೆ ನೂರಾರು ವರ್ಷಗಳಿಂದ ನೆರಳು ಕೊಡುತ್ತಿದ್ದ ಮರಗಳು ಇನ್ನು ಕೆಲವೇ ದಿನಗಳಲ್ಲಿ ನೆಲ ಕಚ್ಚಲಿವೆ.....

ಇದು ಅತ್ಯಂತ ನೋವಿನ ಸಂಗತಿ, ಅದಕ್ಕಾಗಿ ನಿಮ್ಮೊಂದಿಗೆ ಹಂಚಿಕೊಳ್ಳುತ್ತಿದ್ದೇನೆ.

ಹಳ್ಳಿಯಲೊಬ್ಬ ಹವ್ಯಾಸಿ ವೈಮಾನಿಕ.............!

2010-04-19T20:17:00.001+05:30

ನಿಮಗೆಲ್ಲ ಗೊತ್ತಿರುವಂತೆ ನಾನು ಸಾಗರದ ಹತ್ತಿರದ ಹಳ್ಳಿಯ ಕೃಷಿಕ.

ಹಾಗೆ ನನಗೆ ಸಾಗರ ಸುತ್ತ-ಮುತ್ತ ಊರುಗಳಲ್ಲಿ ಸ್ನೇಹಿತರಿದ್ದಾರೆ, ಅವರಲ್ಲಿ ಒಬ್ಬರ ಪರಿಚಯ ಮಾಡಿಕೊಡಲಿದ್ದೇನೆ ಇಂದು.

ಸಾಗರಕ್ಕೆ ತಾಗಿಕೊಂಡಿರುವ ಊರು ಎಳ್ಳಾರೆ. ಅದು ಈಗ ಸಾಗರದ ಒಂದು ಭಾಗವೇ ಆಗಿದೆ ಎಂದು ಹೇಳಬಹುದು.

ಅಲ್ಲಿನ ಕೃಷಿಕ ಕುಟುಂಬದ ಯುವಕ ಶ್ರೀನಿವಾಸ್. ಇವರು ಓದಿದ್ದು ಹಲವು ವರ್ಷಗಳ ಹಿಂದೆ ಏರೋನಾಟಿಕಲ್ ಇಂಜಿನಿಯರಿಂಗ್.

ಹಲವಾರು ಕಾರಣಗಳಿಂದ ಅವರಿಗೆ ಪೈಲಟ್ ಆಗಿ ವೃತ್ತಿಗೆ ಸೇರಲು ಸಾದ್ಯವಾಗಲಿಲ್ಲ. ಮನೆಯಲ್ಲಿ ತೋಟ-ಗದ್ದೆ ವ್ಯವಹಾರ ನೋಡಿಕೊಂಡಿದ್ದರು. ಹಾಗೂ ತಮ್ಮ ಬಿಡುವಿನ ವೇಳೆಯಲ್ಲಿ ಸೆಕೆಂಡ್ ಹ್ಯಾಂಡ್ ಕಾರುಗಳ ಲೇವಾದೇವಿ ಹಾಗೂ ಕಂಪ್ಯೂಟರ್‍ ರಿಪೇರಿ ಮಾಡಿಕೊಡುವುದು ಮಾಡುತ್ತಿದ್ದರು, ಹಾಗೂ ಅವರಿಗೆ ಕಂಪ್ಯೂಟರ್‍ ಸಾಫ್ಟವೇರ್‍ ತಯಾರಿಸಿಕೊಡುವಷ್ಟು ತಜ್ಙತೆಯೂ ಇದೆ.

ಕಳೆದ ವರ್ಷ ಇವರಿಗೆ ಇದ್ದಕ್ಕಿದ್ದಂತೆ ವಿಮಾನ ಖರೀದಿಸಿ ಹಾರಾಡುವ ಬಯಕೆ ಮೂಡಿ, ಹೆಚ್ ಎ ಎಲ್ ಬೆಂಗಳೂರಿನಿಂದ ಸೆಕೆಂಡ್ ಹ್ಯಾಂಡ್ ಮೈಕ್ರೋಲೈಟ್ ವಿಮಾನವನ್ನು ಖರೀದಿಸಿ, ಅದನ್ನು ಅಲ್ಲಿಯೇ ರಿಪೇರಿ ಮಾಡಿಸಿ ಮನೆಗೆ ತಂದರು.

ಆದರೆ ಅದನ್ನು ಹಾರಿಸಲು ಸುಮಾರು ೩೦೦ ಅಡಿಗಳ ರನ್ವೇ ಅಗತ್ಯವಿದೆ, ಅದನ್ನೆಲ್ಲ ಮಾಡಿ ನೋಡಿದರೆ ರನ್ ವೇ ತುದಿಗೆ ವಿದ್ಯುತ್ ಕಂಬ, ತಂತಿ ಹಾದು ಹೋಗಿದ್ದವು. ಅವುಗಳನ್ನೆಲ್ಲ ನಿವಾರಿಸಿ, ಹೆಜ್ಜೆ-ಹೆಜ್ಜೆಗೂ ರೆಡ್ ಟೇಪಿಸಂ ಎದುರಿಸಿ ಕೊನೆಗೂ ಜಿಲ್ಲಾಧಿಕಾರಿಯವರ ಅನುಮತಿಯನ್ನೂ ಪಡೆದು ಈ ವರ್ಷ ವಿಮಾನವನ್ನು ಹಾರಿಸಲು ಪ್ರಾರಂಭಿಸಿದ್ದಾರೆ...

ನಾವೆಲ್ಲ ವಿಮಾನ ಹತ್ತುವುದು-ಹತ್ತಿಸುವುದು ಪೋಲಿಸ್ ಸ್ಟೇಷನ್ಲ್ಲಿ ಮಾತ್ರ ಎಂದುಕೊಂಡ ಕಾಲದಲ್ಲಿ ಇವರು ಹಳ್ಳಿಯಲ್ಲಿ ಹವ್ಯಾಸಕ್ಕಾಗಿ ವಿಮಾನ ಇಟ್ಟ ಮೊದಲ ಸಾಹಸಿಯಾಗಿದ್ದಾರೆ.

ಕಾಡುಕೋಣಗಳ ಜೊತೆ ಮುಖಾಮುಖಿ....!

2010-04-14T20:38:00.000+05:30

ಇವತ್ತು ಬೆಳಿಗ್ಗೆ ವೃತ್ತಿ ಸಂಬಂಧಿ ಕೆಲಸಕ್ಕಾಗಿ ಶಿರಸಿಗೆ ಹೋಗಬೇಕಾಗಿ ಬಂತು.
ಅಲ್ಲಿಂದ ವಾಪಾಸ್ ಮಧ್ಯಾಹ್ನ ೨ ರ ಸುಮಾರಿಗೆ ಘೋರ ಬಿಸಿಲಿನಲ್ಲಿ ಜೀಪಿನಲ್ಲಿ ಸಾಗರಕ್ಕೆ ಪ್ರಯಾಣ ಹೊರಟೆ.

ಶಿರಸಿಯಿಂದ ಕಾನಸೂರು ಸುಮಾರು ೧೫ ಕಿಲೋಮೀಟರ್‍ ದೂರವಿದೆ, ಅದನ್ನು ದಾಟಿ ಮುಂದೆ ಬರುತ್ತಿದ್ದಾಗ ರಸ್ತೆ ಪಕ್ಕ ದನಕರುಗಳು ಮೇಯುತ್ತಿರುವುದು ಕಾಣ ಬಂತು. ಹಾಗಾಗಿ ಸ್ವಲ್ಪ ನಿಧಾನವಾಗಿ ವಾಹನ ಚಾಲಿಸುತ್ತಾ ಪಕ್ಕಕ್ಕೆನೋಡಿದರೆ, ಒಂದು ಎಮ್ಮೆ ಹಿಂಡು ನಿಂತಿತ್ತು.
ದೃಷ್ಟಿಸಿ ನೋಡಿದರೆ '' ಗಮಯನ ಗೋಲೆ"...! ಅಂದರೆ ಕಾಡುಕೋಣಗಳ ಮಂದೆ..! ಏನು ಮಾಡಲಿ ನನ್ನ ಜೊತೆ ಕ್ಯಾಮರಾ ಇಲ್ಲ... ತಕ್ಷಣಕ್ಕೆ ತೋಚಿದಂತೆ ನನ್ನ ಸಾಧಾರಣ ಮೊಬೈಲಿನಿಂದ ಈ ಫೋಟೋಗಳನ್ನು ತೆಗೆದು ನಿಮ್ಮ ಮುಂದೆ ಇಟ್ಟಿದ್ದೇನೆ.

ಕಾಡುಕೋಣಗಳು ಬೆನ್ನೆಟ್ಟಿ ಬರುತ್ತವಂತೆ....! ಆದರೆ ನಾನು ಹಳ್ಳಿ ಹೈದ ನೋಡಿ ನನ್ನ ತಂಟೆಗೆ ಅವು ಬರಲಿಲ್ಲ....!

ಪವರ್‍.............ಪವರ್‍ಕಟ್..................!!!!!!!!!!!!!

2010-04-12T21:02:00.000+05:30

ನಾವು ಯಾವುದೇ ಪತ್ರಿಕೆ ನೋಡಲಿ, ನ್ಯೂಸ್ ಚ್ಯಾನಲ್ ನೋಡಲಿ , ಇವತ್ತಿನ ಪ್ರಮುಖ ಸುದ್ದಿ ಪವರ್‍ ಕಟ್ ವಿಚಾರ...
ಬೇಸಿಗೆಗೂ, ಪವರ್‍ ಕಟ್ ಗೂ ಒಳ್ಳೆ ನಂಟಿದೆ...!
ಇವತ್ತು ನೀರಿದ್ದರೂ ಅದರ ಪೂರೈಕೆಗೆ ವಿದ್ಯುತ್ ತೀರಾ ಅವಶ್ಯಕ.ನಮ್ಮ ಹಿಂದಿನ ಸರ್ಕಾರಗಳ ಬೇಜವ್ದಾರಿ ಆಡಳಿತದಿಂದ ನಾವು ಇವತ್ತು ಪರಿತಪಿಸುವಂತಾಗಿದೆ.
ಜಲ ವಿದ್ಯುತ್ ಅತೀ ಅಗ್ಗದ ವಿದ್ಯುತ್ ಮೂಲ, ಆದರೆ ನೀರಿನ ಲಭ್ಯತೆ ಹಾಗೂ ಅರಣ್ಯ, ಕೃಷಿ ಜಮೀನು ಮುಳುಗಡೆ ಇದರ ಪ್ರಮುಖ ಅನಾನುಕೂಲತೆ ಆಗಿದೆ.
ಇನ್ನು, ಉಷ್ಣ ವಿದ್ಯುತ್ ಸ್ಥಾವರಗಳಿಂದ ಅಗಾಧ ಪ್ರಮಾಣದ ಹೊಗೆ ಹಾಗೂ ಹಾರು ಬೂದಿ ಉತ್ಪತ್ತಿಯಾಗುವುದರಿಂದ ಜನ ವಿರೋಧಿ ಉದ್ಯಮವಾಗಿದೆ. ಇನ್ನು ಅಣು ವಿದ್ಯುತ್ ಸ್ಥಾವರಗಳಿಗೂ ಪರಿಸರವಾದಿಗಳ ವಿರೋದ ಇದ್ದೇ ಇದೆ.
ಆದರೆ ಈ ಎಲ್ಲ ಯೋಜನೆಗಳ ಪರ-ವಿರೋಧಿಗಳಿಗೂ ಅತೀ ಅವಶ್ಯಕವಾಗಿ ವಿದ್ಯುತ್ ಬೇಕೇ ಬೇಕು...!
ಆದರೇ ಇಂದಿನ ವಿದ್ಯುತ್ ಅವಶ್ಯಕತೆಗೂ, ಲಭ್ಯತೆಗೂ ಅಗಾಧ ಅಂತರವಿದೆ.
ಅಸಂಪ್ರದಾಯಿಕ ವಿದ್ಯುತ್ ಮೂಲಗಳಲ್ಲಿ ನಾವು ಪ್ರಮುಖವಾಗಿ ಗಮನಿಸಬಹುದಾದವುಗಳೆಂದರೆ, ಸೂರ್ಯ ಮತ್ತು ಗಾಳಿಯಿಂದ ತಯಾರಿಸಬಹುದಾದ ವಿದ್ಯುತ್.
ವಿಪರ್ಯಾಸವೆಂದರೆ ಅತೀ ನಿರ್ಲಕ್ಷಿತವಾದ ಕ್ಷೇತ್ರ ಸಹ ಇವೇ ಆಗಿವೆ. ಒಮ್ಮೆ ಬಂಡವಾಳ ಹೂಡಿದರೆ ೩೦-೪೦ ವರ್ಷಗಳ ಕಾಲ ನಿರಂತರವಾಗಿ ಹೊಸ ವೆಚ್ಚ ಇಲ್ಲದೇ ವಿದ್ಯುತ್ ಪಡೆಯಬಹುದಾದ ಮೂಲಗಳು ಇವು.
ಜನ ಸಾಮಾನ್ಯರ ಸೋಲಾರ್‍ ನೀರುಕಾಯಿಸುವ ಸಾಧನಗಳನ್ನು ಅಳವಡಿಸುವುದರಿಂದ ಅಪಾರ ವಿದ್ಯುತ್/ ಉರುವಲನ್ನು ಉಳಿಸಬಹುದು- ಇದರಿಂದ ನಾವು ಅಗಾಧ ಅರಣ್ಯ ನಾಶವನ್ನು ಮತ್ತು ಇವತ್ತಿನ ಚರ್ಚಾ ವಿಷಯವಾಗಿರುವ ಗ್ಲೋಬಲ್ ವಾರ್ಮಿಂಗ್ ತಡೆಗಟ್ಟಲು ನಮ್ಮ ಕಾಣಿಕೆ ಕೊಟ್ಟಂತಾಗುತ್ತದೆ.
ಹಾಗೆಯೇ ಸಣ್ಣ ಪ್ರಮಾಣದ ಸೋಲಾರ್‍ ವಿದ್ಯುತ್ವಾಹಕಗಳನ್ನು ಮನೆಗಳಿಗೆ ಅಳವಡಿಸಿ ವಿದ್ಯುತ್ ಸ್ವಾವಲಂಬಿಗಳಾಗಿ ವಿದ್ಯುತ್
ಕ್ಷಾಮದಿಂದ ಪಾರಾಗಲು ಶ್ರಮಿಸೋಣ.
ಆದರೇ, ಗಾಳಿ ಮತ್ತು ಸೋಲಾರ್‍ ವಿದ್ಯುತ್ ದುಬಾರಿಯಾಗಿರುವದರಿಂದ ಸರ್ಕಾರಗಳು ಸ್ವಲ್ಪ ಪ್ರಮಾಣದ ಸಹಾಯಧನ ನೀಡಿ ಜನ-ಸಾಮಾನ್ಯರನ್ನು ಉತೇಜಿಸುವುದು ಒಳ್ಳೆಯದೆಂಬುದು ನನ್ನ ಅನಿಸಿಕೆ.

Call Me Anytime............

2010-04-06T20:27:00.001+05:30

ಮೇಲಿನ ಬರಹ ನನಗೆ ಬಂದ ಒಂದು ಸುಂದರ ಇ - ಅಂಚೆಯ ಯಥಾ ನಕಲು.................. ನೀವೂ ಆನಂದಿಸಿರಿ

ಒಂದು ಮುಂಜಾವಿನ ಪೂರ್ವ...ಪಶ್ಛಿಮ.

2010-03-28T18:42:00.000+05:30

ಶಿಥಿಲಗೊಳ್ಳುತ್ತಿರುವ ಸಂಬಂಧಗಳು... ಯಾಂತ್ರಿಕವಾಗಿರುವ ಹಬ್ಬಗಳು... .....

2010-03-15T20:23:00.001+05:30

ನಮ್ಮ ಹಿಂದೂಗಳಲ್ಲಿ ಹಬ್ಬಗಳ ಸಾಲು.. ಸಾಲೇ ಇದೆ. ಬಹುಶ: ಯುಗಾದಿ ನಮ್ಮ ಹಬ್ಬಗಳ ಸರಣಿಯಲ್ಲಿ ಕೊನೆಯದು.
ಆದರೆ ನಮ್ಮ ಪ್ರಕಾರ ನಮ್ಮ ಹೊಸ ವರ್ಷದ ಪ್ರಾರಂಭ ಯುಗಾದಿಯಿಂದಲೇ, ಆದರೆ ಇಂದಿನ ಬಹಳ ಜನರಿಗೆ ಇದರ ಅರಿವಿರಲಾರದೇನೋ....!
ಯಾಕೆಂದರೆ ಅವರ ಹೊಸ ವರ್ಷ ಆರಂಭವಾಗುವುದು ಜನವರಿ ೧ ರಿಂದ. ಮೊದಲು ಹಬ್ಬವೆಂದರೆ ಏನೋ ಸಂಭ್ರಮ ನಮ್ಮ ಮನೆ , ಮನಗಳಲ್ಲಿ ಆವರಿಸುತ್ತಿತ್ತು. ಆದರೆ ಈಗ ಹಬ್ಬಗಳು ಬಂದು ಹೋದರೂ ಅದರ ಅರಿವಾಗುವುದೇ ಕಷ್ಟವಾಗಿದೆ.
ಹಬ್ಬಕ್ಕೆ ೧೫ ದಿನಗಳ ಮೊದಲೇ ತಯಾರಿ ಆರಂಭವಾಗುತ್ತಿತ್ತು.

ನಮ್ಮ ಹವ್ಯಕರಲ್ಲಿ ನಾವು ನಡೆಸಿಕೊಂಡು ಬಂದ ಒಂದು ವಿಶಿಷ್ಟ ಆಚರಣೆ ಎಂದರೇ, ಪ್ರತಿ ಹಬ್ಬಕ್ಕೂ ಅಕ್ಕ, ತಂಗಿಯರ ಮನೆಗೆ ತಪ್ಪದೇ ಹೋಗಿ ಹಬ್ಬಕ್ಕೆ ಬನ್ನಿ ಎಂದು ಕರೆದು ಬರುವುದು. ಇದನ್ನು ನಮ್ಮ ಕುಟುಂಬದಲ್ಲಿ ಎಷ್ಟು ಹಿಂದಿನಿಂದ ಎಂದರೇ, ನಮ್ಮ ತಂದೆಯ ಅಕ್ಕನಿಗೆ ಮದುವೆಯಾಗಿ ಬಹುಷ: ೬೦ ವರ್ಷಗಳಾಗಿರಬಹುದು.. ಇನ್ನೂ ಇದನ್ನು ತಪ್ಪದೇ ನಡೆಸಿಕೊಂಡು
ಬಂದಿದ್ದೇವೆ.

ಇದನ್ನೆಲ್ಲ ಬಹುಷ: ಹಿಂದಿನವರು ಮಾಡಿರಲು ಒಂದು ಕಾರಣವಿದೆ, ಏಕೆಂದರೇ ಆ ಕಾಲದಲ್ಲಿ ಊರಿಂದೂರಿಗೆ ಪ್ರಯಾಣ ತುಂಬಾ ಪ್ರಯಾಸಕರವಾಗಿತ್ತು ಮತ್ತು ಯಾವುದೇ ಸಂದೇಶ ಕಳುಹಿಸುವುದೂ ಕಷ್ಟಸಾಧ್ಯವಾಗಿತ್ತು.
ಈ ಹಬ್ಬ ಕರೆಯುವ ನೆಪದಲ್ಲಿ ಮಗಳ/ ಅಕ್ಕ-ತಂಗಿಯರ ಮನೆಗೆ ಭೇಟಿಕೊಟ್ಟು ಅವರ ಕಷ್ಟ-ಸುಖ ಅರಿಯಲು ಸಾಧ್ಯವಾಗುವ ಒಂದು ಸಂದರ್ಭವನ್ನು ಇದು ಸೃಷ್ಟಿಮಾಡಿಕೊಡುತ್ತಿತ್ತು.

ಹಾಗೂ ನಮ್ಮ ಬಿಡುವಿಲ್ಲದ ಬದುಕಿಗೆ ಒಂದು ವಿರಾಮದ ಆಯಾಮವೂ ಇದಾಗಿತ್ತು. ಆದರೆ ಇಂದೇನಾಗಿದೇ?!
ಕರೆಯುವವರಿಗೆ ಬಂದು ಕರೆಯಲು ಬಿಡುವಿಲ್ಲ... ಕರದೇ ಬಿಟ್ಟರು.. ನಮಗೆ ಅವರ ಆಹ್ವಾನ ಮನ್ನಿಸಲು ಬಿಡುವಿಲ್ಲ.. ಬಿಡುವಿದ್ದರೂ
ಹೋಗಿ ಬರಲು ಸೋಮಾರಿತನ ಮತ್ತೇನೋ......
ಹಬ್ಬ ಹರಿದಿನಗಳ ಶುಭಾಶಯಗಳನ್ನು ನಾವೀಗ ಈಮೈಲ್- ಎಸ್ಮೆಮ್ಮೆಸ್ ಗಳಲ್ಲೆ ಮುಗಿಸುವ ಆತುರದಲ್ಲಿದ್ದೇವೆ.

ಹಾಗಾಗಿ ನಮ್ಮ ಸಂಬಂಧಗಳ ಕೊಂಡಿ ಪೂರ್ತಿ ಕಳಚಿಕೊಳ್ಳುವ ಮುನ್ನ ನಾವುಗಳು ಎಚ್ಚೆತ್ತು ಹಬ್ಬಗಳನ್ನು ಬಿಡುವಿನಿಂದ, ಅಕ್ಕತಂಗಿಯರ ಜೊತೆ- ಬಂಧುಗಳ ಜೊತೆ ಅರ್ಥಪೂರ್ಣವಾಗಿ ಆಚರಿಸುವ ಬಗ್ಗೆ ಯೋಚಿಸ ಬೇಕಲ್ಲವೇ...?

ಯುಗ-ಯುಗಾದಿ ಕಳೆದರೂ ಮರಳಿ-ಮರಳಿ ಬರುತಿದೆ, ಹೊಸವರುಷಕೆ ಹೊಸ ಹರುಷವ ಹೊಸತು-ಹೊಸತು ತರುತಿದೆ.......! (ಬೇಂದ್ರೆಯವರ ನೆನಪಿಂದ)
ಓದುಗರೆಲ್ಲರಿಗೂ ಯುಗಾದಿಯ ಶುಭಾಶಯಗಳು.

ಮಗುವಿನ ಪ್ರಾಮಾಣಿಕತೆಯೂ.. ಶಿಕ್ಷಕರ.......... ! ! ! ! !

2010-03-06T20:39:00.000+05:30

ನನ್ನ ಮಗಳು ಹತ್ತಿರದ ಶಹರದಲ್ಲಿ ನಾಲ್ಕನೇ ತರಗತಿ ಓದುತ್ತಿದ್ದಾಳೆ.
ಎರಡು ದಿನಗಳ ಹಿಂದೆ , ಶಾಲೆಯಿಂದ ಮನೆಗೆ ಬಂದವಳು ಅಮ್ಮ, ನನಗೆ ಈ ದಿನ ಶಾಲೆಯ ಆವರಣದಲ್ಲಿ ೧೦೦೦ ರೂಪಾಯಿ ಸಿಕ್ಕಿತ್ತು ಎಂದು ತಿಳಿಸಿದ್ದಾಳೆ. ಅದಕ್ಕೆ ತಾಯಿ ಅದನ್ನು ಏನು ಮಾಡಿದೆ ? ಎಂದು ಪ್ರಶ್ನಿಸಿದಾಗ, ಮಗು ಅದನ್ನು ಶಾಲೆಯ ವ್ಯಾಯಮ ಶಿಕ್ಷಕರಿಗೆ ಕೊಟ್ಟಿರುವುದಾಗಿ ತಿಳಿಸಿದ್ದಾಳೆ.
ನನಗೆ ವಿಷಯ ತಿಳಿದು, ಮರುದಿನ ಶಿಕ್ಷಕರನ್ನು ವಿಚಾರಿಸಲು ತಿಳಿಸಿದೆ. ಸಂಜೆ ಮಗಳನ್ನು ಕೇಳಿದಾಗ, ಅವರು ಅದನ್ನು ತಾವೇ ಇಟ್ಟುಕೊಂಡಿರುವುದಾಗಿ ತಿಳಿಸಿದರಂತೆ...!
ಇಲ್ಲಿ ನೋಡಿ ಮಗುವಿನ ಪ್ರಾಮಾಣಿಕತೆಗೆ ಒಂದು ಪ್ರಶಂಸೆಯ ಮಾತೂ ಇಲ್ಲ...! ಕಳೆದುಕೊಂಡವರಿಗೆ ತಲುಪಿಸುವ ಪ್ರಯತ್ನವೂ ಇಲ್ಲ...! ಮಗುವಿಗಿರುವ ಬುದ್ದಿಯೂ ಶಿಕ್ಕಕರಿಗಿಲ್ಲದೇ ಹೋದ ಬಗ್ಗೆ ವಿಷಾದವಾಯ್ತು.
ಮಕ್ಕಳ ಮನಸ್ಸಿನಲ್ಲಿ ಶಿಕ್ಷಕರ ಬಗ್ಗೆ ಏನು ಅಭಿಪ್ರಾಯ ಮೂಡಬಹುದು????????? ನನಗೆ ಉತ್ತರ ಸಿಕ್ಕದ ಪ್ರಶ್ನೆಯಾಗಿದೆ.
ಶಿಕ್ಷಕರ ದಿನಾಚರಣೆ ಮಾಡುವ ನಾಡಿನಲ್ಲಿ ಎಂಥಾ ಶಿಕ್ಷಕರು....! ! ! ! !

Result of Love Marriage!

2010-02-19T19:45:00.003+05:30

Result of Love Marriage!

It's ALWAYS the kids that suffer!!

His Name is Zonkey!!!!

ಹವ್ಯಕ ಸಮಾಜದಲ್ಲಿನ ವಧುಗಳ ಕೊರತೆ ಹಾಗೂ ಅದರ ದೀರ್ಘಕಾಲೀನ ಪರಿಣಾಮಗಳು- ಒಂದು ಅನಿಸಿಕೆ

2010-02-11T20:30:00.002+05:30

ನಾನು ಒಬ್ಬ ಹವ್ಯಕ, ಹಾಗೆ ಹೇಳಿಕೊಳ್ಳಲು ಹೆಮ್ಮೆಪಡುತ್ತೇನೆ. ಹಾಗಂತ ನನಗೆ ಬೇರೆ ಜಾತಿ- ಜನಾಂಗಗಳ ಬಗ್ಗೆ ದ್ವೇಷ ಅಸೂಯೆ ಏನೂ ಇಲ್ಲ.
ಮೊನ್ನೆ ಭಾನುವಾರದಿನ ನನಗೆ ಮೂರು ಮದುವೆಗಳಿಗೆ ಆಮಂತ್ರಣವಿತ್ತು. ವಧುಗಳೆಲ್ಲ ಅಪ್ಪಟ ಹವ್ಯಕರು, ಆದರೆ ವರಗಳಲ್ಲಿ, ಒಬ್ಬ ರೆಡ್ಡಿ, ಒಬ್ಬ ಚೌಧರಿ, ಇನ್ನೊಬ್ಬ ಮದ್ರಾಸಿ.
ನನ್ನ ಸುತ್ತ-ಮುತ್ತ ಹಲವು ಹಳ್ಳಿಗಳಲ್ಲಿ ಮದುವೆಆಗದೇ ಇರುವ ನೂರಾರು ಹವ್ಯಕ ಯುವಕರು ಇದ್ದಾರೆ. ಅವರಿಗೆ ಯಾಕೆ ಮದುವೆಯಾಗಿಲ್ಲವೆಂದರೆ, ಹಳ್ಳಿಗಳಲ್ಲಿ ಬಂದು ನೆಲೆಸಲು ಯಾವ ಹೆಣ್ಣು ಮಕ್ಕಳೂ ತಯಾರಿಲ್ಲ.......
ಸ್ವಲ್ಲ ಯೋಚಿಸಿ, ಎಲ್ಲರಿಗೂ ಅವರ ಜಾತಿ - ಮತಗಳ ಬಗ್ಗೆ ಅದಮ್ಯ ಅಭಿಮಾನ ಇರುತ್ತದೆ. ಅದಕ್ಕೆ ಹೊರತಾಗಿ ಕಾಣುತ್ತಿದೆ ನನ್ನ ಹವ್ಯಕ ಸಮಾಜ.. I P L ನಲ್ಲಿ ಪಾಕಿಸ್ತಾನಿಯರಿಗೆ ಜಾಗ ಸಿಗಲಿಲ್ಲ ಎಂದು ಒಬ್ಬ ಶಾರೂಕ್ ಭಾರತದಲ್ಲಿ ಕೂಗುತ್ತಾನೆ....
ಆದರೆ ನಮ್ಮ ಸಮಾಜದ ಯುವಕರನ್ನೂ ನಾವೆ ಕಡೆಗಣಿಸುತ್ತೀದ್ದೇವೆಂದು ನಮಗೆ ಅನಿಸದೇ ಇರುವುದು ಹವ್ಯಕ ಸಮಾಜದ ದುರಂತವೆನಿಸುತ್ತಿದೆ.
ನಮ್ಮ ಹೆಣ್ಣು ಮಕ್ಕಳಿಗೆ ಆಯ್ಕೆ ಮಾಡಿಕೊಳ್ಳಲು ನಮ್ಮಲ್ಲಿ ಸಾಕಷ್ಟು ಓದಿರುವ, ಉತ್ತಮ ಉದ್ಯೋಗದಲ್ಲಿರುವ ಯುವಕರು ಸಿಗುತ್ತಿಲ್ಲವೇ ? ಇದೊಂದು ಯಕ್ಷ ಪ್ರಶ್ನೆ.......
ಈ ರೀತಿಯ ವಿವಾಹಗಳ ಬಾಳಿಕೆ ಎಷ್ಟು? ಈಗಾಗಲೇ ಹಲವರು ಸಾಕಷ್ಟು ವಂಚಿತರಾಗಿದ್ದಾರೆ. ಹಾಗೂ ಇದರಿಂದ ಆಗುವ ಮುಂದಿನ ಪರಿಣಾಮಗಳು ನಮ್ಮ ಹವ್ಯಕ ಸಮಾಜದ ಅವನತಿಗೆ ಕಾರಣವಾಗಿ ಮುಂದೊಂದು ದಿನ ಈಗಾಗಲೇ ಅಲ್ಪಸಂಖ್ಯಾತರಾಗಿರುವ ನಾವು ಅಳಿದು ಹೋಗಬಹುದು.
ಮನುಷ್ಯನಿಗೆ ಯಾವಾಗಲೂ ಆಯ್ಕೆ ಸ್ವಾತಂತ್ಯ್ರ ಇದೆ. ಆದರೆ ನಮ್ಮಲ್ನಿನ ಗಂಡುಮಕ್ಕಳು ಇದರ ದುರುಪಯೋಗಕ್ಕೆ ಹೋಗದಿರುವುದು ಆಶ್ಚರ್ಯವಾದರೂ ಸತ್ಯ ಹಾಗೂ ಹೆಮ್ಮೆಯ ಸಂಗತಿ.ಹಾಂ ಇಷ್ಟೆಲ್ಲ ಬರೆದರೂ ನನ್ನ ತಂಗಿ ಹೇಳುವಂತೆ
" ಅವರವರ ಭಾವಕ್ಕೆ " ಬಿಡುವುದು ಒಳಿತು.....

ಉದ್ಯೋಗ ಖಾತ್ರಿ ಎಂಬ ಕೇಂದ್ರ ಸರಕಾರದ ಯೋಜನೆಯ ಪ್ರತ್ಯಕ್ಷ ಅನುಭವ.....

2010-01-27T20:48:00.000+05:30

ಉದ್ಯೋಗ ಖಾತ್ರಿ ಎಂಬ ಸರಕಾರಿ ಯೋಜನೆ ಇರುವ ಬಗ್ಗೆ ಹಾಗೂ ಅದರ ಆಗು - ಹೋಗುಗಳ ಬಗ್ಗೆ ಬರೀ ಓದಿದ್ದೆ ಮತ್ತು ಕೇಳಿದ್ದೆ.
ಮೊನ್ನೆ ಇದ್ದಕ್ಕಿದ್ದಂತೆ ಸದರಿ ಯೋಜನೆಯ ಸ್ಥಳೀಯ ಉಸ್ತುವಾರಿ ವಹಿಸಿದ್ದ ಯುವಕ ನನ್ನನ್ನು ದಾರಿಯಲ್ಲಿ ನಿಲ್ಲಿಸಿ, ನಿಮ್ಮ ಮನೆಯ ರಸ್ತೆ ರಿಪೇರಿಗೆ ನಾಳೆ ಜನ ಕಳುಹಿಸುವೆ ಎಂದ. ಊರಿನ ಮುಖ್ಯ ರಸ್ತೆಯಿಂದ ನಮ್ಮ ಮನೆ ಸುಮಾರು ೫೦೦ ಮೀಟರ್‍ ದೂರ ಇದೆ. ಅದು ನಮ್ಮ ಮನೆಗೆ ಮಾತ್ರ ಸಂಪರ್ಕಿಸುವ ರಸ್ತೆಯಾದ್ದರಿಂದ ಸಾಮಾನ್ಯವಾಗಿ ಆದರ ನಿರ್ವಹಣೆ ನಾವೇ ಮಾಡಿಕೊಳ್ಳುತ್ತೇವೆ.
ಈ ಬಾರಿ ಇದು ಸರಕಾರದಿಂದ ಆಗುವುದೆಂದು ಸಂತಸಪಟ್ಟೆ. ಮಂಗಳವಾರ ನಿಗದಿತ ದಿನ ಸುಮಾರು ೭೫ ಜನರ ಗುಂಪು ೧೦-೩೦ ರ ಸುಮಾರಿಗೆ ಆಗಮಿಸಿ ಕೆಲಸಕ್ಕೆ ತೊಡಗಿದರು. ಅವರಲ್ಲಿ ಅರೆವಾಸಿ ಜನರು ೫೫-೬೦ ವರ್ಷಕ್ಕಿಂತ ಹೆಚ್ಚಿನ ವಯೋಮಾನದವರು. ಒಟ್ಟು ೫೦೦ ಮೀಟರ್‍ ರಸ್ತೆಯ ಚರಂಡಿ ಎತ್ತಿ ೧-೩೦- ರ ಸುಮಾರಿಗೆ ಅಂದಿನ ಕೆಲಸ ಮುಕ್ತಾಯ ಮಾಡಿ ಹೋದರು. ಇಲ್ಲಿ ಗಮನಿಸಿ ಆದನ್ನು ಸಾಧಾರಣ ಯಾವುದೇ ೫-೬ ಜನರು ಒಂದು ದಿನದಲ್ಲಿ ಮಾಡುವ ಕೆಲಸ ಸರಕಾರಿ ಲೆಖ್ಖದಲ್ಲಿ ೭೫ ಜನರಿಂದ ಸುಮಾರು ೭೫೦೦ ರೂಪಾಯಿ ವೆಚ್ಚದಲ್ಲಿ ಆಗಿತ್ತು.
ನಾನು ಪ್ರತಿವರ್ಷ ೩೫೦ ರೂಪಾಯಿ ಖರ್ಚು ಮಾಡುವ ಕೆಲಸ ೭೫೦೦ ರೂಪಾಯಗೆ ಏರಿತ್ತು...!
ಉದ್ಯೋಗ ಖಾತ್ರಿ ಯೋಜನೆ ಮಾಡಿದ್ದು ತಪ್ಪಲ್ಲ, ಆದರೇ ಈಗ ಆಗುತ್ತಿರುವುದೇ ಬೇರೆ. ಕೇವಲ ೩ - ಯಾ ೪ ತಾಸು ಗುದ್ದಲಿ ಹಿಡಿದು ಓಡಾಡಿದರೆ ೧೦೦ ದೊರೆಯುವದರಿಂದ ಹಳ್ಳಿಗಳ ಎಲ್ಲಾ ಕೃಷಿ ಕಾರ್ಮಿಕರು ಈ ಯೋಜನೆಯ ಹಾದಿ ಹಿಡಿದಿದ್ದಾರೆ ಹಾಗೂ ಇದರ ಪ್ರಭಾವ ಈ ವರ್ಷವೇ ಕೃಷಿವಲಯದ ಮೇಲೆ ಪರಿಣಾಮ ಬೀರುವುದು ಶತ:ಸಿದ್ಧ. ಬೇರೆಯವರು ಬೆವರು ಸುರಿಸಿ ಗಳಿಸಿದ ಹಣವನ್ನು ತೆರಿಗೆ ರೂಪದಲ್ಲಿ ಸಂಗ್ರಹಿಸಿ, ಕೇವಲ ಓಟಿಗಾಗಿ ಈ ರೀತಿಯ ರಾಜಕಾರಣ ಮಾಡಿ ದೇಶವನ್ನು ೧೦೦ ವರ್ಷ ಹಿಂದೆ ತಳ್ಳುತ್ತಿದ್ದಾರೆ ಈ ದೇಶದ ರಾಜಕಾರಣಿಗಳು.

ಲವಂಗ-ಬೆಳೆಯುವಲ್ಲಿ ಹಲ ವರ್ಷಗಳ ಪರಿಶ್ರಮದ ಫಲ

2010-01-21T20:49:00.001+05:30

ನಾವು ಅಡಿಕೆ ಬೆಳಗಾರರು ಸಾಂಪ್ರದಾಯಿಕವಾಗಿ ನಮ್ಮ ತೋಟಗಳಲ್ಲಿ ಉಪಬೆಳೆಯಾಗಿ ಬಾಳೆ, ಏಲಕ್ಕಿ, ಕಾಳು ಮೆಣಸು. ಹಾಗೂ ಒಮ್ಮೆ ಕೋಕೋ ಬೆಳೆಯುತ್ತಿದ್ದೆವು.
ಸುಮಾರು ೧೨-೧೫ ವರ್ಷಗಳ ಹಿಂದೆ ನಮ್ಮ ಕುಟುಂಬದಲ್ಲಿ ಲವಂಗವನ್ನು ಮುಖ್ಯ ಬೆಳೆಯ ಲೆಖ್ಖದಲ್ಲಿ ನಾಟಿ ಮಾಡಿದೆವು.
ಅದು ಈಗ ಫಲ ನೀಡುತ್ತಿದೆ. ಬಹುಷ: ಇನ್ನೂ ೩-೪ ವರ್ಷಗಳಲ್ಲಿ ನಮ್ಮ ಅಡಿಕೆ ಬೆಳೆಯ ಉತ್ಪತ್ತಿಗಿಂತ ಅಧಿಕ ಆದಾಯ ಲವಂಗದಿಂದಲೇ ಬರಬಹುದು.

ಬದುಕಿನಲ್ಲಿ ಕಳೆದುಕೊಳ್ಳುವ-- ಕಳೆದುಹೋಗುವ ಭಯ.......

2010-01-21T20:38:00.000+05:30

ನಾವು ಬದುಕಿನಲ್ಲಿ ದಿನವೂ ಕಳೆದುಕೊಳ್ಳುವ- ಕಳೆದು ಹೋಗುವ ಭಯದಲ್ಲೇ ಬದುಕುತ್ತೇವೆ..! ಇದಕ್ಕೆ ಯಾರೂ ಹೊರತಾಗಿಲ್ಲ ಎಂದು ನನ್ನ ಭಾವನೆ. ಯಾರಾದರೂ ಹೊರತಾಗಿದ್ದೇನೆಂದರೆ ಅವರ ಸುಳ್ಳು ಹೇಳುತ್ತಿದ್ದಾರೆಂದು ಹೇಳಬಹುದು.
ಈ ಬದುಕಲ್ಲಿ ನಾವು ಕಳೆದುಕೊಳ್ಳದೇ ಇರುವ ಸಂಪತ್ತೆಂದರೆ ನಾವು ಗಳಿಸಿದ ವಿದ್ಯೆ ಒಂದೇ. ಅದು ನಾವು ಬದುಕಿರುವವರೆಗೂ ಉಪಯೋಗಕ್ಕೆ ಬರುವ ಏಕಮಾತ್ರ ಜೊತೆಗಾರ.
ನಾವು ಹಣ- ಕೀರ್ತಿ ಆಸ್ತಿ ಎಲ್ಲಾ ಅಪರಿಮಿತವಾಗಿ ಗಳಿಸಬಹುದು ಆದರೆ ಯಾವುದೂ ಶಾಶ್ವತವೆಂದು ಭಾವಿಸಲಾಗದು.
ಆಪರಿಮಿತ ಗೆಳೆಯರನ್ನು ಗಳಿಸಬಹುದು... ಆದರೆ ಅವರ ನಮ್ಮ ಕೊನೆಯತನಕ ಜೊತೆಯಾದಾರೆಂದು ಭಾವಿಸಲಾಗದು.. ಯಾಕೋ ಏನೋ ಹಲವರು ತಮ್ಮಷ್ಟಕ್ಕೆ ತಾವೇ ಅಗಲಿ ಹೋಗುವರು

ಇದೆಲ್ಲಾ ನೋಡಿದರೆ ಯಾವುದು ಸತ್ಯೆ- ಯಾವುದು ಮಿಥ್ಯೆ ಒಂದೂ ತಿಳಿಯುವುದಿಲ್ಲಾ. ಗೆಳಯರೆ ಸಾಧ್ಯವಿದ್ದಷ್ಡು ಜ್ಙಾನಾರ್ಜನೆ ಮಾಡೋಣ, ಆದೇ ನಮ್ಮನ್ನು ಕೊನೆತನಕ ಕಾಯುವುದು......

ಯಮ್ಮನೆ ಹೆಗ್ಗಣವೇ ಮುದ್ದು.. ನನ್ನ ಗೆಳತಿಯ ಪರಿಕಲ್ಪನೆ...!

2010-01-15T20:31:00.005+05:30

ನುಸಿ ಪೀಡೆ ಬಂದ ತೆಂಗಿನಕಾಯಿ ಒಡೆಯಲು ಸುಲಭ ಸಾಧನ..

2010-01-15T11:59:00.001+05:30

ಇತ್ತೀಚೆಗಿನ ವರ್ಷಗಳಲ್ಲಿ ತೆಂಗಿನ ಬೆಳೆಗೆ ನುಸಿ ಪೀಡೆ ರೋಗದಿಂದಾಗಿ, ತೆಂಗಿನಕಾಯಿ ಕೆಡವುವ ಮುನ್ನವೇ ನೀರು ಆರಿರುತ್ತದೆ, ಇಂತಹ ತೆಂಗಿನಕಾಯಿ ಚಿಕ್ಕದಾಗಿ ತಿರುಚಿದಂತಿದ್ದು, ಕೈಯಿಂದ ಸುಲಿಯುವುದು ತುಂಬಾ ತ್ರಾಸದಾಯಕವಾಗಿರುತ್ತದೆ.

ಹಲವರು ಇದನ್ನು ಕೊಡಲಿಯಿಂದ ಕತ್ತರಿಸಲು ಹೋಗಿ ಕೈ-ಕಾಲಿಗೆ ಗಾಯವಾಗಿರುವುದೂ ಉಂಟು. ಇದನ್ನು ಸುಲಭ ಸಾಧ್ಯವಾಗಿಸಲು ಮಾರ್ಗೋಪಾಯಗಳನ್ನು ಹುಡುಕಿದಾಗ ಮಂಕಾಳೆಯ ಗೆಳೆಯರೊಬ್ಬರು ಅನುಸರಿಸುತ್ತಿದ್ದ ಉಪಾಯವನ್ನು ನೋಡಿ ನಾವು ಅಳವಡಿಸಿಕೊಂಡೆವು. ಇದು ವಾಹನದ ಬ್ಲೇಡಿನಿಂದ ತಯಾರಿಸಿದ ಮಚ್ಚಿನಂತಹ ಸಾಧನ, ಇದನ್ನು ನೆಲಕ್ಕೆ ಕಾಂಕ್ರೀಟಿನಿಂದ ಭದ್ರಪಡಿಸಲಾಗಿದೆ ಹಾಗೂ ಹಾರೆಯನ್ನು ಇದಕ್ಕೆ ಸಿಕ್ಕಿಸಿ- ಸನ್ನೆಯಂತೆ ಉಪಯೋಗಿಸಿದರೆ ಇಬ್ಬರ ಶ್ರಮದಿಂದ ಪ್ರತಿ ಗಂಟೆಗೆ ಸುಮಾರು ೨೫೦-೩೦೦ ತೆಂಗಿಕಾಯಿಗಳನ್ನು ಸುಲಭವಾಗಿ ಕತ್ತರಿಸಬಹುದು. ಇದನ್ನು ತಯಾರಿಸಲು ಸುಮಾರು ೬೦೦ ರೂ ವೆಚ್ಚವಾಗಬಹುದು.

ಸಾವಯವ ಬೆಳೆಗಾರರ ಮತ್ತು ವ್ಯಾಪಾರಿಗಳ ಸಂವಾದ: ಹೊಂಬಳ, ಗದಗ .. ಭಾಗ ೨

2010-01-10T17:03:00.001+05:30

ನಿನ್ನೆ ಬರೆದ ವಿಷಯ ಸಂಕ್ಷಿಪ್ತವಾಗಿತ್ತು, ಸ್ವಲ್ಪ ವಿವರವಾಗಿ ಹೇಳಲು ಪ್ರಯತ್ನಿಸುವೆ.
ಸಾವಯವ ಬೆಳೆಗಳನ್ನು, ಅಂದರೆ ನಮ್ಮ ಭೂಮಿಯಲ್ಲಿ ಸಾವಯವ ರೀತಿಯಲ್ಲಿ ಬೆಳೆದಿದ್ದೇವೆ ಎಂಬ ಬಗ್ಗೆ ನಾವು ಧೃಢೀಕರಣ ಪಡೆದಿದ್ದರೆ ಮಾತ್ರ ನಮ್ಮ ವಸ್ತು ಸಾವಯವ ಎಂದು ಪರಿಗಣಿಸುತ್ತಾರೆ.
ಆದರೆ ಈ ಧ್ಢೃಢೀಕರಣ ಪಡೆಯಲು ೩ ವರ್ಷ ಕಾಲ ಕಾಯ ಬೇಕಾಗುತ್ತದೆ, ಹಾಗೂ ನಂತರ ನಮ್ಮ ಜಮೀನಿಗೆ ಅವರು ಒಂದು ಸಂಕೇತವನ್ನು ಕೊಟ್ಟು ಅದರಿಂದ ನಮ್ಮನ್ನು ಗುರುತಿಸುತ್ತಾರೆ.
ಮೊನ್ನೆಯ ಸಭೆಯಲ್ಲಿ ಹಲವರು ಧೃಢೀಕರಣದ ಹಾದಿಯಲ್ಲಿ ಇದ್ದರು, ಕೆಲವರು ತಾವು ಪ್ರಾಮಾಣಿಕ ಸಾವಯವ ಪದ್ದತಿ ಅನುಸರಿಸುವುದಾಗಿ ಹೇಳಿದರು. ಆದರೆ ನಾವು ಯಾವುದೇ ಸಾವಯವ ವಸ್ತುವನ್ನು ಹೊರದೇಶಕ್ಕೆ ರಫ್ತು ಮಾಡುವದಾದರೆ ಅಂಗೀಕೃತ ಕಂಪೆನಿಯಿಂದ ಧ್ರಢೀಕರಣ ಪಡೆಯುವುದು ಅನಿವಾರ್ಯ.
ಆದರೆ, ಸಾವಯವ ಪದ್ದತಿ ಎಂಬುದು ಸಂಪೂರ್ಣ ವಾಗಿ ನಂಬಿಕೆ ಹಾಗೂ ರೈತರ ಪ್ರಾಮಾಣಿಕತೆಯ ಮೇಲೆ ಅವಲಂಬಿತವಾದ ವಿಷಯವಾಗಿದೆ ಹಾಗೂ ಬೈಫ್ ಸಂಸ್ಥೆ ತಿಪಟೂರು ಇದರ ಉಪಾಧ್ಯಕ್ಷರಾದ ಜಿ.ಎನ್ನೆಸ್ ರೆಡ್ಡಿಯವರು ತಮ್ಮ ಕಿರು ಭಾಷಣದಲ್ಲಿ ತಾವು ಸಾವಯವ ಧೃಢೀಕರಣ ತಮ್ಮ ಸಂಸ್ಥೆಯ ಸಹಯೋಗಲ್ಲಿ ರೈತರಿಗೆ ಮಾಡುತ್ತಿದ್ದು, ತಾವು ಈ ಸಾವಯವ ಅನುಸರಿಸುವ ಬಗ್ಗೆ ಧೈರ್ಯವಾಗಿ ಹೇಳಲು ಅಸಹಾಯಕ ಎಂದು ಹೇಳಿದರು.
ಇಂದು ಸಾವಯವ ವಸ್ತುಗಳನ್ನು ಬೆಳೆಯುವದು ಹಾಗೂ ಉಪಯೋಗಿಸುವದು ಒಂದು ಫ್ಯಾಷನ್ ಎಂದು ನನ್ನ ಅನಿಸಿಕೆ.
ವಿಪರ್ಯಾಸ ಎಂದರೆ ನಾನೂ ಒಬ್ಬ ಪ್ರಾಮಾಣಿಕ ಸಾವಯವ ರೈತ......!

ಸಾವಯವ ಬೆಳೆಗಾರರ ಮತ್ತು ವ್ಯಾಪಾರಿಗಳ ಸಂವಾದ: ಹೊಂಬಳ, ಗದಗ

2010-01-09T20:47:00.001+05:30

ಕಳೆದ ಭಾನುವಾರ ಗದಗ ಜಿಲ್ಲೆ, ಹೊಂಬಳದ ಆರ್‍ ಎಸ್ ಪಾಟೀಲರು, ಸಾವಯವ ವಸ್ತುಗಳ ಮಾರಾಟದ ಪ್ರಯತ್ನವಾಗಿ , ಸಾವಯವ ಬೆಳೆಗಾರರು ಮತ್ತು ವ್ಯಾಪಾರಿಗಳ ಸಭೆ ಕರೆದಿದ್ದರು. ಅದಕ್ಕಾಗಿ, ನಮ್ಮ ಸಾಗರ ಸಂಘದ ಪರವಾಗಿ ನಾನು ಮತ್ತು ಶಿರಸಿಯ ನನ್ನ ಸ್ನೇಹಿತರು ಅಲ್ಲಿಗೆ ಹೋಗಿದ್ದೆವು.

ಅಲ್ಲಿನ ಹಲವಾರು ಬೆಳೆಗಾರರು, ತವು ಬೇಳೆಯುವ ಧಾನ್ಯಗಳು , ಕಾಳುಕಡಿ ಇತ್ಯಾದಿ ಆಹಾರ ವಸ್ತುಗಳೊಂದಿಗೆ ಬಂದಿದ್ದರು.

ನಾವು ಕೂಡ, ಒಣ ಬಾಳೆಹಣ್ಣು, ಲವಂಗ, ಏಲಕ್ಕಿ, ದಾಲ್ಚೀನಿ, ಕಾಳುಮೆಣಸು, ಕೋಕಂ ಜ್ಯೂಸ್, ನೆಲ್ಲಿ ಪಾನಕ. ಆರಿಷಿಣ ಪುಡಿ, ಕೊಬ್ಬರಿ ಎಣ್ಣೆ, ಒಣಗಿಸಿದ ಹಲಸಿನ ಹಣ್ಣು, ಸಾವಯವ ಕೆಂಪು ಅಕ್ಕಿ ಇಷ್ಟು ಪದಾರ್ಥಗಳೊಂದಿಗೆ ಹೋಗಿದ್ದೆವು.

ಒಟ್ಟಾರೆ ಫಲಿತಾಂಶ, ಇನ್ನು ಮುಂದೆ ನೋಡಬೇಕಾಗಿದೆ. ಅಲ್ಲಿಗೆ ಸ್ಯಾಪಿ ನ್ಯಚುರಾ ಎಂಬ ಮುಂಬಯಿಯ ಕಂಪೆನಿ ಪ್ರತಿನಿಧಿಕೂಡ ಬಂದಿದ್ದರು.

ಮೇಲ್ಕಂಡ ವಸ್ತುಗಳ ಅವಶ್ಯಕತೆಗಳಿಗಾಗಿ ಸಂಪರ್ಕಿಸಿ

ಈ ಬ್ಲಾಗನ್ನು.....!!!!!!!

ಅಂದ ಹಾಗೆ ಮೇಲಿನ ಫೋಟೋ, ಶಂಕರಲಿಂಗ ದೇವಸ್ಥಾನ ಹೊಂಬಳದ ಗೋಪುರದ್ದು, ಇತ್ತೀಚೆಗೆ ಎಲ್ಲಾಕಡೆ ಸಿಮೆಂಟಿನ ಗೋಪುರ ಮಾಡುತ್ತಿದ್ದಾರೆ, ಆದರೆ ಇದು ಸಂಪೂರ್ಣ ಕಲ್ಲಿನದು.

ನವಿಲು....

2010-01-06T21:14:00.000+05:30

ಗೆಳೆಯ ವಸಂತ್, ಮೊನ್ನೆ ನಿಮ್ಮ ಮನೆ ಹತ್ತಿರ ನವಿಲು ಬಂದರೆ ಫೋಟೋ ಬ್ಲಾಗ್ಗೆ ಹಾಕಿ ಹೇಳಿದ್ದರು, ಮರು ದಿನ ಮುಂಜಾನೆಯೇ ನಮ್ಮ ಮನೆ ಅಂಗಳದಲ್ಲಿ ನವಿಲು.... ನೋಡಿ...!!!!

ಮುಸ್ಲಿಂ ಲವ್ ಜಿಹಾದ್ ಮತ್ತು ಸ್ವಯಂ ಘೋಷಿತ ಬುದ್ದಿಜೀವಿ ಜಾತ್ಯಾತೀತವಾದಿಗಳ ಪ್ರಲಾಪಗಳು....

2009-12-21T20:29:00.001+05:30

ಇತ್ತೀಚೆಗೆ ದಿನಪತ್ರಿಕೆಗಳಲ್ಲಿ ಮುಸ್ಲಿಂ ಲವ್ ಜಿಹಾದ್ ಬಗ್ಗೆ ಪ್ರತಿ ದಿನ ಓದುತ್ತಿದ್ದೇವೆ.
ಪ್ರೇಮ ವಿವಾಹಗಳು ಬಹುಶ: ಮಾನವ ವಿಕಾಸವಾದಂದಿನಿಂದ ಬೆಳೆದು ಬಂದಿದೆಯಾದರೂ ಆಧುನಿಕ ಸಮಾಜದಲ್ಲಿ ಅದರ ಸಂಖ್ಯೆಹೆಚ್ಚಿದೆ.
ಮೊನ್ನೆ ತೀರ್ಥಹಳ್ಳಿಯಲ್ಲಿ ಒಂದು ಹಿಂದೂ ಹುಡುಗಿ, ಮುಸ್ಲಿಂ ಹುಡುಗನನ್ನು ಮದುವೆಯಾದ ವರದಿ ಓದಿದೆ. ಅದರ ಪ್ರಕಾರ ಮದುವೆಗೆ ಮುನ್ನ ಸಹನಾಳನ್ನು ಸುಹಾನ ಎಂದು ನಾಮಕರಣ ಮಾಡಿ ಮುಸ್ಲಿಂಳಾಗಿ ಪರಿವರ್ತನೆ ಮಾಡಿ , ನಂತರ ನಿಖಾ ಮಾಡಲಾಯಿತಂತೆ.
ಇಲ್ಲಿ ನನ್ನನ್ನು ಮುಖ್ಯವಾಗಿ ಕಾಡುವ ವಿಷಯವೆನೇಂದ್ರೆ, ಪ್ರೇಮ ವಿವಾಹಕ್ಕೂ ಮತಾಂತರಕ್ಕೂ ಇರುವ ವ್ಯತ್ಯಾಸ. ಮತಾಂತರವಾಗದೇ ಪ್ರೇಮ ಫಲಿಸುವುದಿಲ್ಲವೇ?
ಹಿಂದೂ ಹೆಣ್ಣು ಮಕ್ಕಳು ಮುಸ್ಲಿಂ ಆಗಿ ಮತಾಂತರ ಆದ ನಂತರ ಎದುರಿಸುವ ಮೊದಲ ಕಟ್ಟಳೆ ಬುರ್ಖಾ ಧರಿಸುವುದು. ನಮ್ಮ ಆಚಾರ ವಿಚಾರಗಳಿಗೂ ಅವರ ವಿಚಾರಗಳಿಗೂ ಇಮಾಮ ಸಾಬಿ ಗೋಕುಲಾಷ್ಥಮಿಗೂ ಇರುವ ಅಂತರವಿದೆ.
ಮತ್ತು ಗಮನಿಸಿ ಪ್ರತಿ ಮುಸ್ಲಿಂನೂ ಹುಡುಗಿಯನ್ನು ಕರೆದೊಯ್ದು ಅಡಗುವುದು ಕೇರಳದ ನಿರ್ದಿಷ್ಟ ಊರೊಂದರಲ್ಲಿ. ಇದೆನ್ನೆಲ್ಲ್ಲಾ ಗಮನಿಸಿದರೆ ಇದರ ಹಿಂದೆ ಸಹಜ ಪ್ರೇಮವಲ್ಲದೇ ಬೇರೇನೋ ಇರುವ ಶಂಕೆ ಬರುತ್ತದೆ.
ಆದರೆ ನಮ್ಮ ಹಿಂದೂಗಳಲ್ಲಿ ಇರುವ ಒಗ್ಗಟ್ಟಿನ ಕೊರತೆಯನ್ನು ಅವರು ದುರುಪಯೋಗ ಪಡಿಸಿಕೊಳ್ಳತಿದ್ದಾರೆ, ಅದರ ಮಧ್ಯೆ ನಿನ್ನೆ ಚೇತನಾ ತೀರ್ಥಹಳ್ಳಿಯವರ ಬ್ಲಾಗ್ ಓದಿದೆ, ಅವರ ಪ್ರಕಾರ ಲವ್ ಹಿಂದೂ ಇತ್ತು ಈಗಲೂ ಇದೆ, ಆದರೆ ಭಜರಂಗಿಗಳು ಮತ್ತು ಚಡ್ಡಿಗಳು ವಿಪರೀತ ಅರ್ಥ ಕಲ್ಪಿಸಿ ಅವಾಂತರ ಎಬ್ಬಿಸುತ್ತಿದ್ದಾರೆ. ಆದರೆ ಇದು ನಾವು ತಡವಾಗಿಯಾದರು ಎಚ್ಚೆತ್ತುಕೊಳ್ಳಲು ಸಕಾಲ ಎಂದು ನನ್ನ ಭಾವನೆ. ನಾವು ಈ ರೀತಿಯಾ ಲವ್ ಜಿಹಾದ್ ಗಳ ಬಗ್ಗೆ , ಅಂತರ ಧರ್ಮ ಲವ್ ಗಳ ಬಗ್ಗೆ ಆಂದೋಲನ ಮಾಡುವ ಪರಿಸ್ಥತಿ ಉದ್ಭವಿಸಿದೆ.
ಈ ಎಲ್ಲಾ ಪ್ರಕರಣಗಳಲ್ಲಿ ಹೆಣ್ಣು ಮಕ್ಕಳ ವಯಸ್ಸು ಬರೀ ೧೬ ರಿಂದ ೨೧ . ಇನ್ನೂ ಮಾನಸಿಕ ದೃಡತೇ ಬರದೇ ಇರುವ ವಯಸ್ಸು ಇದು.

ಒಗ್ಗಟ್ಟಿನಲ್ಲಿ ಬಲವಿದೆ..ಗೆಲುವಿದೆ........!

2009-12-08T20:14:00.000+05:30

ಕೃಷಿಕರೆಲ್ಲ ಈ ವರ್ಷ ಸುಗ್ಗಿ ಮಾಡಲು ಜನರ ಅಭಾವದಿಂದ ತತ್ತರಿಸುವಂತಾಗಿದೆ.
ಒಮ್ಮೆಲೆ ಹೀಗಾಗಲು ಕಾರಣ ತಿಳಿಯುತ್ತಿಲ್ಲ, ಉದ್ಯೋಗ ಖಾತ್ರಿ, ಕಡಿಮೆ ಬೆಲೆಗೆ ರೇಷನ್,
ಹಳ್ಳಿಗಳಿಂದ ಪೇಟೆಗೆ ವಲಸೆ ಇವುಗಳೆಲ್ಲದರ ಫಲಶ್ರುತಿ ಕೃಷಿಕ್ಷೇತ್ರದ ಮೇಲೆ ಪರಿಣಾಮ ಬೀರಿದೆ ಎಂಬುದು ನನ್ನ ಅನಿಸಿಕೆ.
ನಮ್ಮದು ಕೃಷಿ ಕೂಡು ಕುಟುಂಬ, ಕೆಲಸಗಾರರ ಅಭಾವ ನಮಗೂ ತಟ್ಟಿದೆಯಾದರೂ,
ಮನೆಯ ಸದಸ್ಯರೆಲ್ಲಾ ಕೂಡಿ ಹರ ಸಾಹಸದಿಂದ ಈ ವರ್ಷದ ಸುಗ್ಗಿ ಮಾಡಲು ಶ್ರಮಿಸುತ್ತಿದ್ದೇವೆ.
ಪ್ರತಿ ವರ್ಷಕ್ಕಿಂತಾ ಈ ವರ್ಷದ ಸುಗ್ಗಿ ಸ್ವಲ್ಲ ಶ್ರಮದಾಯಕವಾದರೂ ಕೂಡ ನಮ್ಮದು ಅವಿಭಕ್ತ ಕುಟುಂಬವಾದ್ದರಿಂದ ಕೆಲಸ ಹಂಚಿ ಹೋಗಿ ಸುಲಭವಾಯ್ತೆಂಬುದು ನನ್ನ ಭಾವನೆ.
ಈಗ ನಮ್ಮ ಹಳ್ಳಿಗಳಲ್ಲೂ ಕೂಡ ಬರೀ ಗಂಡ ಹೆಂಡತಿ, ಮಗುವಿನ ಚಿಕ್ಕ ಚೊಕ್ಕ ನ್ಯೂಕ್ಲಿಯರ್‍ ಸಂಸಾರಗಳೇ ಅಧಿಕ.
ಕೂಡಿ ಬಾಳಿದರೆ ಸ್ವರ್ಗ ಎಂಬ ನಾಣ್ಣುಡಿ ಈ ಸುಗ್ಗಿಯ ಕಾಲದಲ್ಲಾದರು ನೆನಪಿಸಿಕೊಳ್ಳುವಂತಾಗಿರುವುದು ಹಳ್ಳಿಗರ ದೌರ್ಭಾಗ್ಯವೇ ಸರಿ.......

ನನ್ನ ಸೆಲ್ ಫೋನ್ ಮಾಡಿದ ಅವಾಂತರ...........!!!!!!!!!!!!

2009-11-26T21:11:00.003+05:30

ನನಗೆ ಸೆಲ್ ಫೋನ್ ಹುಚ್ಚು ಬಹಳ ಇಲ್ಲವಾದರೂ ಮೊದಲ ಫೋನ್ ಹಳೆಯದಾಗಿ, ಹಾಳಾದ ಮೇಲೆ ಅನಿವಾರ್ಯವಾಗಿ ಬದಲಾಯಿಸಿದೆ.

ಹೊಸ ಫೋನ್, ಸಾಕಷ್ಟು ಉತ್ತಮ ಮಾದರಿಯದಾಗಿತ್ತು. ಎಲ್ಲವನ್ನು ಟ್ರಯಲ್ ಎರರ್‍ ಮಾಡಿ ಕಲಿತೆ.

ಅದರಲ್ಲಿ ಸಂದೇಶ ಕಳಿಸುವ ಮೆನುವಿನಲ್ಲಿ ಒಂದು ಆಯ್ಕೆ, ಎಸ್‌ಓಎಸ್ ಮೆಸೇಜಿಂಗ್. ಅಂದರೆ ಯಾವುದಾದರು ಅತೀ ಅನಿವಾರ್ಯ ಸಂದರ್ಭದಲ್ಲಿ ನಿಮ್ಮ ಗೆಳೆಯರಿಗೆ ತುರ್ತು ಸಂದೇಶ ಕಳಿಸುವ ವ್ಯವಸ್ತೆ.

ನಾನು ಉತ್ಸಹದಿಂದ ನನ್ನ ಸೋದರಿ ಮತ್ತು ನನ್ನ ಗೆಳೆಯನ ಸೆಲ್ ನಂಬರ್‍ ಅದರಲ್ಲಿ ಬರೆದು ಮರೆತು ಬಿಟ್ಟೆ.

ಆದರೆ ಮೊನ್ನೆ ಅನಿರೀಕ್ಷಿತವಾಗಿ ಶನಿವಾರ ಸಂಜೆ ನನ್ನ ಸೋದರಿ ಕರೆ ಮಾಡಿ ನಿನಗೆ ಏನು ತೊಂದರೆಯಾಗಿದೆ? ಎಂದು ಕೇಳಿದಾಗ ನನಗೆ ಎರಡು ರೀತಿಯ ಆಶ್ಚರ್ಯವಾಯ್ತು. ಏಕೆಂದರೆ ಆಕೆ ಹಲವಾರು ದಿನಗಳಿಂದ ನನ್ನೊಂದಿಗೆ ಏಕೋಮುನಿಸಿಕೊಂಡು ಮಾತು -ಕಥೆ ಎಲ್ಲಾ ಬಂದ್ ಆಗಿತ್ತು.

ಆಮೇಲೆ ತಿಳಿದು ಬಂದಿದ್ದು, ನನ್ನ ಸೆಲ್ ನಿಂದ ಬಂದ ಹೆಲ್ಪ್ ಮೀ , ನಾನು ತೊಂದರೆಯಲ್ಲಿದ್ದೇನೆ, ತಕ್ಷಣ ಕರೆ ಮಾಡಿ ಎಂಬ

ಸಂದೇಶ ಓದಿ ಮನ ಕರಗಿ ಆಕೆ ಕರೆ ಮಾಡಿದ್ದಳಂತೆ..!

ನಾನು ಆಕೆಗೆ ಆ ಥರದ ಯಾವುದೇ ಸಂದೇಶ ಕಳಿಸಿಲ್ಲವೆಂದು ಸಾರಿ ಸಾರಿ ಹೇಳಿದೆ.

ಆದರೂ ನನ್ನೊಳಗೆ ಇದು ಹೇಗಾಯ್ತು ಎಂಬ ಚಿಂತೆ ಶುರುವಾಗಿ ಫೋನ್ ಸೆಟ್ಟಿಂಗ್ಸ್ ಎಲ್ಲ ನೋಡಿದಾಗ ಗೊತ್ತಾಯ್ತು,

ಆ ಎಮರ್‍ಜೆನ್ಸಿ ಕರೆ ಹೋಗಲು ವಾಲ್ಯೂಂ ಕೀ ನಾಲ್ಕು ಬಾರಿ ಪ್ರೆಸ್ ಮಾಡಬೇಕು ಎಂದು...!

ಆ ಸಂಜೆ ಒಂದಾದ ಮೇಲೊಂದು ಕರೆ ಬರುವಾಗ ಕೈಯಲ್ಲಿ ಫೋನ್ ಇತ್ತು ಮತ್ತು ಬೆರಳುಗಳ ಮಂಗಚೇಷ್ಟೆ ಇಂದ ಆ ರೀತಿ ಆಗಿದೆ ಎಂದು...!

ಆದರೆ ನನ್ನ ತಂಗಿಯಿಂದ ನಾನು ಇನ್ನೂ ದೂರ ಹೋಗುವಂತೆ ಆಗಿದೆ ಮತ್ತು ಆಕೆ ನನ್ನ ಮಾತು ನಂಬುವ ಸ್ಥಿತಿಯಲ್ಲೂ ಇಲ್ಲ..!

ಬಹುಶ: ನಿಜವಾಗಲೂ ನಾನು ತೊಂದರೆಗೀಡಾದರೂ ಆಕೆ ಆ ವಿಚಾರ ನಂಬಲಾರಳು......

ಗೆಳೆಯರೆ ಆಧುನಿಕ ಉಪಕರಣಗಳಿಂದಾ ಯಾವ ರೀತಿ ಪೇಚಾಟ ಆಗುತ್ತೆ ನೋಡಿದಿರಾ...?

hindumane.blogspot.com: ಅಮೃತಧಾರೆ....

2009-11-20T20:10:00.000+05:30

hindumane.blogspot.com: ಅಮೃತಧಾರೆ....

ಅಮೃತಧಾರೆ....

2009-11-20T19:37:00.002+05:30

ದೇವತೆಗಳು, ದಾನವರು
ಅಮರತ್ವಕ್ಕಾಗಿ ಕಡೆದರು ಕಡಲನ್ನು,

ಹಾಲಾಹಲದ ನಂತರ

ದೇವತೆಗಳಿಗೆ ದೊರೆಯಿತು ಅಮೃತವು...

ಬೇಡ ಎನಗೆ ಅಮೃತವೂ ಅಮರತ್ವವೂ

ಸಾಕೆನಗೆ ಬರೀ ಸ್ನೇಹ ಪ್ರೀತಿ ಈ ಜನ್ಮದಲ್ಲಿ.
ಹಾಗಾಗಿ ಸ್ನೇಹದ ಕಡಲ ಕಡೆಯುತ

ಕಾಯುತ್ತಿರುವೆ ತೇಲಿ ಬರುವ ಆ " ಅಮೃತ" ಧಾರೆಗಾಗಿ.........

ನಾವೂ ಅನಾಥರು... ಒಮ್ಮೊಮ್ಮೆ................................................................

2009-11-07T20:03:00.000+05:30

ದೀಪಾವಳಿ ಮೊನ್ನೆ ಮೊನ್ನೆ ಮುಗಯಿತಲ್ಲ... ಅದರ ೨ ದಿನಗಳ ಮೊದಲು ಸುಮಾರು ೧೨-೧ ಘಂಟೆ ಮಧ್ಯಾಹ್ನದ ಹೊತ್ತು ನನ್ನ ಅಂಗಡಿಯಲ್ಲಿ ಕುಳಿತ್ತಿದ್ದೆ. ಒಬ್ಬ ಸುಮಾರು ೨೫-೩೦ರ ವಯಸ್ಸಿನ ಯುವಕ ಬಂದು ನನ್ನೆದುರು ನಿಂತ. ನಾನು ಸ್ವಾಭಾವಿಕವಾಗಿ ಏನು ? ಎಂದೆ.
ನಾನು ಶಿವಮೊಗ್ಗದಿಂದ ಕಾರವಾರ ಹೋಗುವಾಗ , ನಿನ್ನೆ ರಾತ್ರಿ ಸಾಗರದಲ್ಲಿ ಎಲ್ಲವನ್ನು ಕಳೆದುಕೊಂಡಿದ್ದೇನೆ ಈಗ ಕನಿಷ್ಡ ಹೊನ್ನಾವರ ಹೋಗಲು ಬಸ್ ಖರ್ಚಿಗೆ ಹಣ ಬೇಕು ಎಂದು ಹೇಳಿದ.
ನಾನು ಸ್ವಲ್ಲ ಕರುಣಾಳು ಆದರು ಕೂಡ ಆರೋಗ್ಯವಂತರಿಗೆ ಎನೂ ಕೊಡುವ ರಿವಾಜು ಇಟ್ಟುಕೊಂಡಿಲ್ಲ. ಆದರೂ ಹಬ್ಬದ ಎದುರು ನೋಡಿ...! ಸ್ವಲ್ಲ ದಯೆ ಬಂತು..!
ಹೊನ್ನಾವರ ಬಸ್ ಇದೆಯಾ ನೋಡು , ಇದ್ದರೆ ಬರ್ಸ ಚಾರ್ಜ್ ನಾನು ಕೊಡುತ್ತೇನೆಂದು ಹೇಳಿ, ಅಲ್ಲೆ ಬಂದ ನನ್ನ ಗೆಳೆಯನ ವಾಹನದಲ್ಲಿ ಕಳುಹಿಸಿದೆ.
ಹಿಂದಿನ ನನ್ನ ಅನುಭವಗಳ ಪ್ರಕಾರ ಬಸ್ ಟಿಕೇಟ್ ತೆಗೆಸುತ್ತೇನೆ ಎಂದರೆ ಆಸಾಮಿಗಳು ಪರಾರಿಯಾಗುತ್ತಿದ್ದರು, ಆದರೆ ಈ ಸಾರಿ
ಹತ್ತೇ ನಿಮಿಷಗಳಲ್ಲಿ ಆತ ಮರಳಿ ಬಂದು ೨-೩೦ಕ್ಕೆ ಬಸ್ ಇರುವುದಾಗಿ ಹೇಳಿದ. ನಾನು ಕೂಡ ನನ್ನ ಮಾತಿನಂತೆ ಬಸ್ ನಿಲ್ದಾಣಕ್ಕೆ ಆತನನ್ನು ಕರೆದೊಯ್ದು, ಟಿಕೇಟ್ ತೆಗಿಸಿ, ಆತನಿಗೆ ೧೦ ರೂ ಖರ್ಚಿಗೆ ಇಟ್ಟು ಬಂದೆ.
ಇದೆಲ್ಲ ಯಾಕೆ ಹೇಳತ್ತಾ ಇದ್ದೇನೆಂದ್ರೆ, ನಾವುಗಳು ಪರ ಊರಲ್ಲಿ ಎಲ್ಲ ಕಳೆದುಕಂಡರೆ ನಮ್ಮ ಗತಿ ಏನಾಗಬಹುದು?
ದೇವರೇ ಗತಿ. ಅವನಲ್ಲಿ ೧ ರೂ ಕೂಡ ಇರಲಿಲ್ಲ ಹಾಗೂ ಸೆಲ್ ಫೋನ್ ಕೂಡ ಕಳೆದುಕೊಂಡಿದ್ದ.....

ಸೋದರಿಗೊಂದು ಆತ್ಮ ನಿವೇದನಾ ಪತ್ರ..............

2009-10-28T20:35:00.001+05:30

ಪ್ರಿಯ ಸೋದರಿ,

ನಮ್ಮ ಪರಿಚಯ ಪಕ್ವವಾಗುತ್ತಿರುವ ಸಮಯದಲ್ಲಿ ದಿಢೀರನೆ ಹೀಗೆ ನಮ್ಮ ಸ್ನೇಹ ಭಾಂಧವ್ಯ

ಅಂತ್ಯಗೊಳ್ಳಬಹುದೆಂಬ ಕಲ್ಪನೇ ನನಗಿರಲಿಲ್ಲ.

ನೀವು ದೇವರು ಕೊಟ್ಟ ಸೋದರಿ ಎಂದು ಸಂತಸಗೊಂಡಿದ್ದೆ.

ಮೊನ್ನೆ ನೀವು ದೀಪಾವಳಿಗೆ ಹೊರಡುವ ಹಿಂದಿನ ದಿನ ನಿಮ್ಮನ್ನು ಹಬ್ಬಕ್ಕೆ ಬರಲು ಆಹ್ವಾನಿಸಿದ್ದಾಗ

ಕೂಡನೀವು ನನ್ನೊಂದಿಗೆ ಸಹಜವಾಗಿದ್ದಿರಿ....

ಇಂಟರ್‍ನೆಟ್ನಲ್ಲಿ ಪರಿಚಯವಾದಾಗಿನಿಂದ ಒಡಹುಟ್ಟಿದ ಸೋದರಿಯಂತೆ ನಿಮ್ಮನ್ನು ಭಾವಿಸಿದ್ದೆ. ದಿನ,

ಎರಡು ದಿನಗಳಿಗೊಮ್ಮೆ ನಿಮ್ಮ ವಿಷಯ

ತಿಳಿಯದಿದ್ದರೆ ಚಡಪಡಿಕೆ ಶುರುವಾಗುತ್ತಿತ್ತು.

ಆದರೆ ಇದು ಒಮ್ಮುಖ ಎಂಬ ಭಾವನೆಯ ಸುಳಿವೂ ನನಗೆ ತಿಳಿಯದಂತೆ ವ್ಯವಹರಿಸುತ್ತೀದ್ದಿರೆಂದು

ತಿಳಿಯುವ ವೇಳೆಗೆ ತುಂಬಾ ಕಾಲ ಮಿಂಚಿತ್ತು.

ನನ್ನ ಸಂದೇಶಗಳಿಗೆ ಪ್ರತ್ಯ್ತುತ್ತರ ಇಲ್ಲದೇ ಹೋದಾಗ ಕಳವಳಗೊಂಡುಕರೆ ಮಾಡಿದಾಗ ನೀವು ಸ್ವೀಕರಿಸಲಿಲ್ಲ,...

ಇದು ಮನಸ್ಸಿಗೆ ತುಂಬಾ ಆಘಾತವುಂಟು ಮಾಡಿತು.

ಮರಳಿ ಮರುದಿನ ಸಂಜೆ ಕರೆ ಮಾಡಿದಾಗ ಆಮೇಲೆ ಕರೆ ಮಾಡುವೆನೆಂದು ತಿಳಿಸಿ ಸ್ವಲ್ಪ ಹೊತ್ತಿನಲ್ಲಿ

ಇಂಟರ್‍ನೆಟ್ಗೆ ಬರಲು ತಿಳಿಸಿದಿರಿ. ಅದರಂತೆ ಲಾಗಿನ್ ಆದಾಗ,

ಏನು ಎತ್ತ ಎಂಬ ವಿವರಣೆ ಇಲ್ಲದೇ ಬರೀ ನನ್ನ ಮರೆತು ಬಿಡು ಎಂಬ ಪಲ್ಲವಿ-ಅನುಪಲ್ಲವಿಯೊಡನೆ

ನಮ್ಮ ಪವಿತ್ರ ಸಂಬಂಧ ಕೊನೆಗೊಳಿಸುವ ಮಾತಿನೊಂದಿಗೆ ಸಂಪರ್ಕ

ಕಡಿತಗೊಳಿಸಿದಿರಿ.

ಸುಮಾರು ಒಂದೂವರೆ ವರ್ಷದ ಸ್ನೇಹ , ಸೋದರ ಸಂಬಂಧ ಈ ರೀತಿ ಪರ್ಯವಸನಗೊಳ್ಳುವದೆಂಬ

ಕಲ್ಪನೆ ನನಗೆ ಬರಲಿಲ್ಲ.

ನಮ್ಮ ಪರಿಚಯದಲ್ಲಿ ನಾನೆಂದೂ ಸೀಮಾರೇಖೆ ಮೀರಿ ನೆಡೆದುಕೊಂಡಿರಲಿಲ್ಲ, ಅಲ್ಲವೇ?

ನನ್ನಂಥ ಭಾವನಾ ಜೀವಿಗಳು ಇಂದಿನ ಞಟಿ -ಬಿಟಿ ಯುಗಕ್ಕೆ ಅಪ್ರಸ್ತುತರೆಂದು ನಿರೂಪಿಸುವ ನಿಮ್ಮ ಪ್ರಯತ್ನ

ಯಶಸ್ವಿಯಾದಂತೆ ತೋರುತ್ತಿದೆ...

ನನ್ನ ಯಾವ ತಪ್ಪಿಗೆ ನೀವು ನಮ್ಮ ಸಂಬಂಧ ಕಡಿದುಕೊಳ್ಳುವ ಮಾತಾಡುತ್ತಿರುವಿರೆಂದು ನನಗೆ ತಿಳಿಯುತ್ತಿಲ್ಲ.......

ಭಾರತದಲ್ಲಿನ ಪುರಾತನ ನಂಬಿಕೆ ಎಂದರೆ ಪುನರ್‍ಜನ್ಮದ್ದು, ನಿಮಗೆ ಇದು ಹಾಸ್ಯಾಸ್ಪದ ಎನ್ನಿಸಿದರೂ

ಚಿಂತೆಯಿಲ್ಲ, ನೀವು ಮುಂದಿನ ಜನ್ಮದಲ್ಲಾದರೂ ನನ್ನ ತಂಗಿಯಾಗಿಹುಟ್ಟಿ ಬರಲಿ ಎಂದು ಆಶಿಸುತ್ತೇನೆ.

ಆ ಸ್ಥಾನ ನಿಮಗಾಗಿ ನನ್ನ ಮನದಲ್ಲಿ ಯಾವಾಗಲೂ ಇರುತ್ತದೆ.

ಅಗಲುವಿಕೆಯ ದು:ಖ ಮನದಲ್ಲಿ ಮಡುಗಟ್ಟಿದೆಯಾದರೂ ನೀವು ಮರಳಿ ಬರುವಿರೆಂಬ

ನಿರೀಕ್ಷೆಯಲ್ಲಿರುವ,

ನಿಮ್ಮೊಲುಮೆಯ ಅಣ್ಣ.. ( ನಿಮ್ಮ ಕರೆಯ ನಿರೀಕ್ಷೆಯಲ್ಲಿ..)

ಜಿತೇಂದ್ರ

ದೀಪಾವಳಿ... ದೊಡ್ಡ ಹಬ್ಬ.....

2009-10-19T12:31:00.000+05:30

ದೀಪಾವಳಿ ಎಂದರೆ ಎಲ್ಲರಿಗೂ ಸಂಭ್ರಮ ತರುವ ಹಬ್ಬ.
ಮಳೆಗಾಲ ಮುಗಿದು ಸುಗ್ಗಿಯ ಮಂದಹಾಸವನ್ನು ಹೊತ್ತು ಮನೆ ಮನಗಳನ್ನು ಬೇಳಗಲು ಬರುವ ಬೆಳಕಿನ ಹಬ್ಬ.

ಇದು ಹೆಚ್ಚಾಗಿ ಕೃಷಿಕರು, ತಮ್ಮ ಪಶು-ಕರು ಗಳನ್ನು ಪೂಜಿಸುವ, ವಣಿಕರು, ವ್ಯಾಪಾರಿಗಳು ಲಕ್ಷ್ಮಿ ಪೂಜೆ ಸಲ್ಲಿಸುವ, ಒಟ್ಟಾರೆ

ನಮ್ಮ ದಿನಚರಿಯಲ್ಲಿ ಉಪಯೋಗಿಸುವ, ವಾಹನಗಳು, ಹಣ, ಗೋವು, ನಮ್ಮ ತೋಟದಲ್ಲಿ ಬೆಳೆಯುವ ಬೆಳೆಯನ್ನು ಕೊಯ್ಯುವ ಮುನ್ನ , ಹೀಗೆ ಎಲ್ಲವನ್ನು ದೇವರೆಂದೇ ಪೂಜಿಸುವ ವಿಶಿಷ್ಟ ಹಬ್ಬ ಈ ದೀಪಾವಳಿ.

ದೀಪಾವಳಿ ಮುಂಚಿನ ದಿನ ಬೆಳಿಗ್ಗೆ ಬೂರೆ ನೀರು ತುಂಬುವದರಿಂದ ಆರಂಭ, ಸನಜೆ ಅಮವಾಸ್ಯೆ , ಲಕ್ಷ್ಮಿ ಪೂಜೆ, ಮರುದಿನ ಬೆಳಿಗ್ಗೆ ಗೋಪೂಜೆ, ವಾಹನ ಪೂಜೆ ನಂತರ ನಮ್ಮಲ್ಲಿ ಗಡಿಮೆಡ್ಡಿಲ ಪೂಜೆ ಎಂದು ನಮ್ಮ ತೋಟದ ಕೆಲಸಕ್ಕೆ ಉಪಯೋಗಿಸುವ ಆಯುಧಗಳು, ಬುಟ್ಟಿ, ಒರಳು, ಬಂದೂಕು ತಕ್ಕಡಿ ಹಾಗೂ ಮನೆ ಬಳಕೆಯಲ್ಲಿರುವ ಹಲವು ಸಾಮಗ್ರಿಗಳನ್ನು ಪೂಜಿಸಲಾಗುತ್ತದೆ.

ಬೂರೆ ದಿನ ಪೂಜೆಗೆ ಚೀನಿಕಾಯಿ ಮತ್ತು ಸವತೆಕಾಯಿ ಕಡುಬನ್ನು ಗೋವಿಗಾಗಿ ಮಾದಿ ತಿನ್ನಿಸುತ್ತೇವೆ. ಬಹುಶ: ಯಾವ ಹಬ್ಬದಲ್ಲೂ ನಾವು ಗೋವಿಗಾಗಿ ಸಿಹಿ ಮಾಡುವುದಿಲ್ಲ...! ಹಾಗಾಗಿ ದೀಪಾವಳಿಯಲ್ಲಿ ಗೋಪೂಜೆಗೆ ಅಗ್ರ ಸ್ಥಾನ.

ಇನ್ನು ಮನೆ , ತೋಟದ ಸುತ್ತ-ಮುತ್ತ ಇರುವ ಭೂತ, ಇತ್ಯಾದಿ ಗಣಗಳಿಗೂ ತಂಗಿನಕಾಯಿ ಅರ್ಪಿಸುವ ಕೆಲಸ ನಡೆಯುತ್ತದೆ.

ಹಬ್ಬದ ಹೋಳಿಗೆ ಪಾಯಸದೊಂದಿಗೆ ಭೂರಿ ಭೋಜನ ನಡೆಯುತ್ತದೆ. ಹಾಗೂ ಸಂಜೆ ಉತ್ಸಾಹಿ ಯುವಕರು ಮನೆ ಮನೆಗೆ ದೀಪ ಕೊಂಡಯ್ಯುವ ಅಂಟಿಗೆ-ಪಂಟಿಗೆ ಎನ್ನುವ (ನಮ್ಮಲ್ಲಿ ಹಬ್ಬ ಹಾಡುವದು ಎನ್ನುತ್ತಾರೆ) ಮನರಂಜನಾ ಕಾರ್ಯಕ್ರಮ ಕೆಲವು ಊರುಗಳಲ್ಲಿದೆ.

ಇವತ್ತು ಊಟಿ, ಕೊಡೆಕೆನಾಲ್ ಎಲ್ಲ ನಮ್ಮ ಮನೆ ಮುಂಜಾವಲ್ಲಿತ್ತು........!

2009-10-11T21:21:00.000+05:30

ಹಾಂ.. ಎಂದಿನಂತೆ ಮುಂಜಾನೆ ವಾಕಿಂಗ್ ಮುಗಿಸಿ ಆರಾಮಾಗಿ ಕುಳಿತಿದ್ದೆ.

೭ ಘಂಟೆ ಆಗಿತ್ತೇನೋ.. ಹೊರಗೆ ಕಣ್ಣು ಹಾಯಿಸಿದರೆ ಎನೂ ಕಾಣಿಸದಷ್ಟು ಮಂಜು ಕವಿದಿದೆ..!
ಇದೇನೂ ವಿಶೇಷ ಅಲ್ಲ ಬಿಡಿ.
ಇದು ಪ್ರಕೃತಿಯ ಋತು ಬದಲಾವಣೆಯ ಸಮಯ......

ಹಾಗೆ ಮಧಾಹ್ನ ಕಾಫಿ ಸಮಯ ಎನೋ ಪಕ್ಷಿಯ ಕೂಗು ಕೇಳಿಸಿ ನೋಡಿದೆ, ನಮ್ಮ ರಾಷ್ಟ್ರಪಕ್ಷಿ ನಮ್ಮ ಮನೆಯ ಹಸಿ ಮೆಣಸಿನ ಗಿಡ ಮೇಯುವುದರಲ್ಲಿ ತಲ್ಲೀನವಾಗಿತ್ತು......!

ಇದು ಈ ಬಾರಿಯ ಭೂಮಿ ಹುಣ್ಣಮೆ ಹಭ್ಭ

2009-10-06T20:37:00.000+05:30

ಈ ಬಾರಿ ಭೂಮಿ ಹಣ್ಣಿಮೆ ಹಬ್ಬ ಮಳೆಯಲ್ಲೇ ಆಚರಿಸುವಂತೆ ಆಯಿತು.

ಭೂಮಿ ಹುಣ್ಣಿಮೆ ನಮ್ಮೆಲ್ಲರಿಗೂ ಸುಗ್ಗಿ ಆರಂಭವಾಗುವ ಸೂಚನೆ ಕೊಡುವ ಹಬ್ಬವಾಗಿದೆ.

ಇಲ್ಲಿ ನಾವು ಹಬ್ಬ ಆಚರಿಸುತ್ತಿದ್ದೇವೆ. ಆದರೆ ಉತ್ತರ ಕರ್ನಾಟಕದ ಜನರ ಪರಿಸ್ಥಿತಿ ನೋಡಿದರೆ ಕರುಳು ಕಿತ್ತು ಬರುವಂತಿದೆ.

ನಾವು ಮಲೆನಾಡಿನ ಜನರು ತುಂಬಾ ಅನುಕೂಲಕರ ಹವಮಾನ ಭಾಗ್ಯ ಪಡೆದಿದ್ದೇವೆ. ಅತ್ತ ಅನಾವೃಷ್ಠಿಯೂ ಇಲ್ಲ, .

ಅತಿವೃಷ್ಟಿಯೂ ಇಲ್ಲ. ಇದು ನಮ್ಮ ಭಾಗ್ಯವೆಂದೇ ನನ್ನ ಅನಿಸಿಕೆ

ಹಬ್ಬದ ದಿನ ಭೂಮಿ ಪೂಜೆ ಈ ಹಬ್ಬದ ಆಚರಣೆ. ಈ ದಿನ ನಮ್ಮ ತೋಟದಲ್ಲಿ ಅಡಿಕೆ, ತಂಗು ಮರಗಳಿಗೆ ತೋರಣ ಕಟ್ಟಿ,

ಒಂದು ಕಲ್ಲನ್ನು ಮರದ ಬುಡಕ್ಕೆ ಇಟ್ಟು ಅದನ್ನೇ ದೇವರೆಂದು ಪೂಜಿಸುವುದು ನಮ್ಮ ವಾಡಿಕೆ.

ನಮ್ಮ ಮನೆಯ ಊಟದ ಸಂಗಾತಿಗಳು.....

2009-09-15T19:38:00.000+05:30

ನಮ್ಮ ಹವ್ಯಕರಲ್ಲಿ ಊಟಕ್ಕೆ ಕೂರುವ ಮೊದಲು ಕಾಗೆಗಳಿಗೆ ಅಥವಾ ಹಸುಗಳಿಗೆ ಗ್ರಾಸ, ಅಂದರೆ ಅನ್ನ ಅಥವಾ ಪದಾರ್ಥ ಇಡುವ ಸಂಪ್ರದಾಯ ಹಲವರಲ್ಲಿ ಇದೆ.

ಇದು ಇತ್ತೀಚೆಗೆ ಮರೆಯಾಗುತ್ತಿದೆ ಕೂಡ. ನಮ್ಮ ಮನೆಯಲ್ಲೇನು ಇದನ್ನು ಕಟ್ಟು-ನಿಟ್ಟಾಗಿ ಆಚರಿಸುತ್ತಿರಲಿಲ್ಲ.

ನಮ್ಮಅಡಿಗೆ ಮನೆ ಕಿಟಕಿಯಲ್ಲಿ ಒಂದು ಒಂಟಿ ಕಾಲಿನ ಕಾಗೆ ( ಬಹುಶ: ಕರೆಂಟ್ ತಗುಲಿ ಒಂದು ಕಾಲು ಕಳೆದು ಕೊಂಡಿರ ಬಹುದು)

ತೊಂಡೆಬಳ್ಳಿ ಚಪ್ಪರದ ಮೇಲೆ ಕೂತು , ಬೆಳಿಗ್ಗೆ ಹಾಗೂ ಮಧ್ಯಾಹ್ನ ಕೂಗತೊಡಗಿತು. ನಮ್ಮ ಅಮ್ಮ , ಅತ್ತಿಗೆ ಪಾಪ ಅಂಗವಿಕಲ ಪಕ್ಷಿ

ಎಂದು ದೋಸೆಯೋ, ರೊಟ್ಟಿ ಚೂರನ್ನೋ ನೀಡ ತೊಡಗಿದರು. ಈಗ ಅದೊಂದೆ ಅಲ್ಲದೇ ಅದರ ಸ್ನೇಹಿತರೂ ಸೇರಿ ಹತ್ತಾರು

ಕಾಗೆಗಳು ಬೆಳಿಗ್ಗೆ- ಮಧ್ಯಾಹ್ಣ ಕಾಯಂ ಅತಿಥಿಗಳು......!

ಸಮಸ್ಯೆ ಎನೂ ಅಂತೀರಾ?! ಮೊದಲು ಮಾಡುವ ೨-೩ ರೊಟ್ಟಿ, ದೋಸೆಗಳು ಅತಿಥಿಗಳಿಗೇ ಮೀಸಲು.....!!!!

ಇಲ್ಲವಾದರೆ ಕಿವಿಗೆ ಹತ್ತಿ ಹಾಕಿಕೊಳ್ಳು ಪರಿಸ್ಥಿತಿ ಬಂದಿದೆ.

ಆದರೆ ನಾವೇನೂ ಇದರಿಂದ ಬೇಸರಗೊಂಡಿಲ್ಲ. ಕಾಗೆಗಳ ಈ ಪರಿಸ್ಥಿತಿಗೆ ನಾವುಗಳೂ ಪರೋಕ್ಷ ಕಾರಣವಾಗದ್ದೇವೇನೋ ಅನ್ನಿಸುತ್ತದೆ. ಮೊದಲು ಹಳ್ಳಿಗಳಲ್ಲಿ ಎಲ್ಲರೂ ಊಟ ಮಾಡಲು ಸಾಧಾರಾಣವಾಗಿ ಬಾಳೆ ಎಲೆ ಬಳಸುತ್ತಿದ್ದರು, ಕಾಲಾಂತರದಲ್ಲಿ

ಊಟಕ್ಕೆ ತಟ್ಟೆ ಬಳಕೆ ಹೆಚ್ಚಾಗಿ ಪ್ರಾಣಿ ಪಕ್ಷಿಗಳಿಗೆ ಎನೂ ದೊರಕದಂತಾಗಿದೆ.

ವಿಘ್ನೇಶ್ವರ ಮತ್ತೆ ಬರುತ್ತಿದ್ದಾನೆ.....

2009-08-16T11:42:00.000+05:30

ಹಾಂ ಪ್ರತಿ ವರ್ಷದಂತೆ ವಿನಾಯಕ, ವಿಘ್ನನಿವಾರಕ, ನಮಗೆಲ್ಲ ಶುಭ ತರಲು ಬರುತ್ತಿದ್ದಾನೆ.

ಮಳೆ- ಬೆಳೆ ಆಗಲಿ ಬಿಡಲಿ ನಮ್ಮ ಹಬ್ಬ-ಹರಿದಿನಗಳನ್ನು ನಾವು ಶ್ರದ್ಧೆಯಂದ ಆಚರಿಸುತ್ತೇವೆ. ಹಾಗೂ ಹಳ್ಳಿಗಳಲ್ಲಿ ಪೂಜೆಗೆ ಬೇಕಾದ ಗಣಪತಿಯ ಮೂರ್ತಿಗಳನ್ನು ಸ್ಥಳೀಯವಾಗಿ ಮಾಡುತ್ತಾರೆ.

ಈ ಕೆಳಗಿನ ಫೋಟೋಗಳು ನಮ್ಮ ಚಿಕ್ಕಪ್ಪ ಗಣಪತಿ ಮೂರ್ತಿ ಮಾಡುವಾಗ ತೆಗೆದಿರುವುದು. ಬಹಳ ಹಿಂದೆ ನಮ್ಮ ತಂದೆ ಈ ಕೆಲಸ ಮಾಡುತ್ತಿದ್ದರು, ಅವರ ಆ ಕಾಲದಲ್ಲಿ, ಹಾಗೂ ಈಗಲು ತುಂಬಾ ಪ್ರಸಿದ್ಧರಾದ ಬೆಳಗಾವಿಯ ಪಾಟೀಲ್ ಎಂಬುವರಲ್ಲಿ ಹೋಗಿ ವಾಟರ್‍ ಪೇಂಟಿಂಗ್ ಕಲಿತು ಬಂದರು.ಈಗ ನಮ್ಮ ಚಿಕ್ಕಪ್ಪ ಈ ಹವ್ಯಾಸವನ್ನು ಮುಂದುವರೆಸಿದ್ದಾರೆ.

ಗಣೇಶನ ಹಬ್ಬ ನಮಗೆಲ್ಲ ತುಂಬಾ ಸಂಭ್ರಮದ ಹಬ್ಬ, ಹಾಗೂ ಸಾರ್ವಜನಿಕ ಗಣಪತಿಗಳನ್ನು ಇಡುವ ಪದ್ದತಿ ಸ್ವಾತಂತ್ರ ಹೋರಾಟ

ಕಾಲದಲ್ಲಿ ಜನರ ಸಂಘಟನೆ ಉದ್ದೇಶಕ್ಕಾಗಿ ಪ್ರಾರಂಭವಾಗಿ ಈಗಲೂ ಜನರು ವಿಜೃಂಭಣೆಯಿಂದ, ಉತ್ತರ ಕರ್ನಾಟಕ ಹಾಗೂ

ಮುಂಬಯಿ ಭಾಗದಲ್ಲಿ ವ್ಯಾಪಕವಾಗಿ ಆಚರಿಸುತ್ತಾರೆ.

ವಿಘ್ನನಿವಾರಕ ಎಲ್ಲರಿಗೂ ಶುಭವನ್ನುಂಟು ಮಾಡಲಿ.

ನಾಗರ ಪಂಚಮಿ, ನಾಡಿಗೆ ದೊಡ್ಡ ಹಬ್ಬ....

2009-08-02T15:11:00.000+05:30

ನಾಗರ ಪಂಚಮಿ ನಮ್ಮ ಹಳ್ಳಿಗರೆಲ್ಲಾ ಆಚರಿಸುವ ಹಬ್ಬಗಳಲ್ಲಿ ಒಂದು.

ಆದರೆ ಇಂದು ಹಬ್ಬಗಳೆಲ್ಲ ಯಾಂತ್ರೀಕವಾಗಿ ಆಚರಿಸಲ್ಲಡುತ್ತಿವೆ...

ಈ ಕೇಲಗಿನ ಫೋಟೋ ಹಳ್ಳಿಗಳರು ನಾಗರಪಂಚಮಿಯಂದು ತಪ್ಪದೆ ಉಗುರಿಗೆ ರಂಗು ತರಲೆಂದು ಮದರಂಗಿ(ಹೆನ್ನಾ..!)

ಹಚ್ಚಿಕೊಳ್ಳುತ್ತಿದ್ದರು. ಆದರೆ ಈಗ ವಿವಿಧ ವರ್ಣದ ನೇಲ್ ಪಾಲೀಷ್ ದೊರೆಯುವಾಗ ನಿಸರ್ಗದತ್ತ ರಂಗು ಯಾರಿಗೆ ಬೇಕಾಗಿದೆ?

ಆದರು ನಮ್ಮ ಹಳ್ಳಿಗಳಲ್ಲಿ ಇನ್ನೂ ಸದ್ಯಕ್ಕೇ ಈ ಪದ್ದತಿ ಉಳಿದಿರುವುದು ಸಮಾಧಾನದ ಸಂಗತಿ.

ವರ್ಷಕೊಮ್ಮೆ ಬೆರಳಿಗೆ ಮದರಂಗಿ ಹಚ್ಚುವುದರಿಂದ ಉಗುರು ಸುತ್ತು ಆಗುವುದಿಲ್ಲವೆಂಬ ನಂಬಿಕೆ ಇತ್ತು.

ಚಿಕ್ಕ ಸಂದೇಶಗಳು ಹಾಗೂ ದೊಡ್ಡ ಅರ್ಥಗಳು......

2009-07-19T11:52:00.000+05:30

'' There is no market for your sorrows..

No one will buy them...

So never advertise your FEELINGS..! Just display your ATTITUDE"...

ಎಲ್ಲರ ಹತ್ತಿರ ಸೆಲ್ ಪೋನ್ ಬಂದ ನಂತರ ಬೇಕಾಗಿಯೋ ಬೇಡವೋ ಸೆಲ್ ನಿಂದ ಸೆಲ್ ಗೆ ದಿನವೂ ಹಲವಾರು ಈ ರೀತಿಯ ಸಂದೇಶಗಳು ಹರಿದಾಡುತ್ತಿರುತ್ತವೆ.

ನಾವು ನೀವು ಎಲ್ಲರೂ ಎಲ್ಲವನ್ನು ಓದುತ್ತೇವೋ ಇಲ್ಲವೋ ಗೊತ್ತಿಲ್ಲ...! ನಾವು ಒಂದು ಸಂದೇಶ ಸ್ವೀಕರಿಸಿದ ಕೂಡಲೆ ಆ ಸೆಲ್ ಗೆ ಮತ್ತೊಂದು ಸಂದೇಶವನ್ನು ಕಳಿಸುವ ಅನಿವಾರ್ಯತೆಯಲ್ಲಿ ಯವೂದನ್ನೋ ಹೆಕ್ಕಿ ಕಳಿಸಿ ಬಿಡುತ್ತೇವೆ....!!

ಮೇಲಿನ ಸಂದೇಶವನ್ನು ಕೂಲಂಕಷವಾಗಿ ಗಮನಿಸಿ,

ನಿಜ ಇಂದಿನ ಕಂಪ್ಯೂಟರ್‍ ಯುಗದಲ್ಲಿ ಯಾರಿಗೂ ಯಾರನ್ನೂ ಗಮನಿಸುವ ವ್ಯವಧಾನವಿಲ್ಲ... ಆದರೆ ಎಲ್ಲ ಭಾವ- ಭಾವನೆಗಳನ್ನು

ಒಂದೇ ತಕ್ಕಡಿಯಲ್ಲಿ ತೂಗುವುದು ಯಾವ ನ್ಯಾಯ??????

ಪ್ರಾಣಿಗಳಿಗೂ ಭಾವನೆಗಳಿರುವಾಗ ವಿಕಾಸದಲ್ಲಿ ಮುಂದುವರಿದ ( ಮೆದುಳಿನ..!) ಜೀವಿಯಾಗಿರುವ ಮನುಷ್ಯ ಸ್ವಲ್ಪ ಹೆಚ್ಚಿನ ಭಾವನಾ ಜೀವಿ ಎಂದು ನನ್ನ ಅನಿಸಿಕೆ.

ನಿಜ ನಮ್ಮ ದು:ಖ , ಭಾವನೆಗಳನ್ನು ಅಪರಿಚಿತರ ನಡುವೆ ಹೇಳ ಹೋದರೆ ಅಪಹಾಸ್ಯಕ್ಕೀಡಾಗುತ್ತೇವೆ.

ಆದರೆ ನಮ್ಮ ಸ್ನೇಹಿತರು, ಬಂಧುಗಳು ಒಡಹುಟ್ಟಿದವರಲ್ಲಿ ನಮ್ಮ ಭಾವನೆಗಳನ್ನು ಹಂಚಿ ಹಗುರಾಗಬೇಕು. ಇದೇ ಜೀವನ.......!

ಇದು ನಮ್ಮ ಹಿಂಡೂಮನೆ....... ಒಮ್ಮೆ ಹೀಗಿತ್ತು...!

2009-07-16T20:32:00.000+05:30

ಇದು ನಮ್ಮ ಹೊಸಮನೆ...!

ಹೌದು... ಹಿಂದೊಮ್ಮೆ ನಮ್ಮ ಮನೆ ಹೀಗೇ ಇತ್ತು. ಆದರೆ ಈಗ ಅದು ಬರೀ ನೆನಪು ಮಾತ್ರ.....

ನಮ್ಮ ಮನೆ ಬಹುಶ: ನಮ್ಮ ಪ್ರಾಂತ್ಯದಲ್ಲಿ ಇದುತುಂಬಾ ದೊಡ್ಡಮನೆ ಆಗಿತ್ತು.

ಅದಕ್ಕೆ ತಕ್ಕಂತೆ ಮನೆಯ ತುಂಬಾ ಜನರೂ , ಆಳು ಕಾಳು ಒಕ್ಕಲು ಜಮೀನು , ಗದ್ದೆ ತೋಟ ಎಲ್ಲ ಇದ್ದವು.

ಆದರೆ ಭೂ ಸುಧಾರಣಾ ಕಾನೂನಿನಿಂದ ನಾವೆಲ್ಲ ರಾತ್ರಿ ಬೆಳಗಾಗುವಷ್ಟರಲ್ಲಿ ಸಣ್ಣ ಹಿಡುವಳಿದಾರರಾದೆವು...!

ನಮ್ಮ ಕುಟುಂಬ ದೊಡ್ಡದಾಗಿತ್ತು, ಮನೆಯಲ್ಲಿ ೧೫-೧೬ ಮಂದಿ ಜನರಿದ್ದೆವು. ಮನೆಯಂತೆ ಎಲ್ಲರ ಮನವೂ ದೊಡ್ಡದಿತ್ತು. ಮನೆ, ಮನೆ ಪಕ್ಕ ವಿಶಾಲವಾದ ಅಂಗಳ, ಸುತ್ತ-ಮುತ್ತ ತೋಟ ಮನೆ ಹಿಂಭಾಗದಲ್ಲಿ ಚಿಕ್ಕ ಕೆರೆ, ಮನೆಗೆ ನಿಸರ್ಗದತ್ತವಾಗಿ ಹರಿದುಬರುವ ನೀರು ಹೀಗೆ ತುಂಬಾ ಸಮೃದ್ಧಿ...

ಕಾಲ ಒಂದೇ ರೀತಿ ಇರುವುದಿಲ್ಲವಲ್ಲ... ಅಣ್ಣ-ತಮ್ಮಂದಿರು ಭಾಗವಾದರು, ಈಗ ಕಾಣುವ ಮನೆ ಚಿಕ್ಕಪ್ಪನ ಪಾಲಿಗೆ ಬಂದಿತು . ಮನೆ ದೊಡ್ಡದು, ಮನೆಯಲ್ಲಿರುವವರು ಬರೀ ನಾಲ್ವರಾದರು...! ಮನೆಯ ಯೋಗಕ್ಷೇಮ ನೋಡಲೇ ಜನ ಸಾಲದಾದರು. ಅವರೂ ಅದನ್ನು ಉಳಿಸಲು ಪ್ರಯತ್ತಿಸಿ ಕೊನೆಗೆ ೧೯೯೫ರಲ್ಲಿ ಕೆಡವಿ ಹೊಸದಾಗಿ ಕಾಂಕ್ರೀಟ್ ಮನೆ ಕಟ್ಟಿದರು....

ಆಗ ವಿದ್ಯುತ್ ಇರಲಿಲ್ಲ, ಟೀವಿ, ಫ್ಯಾನ್ ಫೋನ್ ವಾಹನಗಳು, ಸೆಲ್ ಫೋನ್ ಯಾವುದೂ ಇರಲಿಲ್ಲ ಆದರೆ ಜನರಲ್ಲಿ ನೆಮ್ಮದಿ ಇತ್ತು.

ಇರುವುದರಲ್ಲಿ ಸಂತೃಪ್ತಿ ಇತ್ತು. ಆದರೆ ಇಂದು ಎಲ್ಲವೂ ಇದೆ.. ನೆಮ್ಮದಿಯನ್ನು ಬಿಟ್ಟು.....

ಅಂದ ಹಾಗೆ ಇದು ಮಲೆನಾಡು ಮತ್ತು ದಕ್ಷಿಣ ಕನ್ನಡ ಜಿಲ್ಲೆಗಳಲ್ಲಿ ಮತ್ತು ಕೇರಳದಲ್ಲಿ ಕಾಣ ಬರುವ ಭವಂತಿ ಮನೆಯಾಗಿತ್ತು.

ಮನೆಯ ಜಗಲಿಗೆ ತಾಗಿದಂತೆ ವಿಶಾಲವಾದ ಅಂಗಳ, ಅದರ ಸುತ್ತಲು ಕಡಿಮಾಡು ಇದರ ವಿಶೇಷ. ಇದರ ಪ್ರಯೋಜನವೆಂದರೆ

ಧಾರಾಳವಾದ ಗಾಳಿ ಬೆಳಕು ಹಾಗೂ ನಾವು ಪ್ರಕೃತಿಯ ಭಾಗವಾಗಿರುವಂತೆ ಭಾಸವಾಗುತ್ತದೆ.

hindumane.blogspot.com

ನೆನಪುಗಳು

ಕಾಡತಾವ ನೆನಪುಗಳು ಗೆಳತಿ,ಮರೆಯಲಾರೆಮರೆತು ಬದುಕಲಾರೆಮನಸಿನ ದುಗುಡಹೇಳಲಾರೆ ಹೇಳದಿರಲಾರೆಯಾರಿರುವಿರಿ ಆಲೈಸಲು?ಆಲೈಸಿ ಸಂತೈಸಲು????

ಒಂದು ಅಶ್ರು ತರ್ಪಣ

ಮರೆಯಾಗುತ್ತಿರುವ ಗಮಕ ಕಲೆ...

ಭೂಮಿಯ ಮೇಲೊಂದು ಸುತ್ತು......

ಭಾವನೆಗಳ ಹೊಳೆಯಲ್ಲಿ....

ಅಡಿಕೆ ತೋಟದಲ್ಲಿ ಉಪಬೆಳೆಯಾಗಿ ಜಾಯಿಕಾಯಿ

ನಾಗಲಿಂಗ ಪುಷ್ಪ...

ಪಾತ್ರ - ಅಪಾತ್ರಗಳ ನಡುವೆಅಲೆದಾಟ.........

ಒಳ್ಳೆಯವಳು...ಒಳ್ಳೆಯವನು... ಒಳ್ಳೆಯವರು......!

ನಾನು ಕಂಡ ಆಂದ್ರಪ್ರದೇಶ........

ನಮ್ಮ ಊರಿಗೆ ರೈಲು ಬಂದ ಆ ಕ್ಷಣ.....

ಮಾಗಿಯ ಮಾವಿನ ಸೊಬಗು.....

ನಮ್ಮ ಮೆಚ್ಚಿನ ಸಾಕು ಪ್ರಾಣಿ- ನಾಯಿ...

ರೈಲ್ವೇ ಕಾಮಗಾರಿಯ ಪಕ್ಷಿನೋಟ....!

ಒಂದು ಪುರಾತನ ಭವನದ ಸುತ್ತ

ನವಿಲಿನ ಬೆಡಗು, ಬಿನ್ನಾಣಗಳು

ಮಳೆಗಾಲದ ತುಂತುರು ಮಳೆಯ ನಡುವೆ ಮಾಗೋಡು ಫಾಲ್ಸ್

ಬ್ಲಾಗಿಗರ ಕಾಲೆಳೆಯಲು ಹವಣಿಸುವ ಖ್ಯಾ(ಕ್ಯಾ)ತ ಸಾಯಿತಿಗಳು,,,,,,

ಯಾರ ಹಂಗೂ ಎನಗಿಲ್ಲ...!

ಜೇನುಕಲ್ಲು ಗುಡ್ಡ....ಒಂದು ನೋಟ.

ಮೊಟ್ಟೆ ಸಂಪಿಗೆ

ಹೀಗೊಂದು ಚಿಕ್ಕ ಜಲಪಾತ

ಮಳೆಗಾಲದ , ಮಲೆನಾಡಿನ ಅಪರೂಪದ ತರಕಾರಿ " ಮಡಹಾಗಲು "

ಉಂಚಳ್ಳಿ ಫಾಲ್ಸ್.... ಮಳೆಗಾಲದ ನೋಟ....

ಚೌತಿ ಹಬ್ಬದ ದಿನ... ಊರಲ್ಲೊಂದು ಸುತ್ತು....

ವಿಘ್ನ ನಿವಾರಕ ವಿಘ್ನೇಶನಿಗೆ ನಮ:

ಬಾವಲಿಗಳ ಲೋಕ

ಅಸಮಾನ ಆಸ್ತಿ ಹಂಚಿಕೆ........ ಒಂದು ವಿಶ್ಲೇಷಣೆ

ಅವರವರ ಭಾವಕ್ಕೆ............

ಹೀಗೊಂದು ಫೋಟೋ.... ಏನೆಂದು ಹೇಳಬಲ್ಲಿರಾ?

ಮಲೆನಾಡಿನಲ್ಲಿ ಮರೆಯಾಗುತ್ತಿರುವ ಕರಿಕಂಬಳಿ...!

ಸೋನೆ ಮಳೆ..........................

ಹಲಸು ಮಲೆನಾಡಿಗರ ಮೆಚ್ಚಿನ ತರಕಾರಿ, ಹಣ್ಣು......

ಕಾಡುವ ಬಾಲ್ಯದ ನೆನಪುಗಳು......

ಮರೆಯಲಾರೆ ನಿನ್ನ ಅನುಗಾಲವೂ..............

" ಕವಲು " ಭೈರಪ್ಪನವರ ಪುಸ್ತಕದ ಬಗ್ಗೆ ಓದುಗನ ಅನಿಸಿಕೆಗಳು........

ಕವಲುದಾರಿಯಲ್ಲಿ ಮಲೆನಾಡಿನ ಹವ್ಯಕರು............

ನಿತ್ಯ ಕಾಡುತ್ತಿರುವ ಕಾರ್ಮಿಕ ಸಮಸ್ಯೆ ಎಂಬ ಭೂತ.................

ಮಕ್ಕಳಿಗೆ ಶಾಲೆ, ಅಪ್ಪ, ಅಮ್ಮನಿಗೆ ಹೋಂ ವರ್ಕ್.....!

ಪ್ರಕೃತಿ ನಿರ್ಮಿಸಿದ ಕಮಾನು.....

ಇಳೆಗೆ ಬಿದ್ದ ಮೊದಲ ಮಳೆ..............

ಸಾಲು ಮರಗಳ ದುರಂತ ಸಾವು.. ... .... ..... ....... . . .

ಹಳ್ಳಿಯಲೊಬ್ಬ ಹವ್ಯಾಸಿ ವೈಮಾನಿಕ.............!

ಕಾಡುಕೋಣಗಳ ಜೊತೆ ಮುಖಾಮುಖಿ....!

ಪವರ್‍.............ಪವರ್‍ಕಟ್..................!!!!!!!!!!!!!

Call Me Anytime............

ಒಂದು ಮುಂಜಾವಿನ ಪೂರ್ವ...ಪಶ್ಛಿಮ.

ಶಿಥಿಲಗೊಳ್ಳುತ್ತಿರುವ ಸಂಬಂಧಗಳು... ಯಾಂತ್ರಿಕವಾಗಿರುವ ಹಬ್ಬಗಳು... .....

ಮಗುವಿನ ಪ್ರಾಮಾಣಿಕತೆಯೂ.. ಶಿಕ್ಷಕರ.......... ! ! ! ! !

Result of Love Marriage!

ಹವ್ಯಕ ಸಮಾಜದಲ್ಲಿನ ವಧುಗಳ ಕೊರತೆ ಹಾಗೂ ಅದರ ದೀರ್ಘಕಾಲೀನ ಪರಿಣಾಮಗಳು- ಒಂದು ಅನಿಸಿಕೆ

ಉದ್ಯೋಗ ಖಾತ್ರಿ ಎಂಬ ಕೇಂದ್ರ ಸರಕಾರದ ಯೋಜನೆಯ ಪ್ರತ್ಯಕ್ಷ ಅನುಭವ.....

ಲವಂಗ-ಬೆಳೆಯುವಲ್ಲಿ ಹಲ ವರ್ಷಗಳ ಪರಿಶ್ರಮದ ಫಲ

ಬದುಕಿನಲ್ಲಿ ಕಳೆದುಕೊಳ್ಳುವ-- ಕಳೆದುಹೋಗುವ ಭಯ.......

ಯಮ್ಮನೆ ಹೆಗ್ಗಣವೇ ಮುದ್ದು.. ನನ್ನ ಗೆಳತಿಯ ಪರಿಕಲ್ಪನೆ...!

ನುಸಿ ಪೀಡೆ ಬಂದ ತೆಂಗಿನಕಾಯಿ ಒಡೆಯಲು ಸುಲಭ ಸಾಧನ..

ಸಾವಯವ ಬೆಳೆಗಾರರ ಮತ್ತು ವ್ಯಾಪಾರಿಗಳ ಸಂವಾದ: ಹೊಂಬಳ, ಗದಗ .. ಭಾಗ ೨

ಸಾವಯವ ಬೆಳೆಗಾರರ ಮತ್ತು ವ್ಯಾಪಾರಿಗಳ ಸಂವಾದ: ಹೊಂಬಳ, ಗದಗ

ನವಿಲು....

ಮುಸ್ಲಿಂ ಲವ್ ಜಿಹಾದ್ ಮತ್ತು ಸ್ವಯಂ ಘೋಷಿತ ಬುದ್ದಿಜೀವಿ ಜಾತ್ಯಾತೀತವಾದಿಗಳ ಪ್ರಲಾಪಗಳು....

ಒಗ್ಗಟ್ಟಿನಲ್ಲಿ ಬಲವಿದೆ..ಗೆಲುವಿದೆ........!

ನನ್ನ ಸೆಲ್ ಫೋನ್ ಮಾಡಿದ ಅವಾಂತರ...........!!!!!!!!!!!!

hindumane.blogspot.com: ಅಮೃತಧಾರೆ....

ಅಮೃತಧಾರೆ....

ನಾವೂ ಅನಾಥರು... ಒಮ್ಮೊಮ್ಮೆ................................................................

ಸೋದರಿಗೊಂದು ಆತ್ಮ ನಿವೇದನಾ ಪತ್ರ..............

ದೀಪಾವಳಿ... ದೊಡ್ಡ ಹಬ್ಬ.....

ಇವತ್ತು ಊಟಿ, ಕೊಡೆಕೆನಾಲ್ ಎಲ್ಲ ನಮ್ಮ ಮನೆ ಮುಂಜಾವಲ್ಲಿತ್ತು........!

ಇದು ಈ ಬಾರಿಯ ಭೂಮಿ ಹುಣ್ಣಮೆ ಹಭ್ಭ

ನಮ್ಮ ಮನೆಯ ಊಟದ ಸಂಗಾತಿಗಳು.....

ವಿಘ್ನೇಶ್ವರ ಮತ್ತೆ ಬರುತ್ತಿದ್ದಾನೆ.....

ನಾಗರ ಪಂಚಮಿ, ನಾಡಿಗೆ ದೊಡ್ಡ ಹಬ್ಬ....

ಚಿಕ್ಕ ಸಂದೇಶಗಳು ಹಾಗೂ ದೊಡ್ಡ ಅರ್ಥಗಳು......

ಇದು ನಮ್ಮ ಹಿಂಡೂಮನೆ....... ಒಮ್ಮೆ ಹೀಗಿತ್ತು...!